میئر کراچی تھیٹر میں کام کریں تو زیادہ کامیابی مل سکتی ہے، مسلم لیگ ن
اشاعت کی تاریخ: 6th, October 2025 GMT
کراچی:
ترجمان ن لیگ سندھ اسد عثمانی نے کہا ہے کہ میئر کراچی ذہنی دباؤ کا شکار نظر آتے ہیں اور وہ کراچی کی تاریخ کے بدترین میئر ثابت ہو رہے ہیں۔
اپنے بیان میں اسد عثمانی نے کہا کہ کراچی میں ترقی صرف میئر کراچی اور پیپلز پارٹی کو نظر آتی ہے، میئر کراچی کے زیر اثر 129 روڈوں میں سے صرف 29 سڑکیں دکھا دیں جہاں روڈ بنی ہوئی ہو۔
انہوں نے کہا کہ میئر کراچی پارکوں کا افتتاح کر رہے ہیں جہاں جانے کے لیے سڑکوں کی ضرورت ہوتی ہے جس سے کراچی محروم ہے، کراچی کے لیے پیپلز پارٹی کا کوئی ایک پروجکٹ بتا دیں جو پورا ہوا ہو۔
اسد عثمانی نے کہا کہ میئر کراچی اگر تھیٹر میں کام کریں تو زیادہ کامیابی مل سکتی ہے۔ مرتضی وہاب اپنی میئر شپ بچانے کے لیے جھوٹ کا سہارا لے رہے ہیں۔
ترجمان ن لیگ سندھ نے کہا کہ مرتضیٰ وہاب کے بقول کراچی پیرس بن چکا ہے، پیپلزپارٹی کا وتیرہ ہے جھوٹ بھی اس طرح بولو کہ سچ کا گمان آئے۔
ترجمان میئر کراچی کا ردعمل:
ترجمان میئر کراچی معظم قریشی نے اپنے بیان میں کہا ہے کہ میئر کراچی پر بے بنیاد الزامات لگانا ن لیگ کا پرانا وتیرہ ہے۔ ن لیگ والوں کو کراچی کی ترقی ہضم نہیں ہو رہی۔ جنہیں اپنے دور کی کارکردگی یاد نہیں، وہ آج ہمیں لیکچر دے رہے ہیں۔
ترجمان میئر کراچی نے کہا کہ میئر کراچی شہر کی تعمیر و ترقی کے لیے دن رات محنت کر رہے ہیں۔ ن لیگ کے الزامات سیاسی قد بڑھانے کی ناکام کوشش ہیں۔ ن لیگ بتائے کراچی کے لیے ان کے دور میں کیا ایک منصوبہ مکمل ہوا؟۔
ترجمان نے کہا کہ کراچی کو تنقید نہیں عملی کام کی ضرورت ہے جو میئر کراچی کر رہے ہیں۔میئر کراچی کی کارکردگی سے مخالفین خوفزدہ ہیں، شہر کے ہر ضلع میں ترقیاتی کام جاری ہیں، یہ حقیقت ن لیگ کو نظر نہیں آتی، ن لیگ کا سیاسی تھیٹر عوام مسترد کر چکی ہے، کراچی بیانات سے نہیں خدمت سے سنورے گا۔
.ذریعہ: Express News
کلیدی لفظ: کہ میئر کراچی نے کہا کہ رہے ہیں کے لیے
پڑھیں:
پنجاب: گزشتہ 24 گھنٹوں کے دوران سب سے زیادہ بارش کہاں ہوئی؟
— فائل فوٹوپروینشل ڈیزاسٹر مینجمنٹ اتھارٹی (پی ڈی ایم اے) نے پنجاب کے بیشتر اضلاع میں گزشتہ 24 گھنٹوں کے دوران ہونے والی بارشوں کے اعداد و شمار جاری کر دیے۔
پی ڈی ایم اے کے مطابق ملتان میں 113، فیصل آباد میں 78، بہاولپور میں 44، لاہور میں 40 اور خانیوال میں 28، ٹوبہ ٹیک سنگھ میں 25، سیالکوٹ میں 19، جہلم میں 18 جبکہ اٹک میں 10 ملی میٹر بارش ریکارڈ ہوئی۔
ترجمان پی ڈی ایم اے نے بتایا کہ آئندہ 24 گھنٹوں میں پنجاب کے اکثر اضلاع میں بارشوں کی پیشگوئی کی ہے۔
ترجمان پی ڈی ایم اے کے مطابق بارشوں کے باعث دریائے سندھ اور جہلم کے بہاؤ میں اضافے کا بھی امکان ہے۔
ترجمان پی ڈی ایم اے نے بتایا کہ دریائے ستلج اور راوی کے بہاؤ کا انحصار بھارتی آبی ذخائر سے اخراج پر ہے، بارشوں کے باعث دریاؤں کے بہاؤ میں اضافہ ہوگا۔
ڈی جی پی ڈی ایم اے عرفان علی کاٹھیا نے بتایا کہ 24 گھنٹوں میں آندھی و بارش سے مختلف حادثات میں 2 افراد جاں بحق ہوئے۔
اُنہوں نے بتایا کہ بارشوں کے باعث حادثات میں 14 افراد زخمی ہوئے، 10 عمارتوں کو جزوی نقصان پہنچا۔
ریسکیو ذرائع کے مطابق سانگلہ ہل روڈ پر دو گاڑیوں میں ٹکر ہونے سے 3 افراد زخمی ہوئے جنہیں اسپتال منتقل کر دیا گیا۔
ٹنڈو جام کنٹر آئل فیلڈ کے چوکیداروں کا انتظامیہ کیخلاف احتجاج