پاکستان اور سعودی عرب میں اہم پیشرفت، دفاعی معاہدے کے بعد اقتصادی تعاون کیلئے اعلیٰ سطح کمیٹی قائم
اشاعت کی تاریخ: 5th, October 2025 GMT
پاکستان اور سعودی عرب کے درمیان حالیہ تاریخی دفاعی معاہدے کے بعد دونوں برادر ممالک کے تعلقات میں ایک اور بڑی پیش رفت ہوئی ہے۔ وفاقی حکومت نے دونوں ملکوں کے درمیان اقتصادی تعاون کو نئی جہت دینے کے لیے ایک 18 رکنی اعلیٰ سطح کمیٹی قائم کر دی ۔
کمیٹی کا باضابطہ نوٹیفکیشن جاری
میڈیارپورٹس کے مطابق یہ کمیٹی وزیراعظم شہباز شریف کی ہدایت پر قائم کی گئی ہے اور اس کا نوٹیفکیشن بھی جاری کر دیا گیا ہے۔ کمیٹی کا مقصد پاکستان – سعودی اقتصادی فریم ورک کے تحت مذاکرات کی قیادت اور نگرانی کرنا ہے۔
دو شریک چیئرمین، بااختیار ٹیمیں
کمیٹی کی قیادت کے لیے دو شریک چیئرمین نامزد کیے گئے ہیں ،سینیٹر مصدق مسعود ملک (وفاقی وزیر برائے موسمیاتی تبدیلی) ،لیفٹیننٹ جنرل سرفراز احمد (نیشنل کوآرڈینیٹر، ایس آئی ایف سی) یہ دونوں عہدیدار سعودی حکام کے ساتھ براہِ راست مذاکرات کے لیے مرکزی ٹیمیں تشکیل دیں گے۔
کمیٹی کون کون شامل ہے؟
کمیٹی میں مختلف شعبوں کے اہم وزراء اور اعلیٰ حکام شامل ہیں، جن میں احد چیمہ (اقتصادی امور)، جام کمال خان (تجارت)، اویس لغاری (توانائی)، رانا تنویر حسین (خوراک)، شزا فاطمہ خواجہ (آئی ٹی)،
عبدالعلیم خان (مواصلات) ، چیئرمین ایس ای سی پی، ڈپٹی گورنر اسٹیٹ بینکشامل ہیں
وزیراعظم آفس نے ہدایت دی ہے کہ کمیٹی 6 اکتوبر 2025 سے اپنی مکمل دستیابی یقینی بنائے سعودی عرب سے متعلق ہر اجلاس کی سفری منظوری ایک گھنٹے کے اندر مکمل کی جائے ہر 15 دن بعد وزیراعظم کو کارکردگی رپورٹ پیش کرے
تعاون کا دائرہ مزید وسیع
نوٹیفکیشن میں واضح کیا گیا ہے کہ پاک سعودی تعاون صرف دفاع اور توانائی تک محدود نہیں رہا، بلکہ اب یہ ماحولیات، موسمیاتی تبدیلی، تجارت، زراعت، اور دیگر اقتصادی شعبوں تک پھیل چکا ہے۔
اہم ترجیحات کیا ہوں گی؟
ذرائع کے مطابق کمیٹی کی ترجیحات میں شامل ہوں گے سعودی عرب کے ساتھ بائے بیک سرمایہ کاری کی تجدید (خصوصاً تیل اور زراعت کے شعبے میں) ، پاکستانی برآمدات میں اضافہ، زیر التوا تیل ریفائنری منصوبے پر پیش رفت ،اس وقت دونوں ملکوں کی باہمی تجارت میں 3 ارب ڈالر کا خسارہ سعودی عرب کے حق میں ہے، جسے کم کرنے پر بھی بات چیت متوقع ہے۔
وزیراعظم کا ممکنہ سعودی دورہ
وزیراعظم شہباز شریف رواں ماہ کے آخر میں سعودی عرب کا سرکاری دورہ کریں گے، جہاں وہ اہم اقتصادی معاہدوں کو حتمی شکل دینے کا ارادہ رکھتے ہیں۔
ذریعہ
ذریعہ: Daily Mumtaz
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ