امت مسلمہ کے حکمران امریکہ کے غلام اور یہ امت غلاموں کی غلام ہے، پروفیسر ابراہیم خان
اشاعت کی تاریخ: 4th, October 2025 GMT
امیر جماعت اسلامی خیبر پختونخوا جنوبی کا کہنا تھا کہ غلامی سے نکلنے کا واحد راستہ انقلابی قیادت کا انتخاب ہے۔ سیرتِ رسولِ اکرم ﷺ ہی انسانیت کی نجات کا راستہ ہے۔ اسلام ٹائمز۔ امیر جماعت اسلامی خیبر پختونخوا جنوبی پروفیسر محمد ابراہیم خان نے کہا ہے کہ ٹرمپ کا غزہ امن فارمولا امتِ مسلمہ کی بدترین غلامی کا منہ بولتا ثبوت ہے۔ امت مسلمہ کے حکمران امریکہ کے غلام اور یہ امت غلاموں کی غلام ہے۔ غلامی سے نکلنے کا واحد راستہ انقلابی قیادت کا انتخاب ہے۔ سیرتِ رسولِ اکرم ﷺ ہی انسانیت کی نجات کا راستہ ہے۔ امتِ مسلمہ اور انسانیت کی فلاح و کامیابی صرف اور صرف سیرتِ رسول ﷺ کو اپنانے میں ہے۔ نبی اکرم حضرت محمد مصطفیٰ ﷺ کی حیاتِ طیبہ ہمارے لیے ہر شعبہئ زندگی میں بہترین نمونہ ہے، چاہے وہ انفرادی کردار ہو یا اجتماعی نظام، ریاستی معاملات ہوں یا بین الاقوامی تعلقات، عبادات ہوں یا معاملات، آپ ﷺ کی سیرت رہنمائی کا کامل سرچشمہ ہے۔ ان خیالات کا اظہار انہوں نے گورنمنٹ کالج آف منیجمنٹ سائنسز کرک میں اسلامی جمعیت طلبہ کوہاٹ ڈویژن کے زیرِ اہتمام سیرت النبی ﷺ ٹیسٹ مقابلے کے شرکاء سے خطاب کرتے ہوئے کیا۔
اس موقع پر جماعت اسلامی خیبر پختونخوا جنوبی کے سیکرٹری جنرل محمد ظہور خٹک، قائم مقام امیر جماعت اسلامی ضلع کرک پروفیسر ڈاکٹر اظہار الحق، اسلامی جمعیت طلبہ خیبر پختونخوا کے سیکرٹری جنرل محمد انیس، اسلامی جمعیت طلبہ کوہاٹ ڈویژن کے ناظم محمد عاصم اور اسلامی جمعیت طلبہ ضلع کرک کے ناظم حسیب خٹک نے بھی خطاب کیا۔ اس موقع پر ٹیسٹ میں کامیاب ہونے والے ٹاپ ٹین طلباء کو اسناد اور نقد رقوم سے نوازا گیا۔ پروفیسر محمد ابراہیم خان نے مزید کہا کہ سیرت النبی ﷺ پر عمل کرنا محض مذہبی فریضہ نہیں بلکہ دنیا و آخرت کی بھلائی کی واحد ضمانت بھی ہے۔ نبی رحمت ﷺ نے جہالت، ظلم، استحصال اور نفرت سے بھرے معاشرے کو علم، عدل، امن اور محبت کا گہوارہ بنایا۔ آج اگر امت زوال کا شکار ہے تو اس کی سب سے بڑی وجہ یہی ہے کہ ہم نے سیرت کے سنہرے اصولوں کو ترک کر دیا ہے۔ انہوں نے کہا کہ موجودہ معاشرتی بگاڑ، اخلاقی انحطاط، خاندانی نظام کی ٹوٹ پھوٹ اور عالمی سطح پر مسلمانوں کی کمزوری کا علاج صرف اسوہ حسنہ میں ہے۔
ذریعہ: Islam Times
کلیدی لفظ: اسلامی جمعیت طلبہ خیبر پختونخوا جماعت اسلامی
پڑھیں:
وزیر اعلیٰ خیبر پختونخوا کو 27 نومبر تک کسی بھی درج مقدمے میں گرفتار نہ کرنے کا حکم
پشاور (ویب ڈیسک) وزیر اعلیٰ خیبر پختونخوا سہیل آفریدی کی حفاظتی ضمانت اور مقدمات کی تفصیل کے دائر درخواست پر پشاور ہائیکورٹ میں اہم سماعت ہوئی اور فاضل عدالت نے وزیر اعلیٰ کو 27 نومبر تک کسی بھی درج مقدمے میں گرفتار نہ کرنے کا حکم دیا۔
تفصیل کے مطابق جسٹس اعجاز انور اور جسٹس وقار احمد نے درخواست پر سماعت کی۔ وکلاء ہڑتال کے باعث سماعت نہ ہو سکی۔عدالت نے وزیر اعلیٰ خیبر پختونخوا کی حفاظتی ضمانت میں 27 نومبر تک توسیع کرتے ہوئے متعلقہ فریقین سے مقدمات کی تفصیل دوبارہ طلب کرلی۔
وکیل وزیر اعلیٰ کا کہنا تھا کہ وزیر اعلیٰ سہیل آفریدی پر اسلام آباد سمیت مختلف علاقوں میں مقدمات درج ہیں، وزیر اعلی کو تفصیل فراہم کر دی جائے تاکہ وہ متعلقہ عدالتوں میں رجوع کر سکے۔
خیبر پختونخوا میں خفیہ اطلاعات پر سیکیورٹی فورسز کا بڑا آپریشن، بھارتی حمایت یافتہ 15 دہشتگرد ہلاک
مزید :
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن