کراچی، ڈیفنس میں فلیٹ سے خواجہ سرا کی پھندا لگی لاش برآمد
اشاعت کی تاریخ: 4th, October 2025 GMT
شہر قائد کے علاقے ڈیفنس خیابان بدر کمرشل ایریا میں فلیٹ سے خواجہ سرا کی گلے میں پھند لگی لاش ملی ۔
ایکسپریس نیوز کے مطابق خیابان بدر کمرشل ایریا کے فلیٹ سے خواجہ سرا کی پھندے سے لٹکی لاش کی اطلاع ملنے پر امدادی کارکن اور پولیس کی نفری وقوعہ پر پہنچی۔
پولیس نے کرائم سین سے شواہد اکھٹے کرنے کے بعد خواجہ سرا کی لاش کو ضابطے کی کارروائی کے لیے جناح اسپتال منتقل کردیا۔
اس حوالے سے ایس ایچ او درخشاں شاہد تاج نے بتایا کہ خواجہ سرا کی شناخت ابیہ کے نام سے کی گئی جبکہ اس کا اصل نام عبداللہ بابر ہے تاہم ابتدائی تحقیقات میں معلوم ہوا ہے کہ خواجہ سرا یسریٰ نامی لڑکی کے ہمراہ فلیٹ میں کرایے پر رہتا تھا۔
انہوں نے بتایا کہ لڑکی نے پولیس کو بیان دیا ہے کہ وہ سو کر اٹھی تو کمرے میں ابیا کی گلے میں پھندا لگی لاش لٹک رہی تھی جس پر اس نے اپنے دوستوں کو فون کر کے واقعے سے آگاہ کیا اور انھوں نے موقع پر پہنچ کر خواجہ سرا کی لاش اتار کر مدد گار 15 پر اطلاع دی۔
خواجہ سرا کی گردن پر پھندا کا نشان موجود اور ابتدائی طور پر واقعہ گلے میں پھندا لگا کر خودکشی کا معلوم ہوتا ہے تاہم پولیس اس حوالے سے مزید چھان بین کر رہی ہے۔
.
ذریعہ
ذریعہ: Express News
کلیدی لفظ: خواجہ سرا کی
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم