عظمیٰ بخاری ماسی مصیبتے بن گئی ہیں، قرۃ العین مری کا طنز
اشاعت کی تاریخ: 6th, October 2025 GMT
پیپلزپارٹی کی رہنما سینیٹر قرۃ العین مری نے کہا ہے کہ ن لیگ ہر بار پیپلزپارٹی کی جانب سے سیلاب متاثرین کی بات کو پنجاب پر حملہ قرار دیتی ہے، جو افسوسناک رویہ ہے۔
مسلم لیگ (ن) کی ترجمان عظمیٰ بخاری کے حالیہ بیان پر اپنا ردعمل دیتے ہوئے سینیٹر قرۃ العین مری نے کہا کہ جب بھی پیپلزپارٹی سیلاب متاثرین کی بات کرتی ہے، ن لیگ اسے پنجاب پر حملہ کیوں سمجھتی ہے۔
یہ بھی پڑھیں:
ان کے مطابق پنجاب اس وقت سیلاب سے دوچار ہے لیکن عظمیٰ بخاری کو ’سندھ فوبیا‘ لاحق ہوگیا ہے۔
Whenever PPP talks about flood victims, why does PML-N call it an attack on Punjab?
Uzma Bukhari became a Maasi Musibati while making her salary halal, Punjab is submerged in floods and Uzma Bukhari has developed Sindh phobia.
PPP Senator @Anny_Marri pic.twitter.com/B6y7dKtXVZ
— Raza Dharejo PPP (Official) (@RazaDharijo) October 6, 2025
انہوں نے طنزیہ انداز میں کہا کہ عظمیٰ بخاری ’تنخواہ حلال کرتے کرتے ماسی مصیبتے بن گئی ہیں۔‘
سینیٹر قرۃ العین مری کا کہنا تھا کہ سندھ کے خلاف مسلم لیگ (ن) کا رویہ اعلانِ جنگ کے مترادف ہے، جو ایک خطرناک روایت ہے اور اس کے نتائج ملک کے لیے بہتر نہیں ہوں گے۔
پی پی رہنما نے مزید کہا کہ عظمیٰ بخاری کی قیادت صوبائیت پھیلا کر اپنی پارٹی کو لسانی جماعت بنا چکی ہے۔
مزید پڑھیں:
انہوں نے دعویٰ کیا کہ بظاہر لگتا ہے کہ نواز شریف اور مریم نواز، شہباز شریف کی کامیابی ہضم نہیں کرپا رہے، اسی لیے مریم نواز پیپلزپارٹی کو نشانے پر لے رہی ہیں تاکہ وفاق کو کمزور کیا جا سکے۔
سینیٹر قرۃ العین مری کے مطابق عظمیٰ بخاری وہی ہیں جو کبھی نواز شریف کو ’را کا ایجنٹ‘ کہتی تھیں، انہوں نے کہا کہ مسلسل پارٹی بدلنے والے کسی کے وفادار نہیں ہوتے۔
انہوں نے کہا کہ جاتی امرا میں نریندر مودی کے ساتھ ملاقاتیں کرنے والے آج بلاول بھٹو کے خارجہ امور پر سوال اٹھا رہے ہیں، جو انہیں زیب نہیں دیتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیپلز پارٹی سینیٹر عظمیٰ بخاری قرۃالعین مری ماسی مصیبتے مسلم لیگ نذریعہ: WE News
کلیدی لفظ: پیپلز پارٹی سینیٹر قرۃالعین مری ماسی مصیبتے مسلم لیگ ن
پڑھیں:
عظمیٰ بخاری جعلی ویڈیو کیس: نامزد ملزم کے ناقابل ضمانت وارنٹ جاری
لاہور ہائیکورٹ نے وزیر اطلاعات پنجاب عظمیٰ بخاری کی جعلی ویڈیو اپ لوڈ کرنے کے مقدمے میں نامزد ملزم کے ناقابل ضمانت وارنٹ گرفتاری جاری کر دیئے۔چیف جسٹس لاہور ہائی کورٹ جسٹس عالیہ نیلم نے عظمیٰ بخاری کی جانب سے ملزم کی ضمانت منسوخی کیلئے دائر درخواست پر سماعت کی، عدالتی حکم کے باوجود ملزم عدالت میں پیش نہ ہوا، ملزم علی حسن کی جانب سے اظہر صدیق ایڈووکیٹ پیش ہوئے۔درخواست گزار کے وکیل نے مؤقف اختیار کیا کہ جعلی ویڈیو کیس میں ملزم 25 پیشیوں کے باوجود ٹرائل کورٹ میں پیش نہیں ہو رہا، جس کے باعث ٹرائل تاخیر کا شکار ہو رہا ہے، لہٰذا عدالت ملزم کی درخواست ضمانت منسوخ کرے۔عدالت نے ریمارکس دیئے کہ عدالتی نوٹس کے باوجود ملزم کیوں پیش نہیں ہوا؟ وکیل نے کہا کہ اگر عدالت کہے تو ابھی ملزم کو بلا لیتے ہیں۔چیف جسٹس عالیہ نیلم نے اظہار برہمی کرتے ہوئے ریمارکس دیئے کہ نوٹس ملزم کو ہوا تھا وکیل کو نہیں۔عدالت نے عدم پیشی پر ملزم علی حسن کے قابل ضمانت وارنٹ گرفتاری جاری کرتے ہوئے درخواست پر کارروائی ملتوی کر دی۔
پیٹرول 2روپے فی لیٹر سستا اور ڈیزل 9 روپے 50پیسے مہنگا ہونے کا امکان