جناح اسپتال کے ایگزیکٹو ڈائریکٹر پروفیسر شاہد رسول انتقال کرگئے
اشاعت کی تاریخ: 14th, November 2025 GMT
کراچی:
جناح اسپتال کے ایگزیکٹو ڈائریکٹر پروفیسر شاہد رسول جمعہ کی صبح 10 بجے دل کا دورہ پڑنے سے انتقال کرگئے۔
پروفیسر شاہد رسول روبوٹک سرجری کے استاد تھے، مرحوم کی عمر مارچ 2026ء کو 60 سال ہونے والی تھی، مرحوم 2026ء میں اپنی مدت ملازمت مکمل کرکے جناح اسپتال سے ریٹائرڈ ہونے والے تھے۔
سال 1994ء میں ڈاکٹر شاہد رسول ڈاؤ میڈیکل کالج سے گریجویشن مکمل کرنے کے بعد جناح اسپتال میں میڈیکل آفیسر مقرر ہوئے تھے۔ جناح اسپتال ہی میں جنرل سرجری میں انھوں نے پوسٹ میڈیکل گریجویشن کی تعلیم مکمل کی تھی۔ FCPS کے بعد انھوں نے رائل کالج آف سرجنز سے سرجری میں اعلیٰ تعلیم FRCS بھی مکمل کی۔
وہ جناح اسپتال کے میڈیکل وارڈ 3 میں پروفیسر ارشاد وحید کی سربراہی میں اپنی پیشہ ورانہ فرائض انجام دیتے رہے۔ بعدازاں اسسٹنٹ پروفیسر مقرر ہوئے اور انھوں نے جناح سندھ میڈیکل یونیورسٹی میں بھی اپنی خدمات انجام دیں۔ وہ جناح میڈیکل یونیورسٹی میں گریڈ 21 میں مقرر کیے گئے تھے۔
انھیں اسکاٹ لینڈ کے رائل کالج آف سرجنز (Royal College of Surgeons) نے اعزازی ڈگری عطا کی۔ اگست 2025ء میں، انہوں نے رائل کالج آف فزیشنز اینڈ سرجنز، گلاسگو (RCPS) پاکستان میں مشیر کا عہدہ سنبھالا۔
اگست 2021ء میں ڈاکٹر سیمی جمالی کے انتقال کے بعد سندھ حکومت نے پروفیسر شاہد رسول کو جناح اسپتال کا ایگزیکٹو ڈائریکٹر مقرر کردیا تھا۔ مرحوم جناح اسپتال میں مریضوں کی روبوٹک سرجری کے حوالے سے بھی اچھی شہرت رکھتے تھے۔
اسپتال کے جوائنٹ ڈائریکٹر ڈاکٹر سلمان نے بتایا کہ پروفیسر شاہد رسول روبوٹک سرجری کے شعبے میں دنیا بھر میں نمایاں مقام رکھتے تھے۔ ان کی تدفین کے حوالے سے بتایا کہ ان کے گھر کے بعض افراد پاکستان سے باہر ہیں اس لئے تدفین کا حتمی فیصلہ مرحوم کے اہل خانہ کے آنے کے بعد کیا جائے گا، توقع ہے تدفین کل ہو۔ انھوں نے بتایا کہ مرحوم کی میت جمعہ کو جناح اسپتال کے سرد خانے میں رکھی گئی ہے۔
وزیر محنت و افرادی قوت و سماجی تحفظ سندھ سعید غنی نے ان کے انتقال پر تعزیت کا اظہار کیا ہے اور کہا ہے پروفیسر شاہد رسول کے انتقال سے ہم ایک اچھے، محنتی اور صحت کے لیے خدمات فراہم کرنے والے فرد سے محروم ہوگئے، اللہ تعالٰی مرحوم کی مغفرت فرمائے اور انہیں اپنی جوار رحمت میں اعلٰی مقام عطا فرمائے۔
.
ذریعہ
ذریعہ: Express News
کلیدی لفظ: پروفیسر شاہد رسول جناح اسپتال کے انھوں نے کے بعد
پڑھیں:
جنوبی پنجاب میں منکی پاکس کا پھیلاؤ، 4 مریض اسپتال داخل، الرٹ جاری
جنوبی پنجاب میں منکی پاکس کے نئے کیسز سامنے آنے کے بعد صوبائی محکمہ صحت کی تشویش میں اچانک اضافہ ہو گیا ہے۔
میڈیا رپورٹس کے مطابق ملتان کے ’نشتر اسپتال‘ میں اب تک منکی پاکس کے 4 مریضوں کی باقاعدہ تصدیق ہو چکی ہے، جبکہ وائرس کے پھیلاؤ کو روکنے کے لیے اسپتال اور گردونواح میں الرٹ جاری کر دیا گیا ہے۔
آئسولیشن وارڈ میں مریضوں کی تعداد اور آبائی علاقےنشتر اسپتال انتظامیہ کے مطابق حال ہی میں ایک اور مشتبہ مریض کو وائرس کی علامات ظاہر ہونے پر فوری طور پر خصوصی آئسولیشن وارڈ میں داخل کر لیا گیا ہے۔
یہ بھی پڑھیں:سندھ میں منکی پاکس کے کیسز میں اضافہ، 9 اموات کی تصدیق
اس نئے کیس کے بعد وارڈ میں زیرِ علاج اور کڑی نگرانی میں رکھے گئے مریضوں کی مجموعی تعداد 5 ہو گئی ہے۔ اسپتال حکام کا کہنا ہے کہ جن مریضوں میں ’منکی پاکس‘ کی تصدیق ہوئی ہے ان کا تعلق جنوبی پنجاب کے مختلف اضلاع بالخصوص ملتان، مظفرگڑھ اور وہاڑی سے ہے۔
اسپتال انتظامیہ کے اقدامات اور ٹیسٹنگاسپتال کے وبائی امراض کے ماہرین اور انتظامیہ کا کہنا ہے کہ منکی پاکس کے تصدیق شدہ مریضوں کے علاج اور دیکھ بھال پر خصوصی توجہ دی جا رہی ہے تاکہ ان کی جلد صحت یابی ممکن ہو سکے۔
دوسری جانب، نئے آنے والے مشتبہ مریض کے خون اور زخموں کے نمونے (سیمپلز) حتمی جانچ اور تصدیق کے لیے لیبارٹری بھجوا دیے گئے ہیں، جن کی رپورٹ اگلے چند روز میں موصول ہونے کا امکان ہے۔
محکمہ صحت کی نگرانی اور احتیاطی تدابیر کی اپیلمحکمہ صحت کے اعلیٰ حکام نے عوام الناس کو وبائی مرض سے بچنے کے لیے فوری طور پر احتیاطی تدابیر اختیار کرنے کی سخت ہدایت کی ہے۔
مزید پڑھیں:کراچی میں منکی پاکس: بیوی کے بعد شوہر بھی لپیٹ میں آگیا
ترجمان محکمہ صحت کے مطابق خطے میں صورتحال کی مسلسل اور سخت نگرانی کی جا رہی ہے اور اس موذی بیماری کے مزید پھیلاؤ کو روکنے کے لیے ضلعی سطح پر تمام ضروری اور حفاظتی اقدامات ہنگامی بنیادوں پر جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتیاطی تدابیر اسپتال اقدامات ٹیسٹنگ جنوبی پنجاب خون زخموں لیبارٹری محکمہ صحت منکی پاکس نگرانی۔ نمونے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ