ورلڈ بنک ٹیم کا دورہ اپر کوہستان ، داسو ہائیڈرو پاور پراجیکٹ پر اطمینان کا اظہار
اشاعت کی تاریخ: 6th, October 2025 GMT
اسلام آباد(خبرنگار) ورلڈ بنک دورہ اپر کوہستان کے دوران داسو ہائیڈرو پاور پراجیکٹ (ڈی ایچ پی پی)میں سماجی اور ماحولیاتی پیش رفت پر اطمینان کا اظہار کیا ہے جو پاکستان کے پائیدار ترقی کے عزم اور مضبوط چینی شراکت داری کی عکاسی ہے گوادر پرو کے مطابق ورلڈ بینک کے سوشل اور انوائرنمنٹل مشن کے ایک وفد نے اس منصوبے کا دورہ کیا ڈی ایچ پی پی کے مطابق، ٹیم نے اب تک کی گئی پیش رفت کو سراہا اور زور دیا کہ سماجی و ماحولیاتی وعدوں کو انجینئرنگ اور تعمیراتی مراحل کے ساتھ ہم آہنگ رکھا جائے دورے کے دوران ڈی ایچ پی پی کی سوشل ری سیٹلمنٹ اینڈ انوائرنمنٹ یونٹ نے ماہرین اور چینی ٹھیکیداروں کے ہمراہ وفد کو آباد کاری ماحولیاتی تحفظ اور سماجی ترقی کے اقدامات پر بریفنگ دی ورلڈ بینک ٹیم نے تعمیراتی مقامات کا بھی معائنہ کیا تاکہ زمینی سطح پر حفاظتی اقدامات کا جائزہ لیا جا سکے مشن نے آبادکاری کے منصوبوں پر بروقت عملدرآمد، مقامی کمیونٹیز سے بامعنی روابط، اور ماحولیاتی نگرانی کے مؤثر نظام پر زور دیا یہ رواں سال کا دوسرا دورہ تھا اس سے قبل اپریل 2025میں بھی ایک جائزہ مشن نے کمیونٹی انگیجمنٹ اور بین الاقوامی معیارات پر عملدرآمد کو سراہا تھا۔
.
ذریعہ
ذریعہ: Nawaiwaqt
پڑھیں:
کراچی، محسن نقوی کا صفورا میں واقع نادرا میگا سینٹر کا اچانک دورہ
وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ متعلقہ فائیلیںاسلام ٹائمز۔ وفاقی وزیر داخلہ محسن نقوی نے یونیورسٹی روڈ صفورا میں واقع نادرا میگا سینٹرکا اچانک دورہ کیا۔ وزیر داخلہ نے شہر قائد کے نادرا میگا سینٹر میں شہریوں کے لئے سہولتوں کا جائزہ لیا، محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے۔ وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ شہریوں کا کہنا تھا کہ شناختی کارڈز اور دیگر دستاویزات بنوانے میں انتظار نہیں کرنا پڑتا، وقت پر باری آ جاتی ہے اور عملہ بھی مکمل تعاون کرتا ہے۔ محسن نقوی مختلف کاؤنٹرز پر گئے اور خصوصا بزرگ شہریوں سے گفتگو کی اور ان کے ایشوز پوچھے، بزرگ شہریوں اور خواتین کے کام ترجیحی بنیادوں پر کرنے کے احکامات جاری کئے۔ وزیر داخلہ محسن نقوی نے نادرا سینٹر کے انچارج اور عملے کی کارکردگی کی تعریف کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ