مداح کی مشہور آل راؤنڈر شاہد آفریدی کی تعریف، آفریدی کے دلچسپ جواب کی ویڈیو سوشل میڈیا پر وائرل
اشاعت کی تاریخ: 14th, November 2025 GMT
پاکستان کے سابق کرکٹر اور مشہور آل راؤنڈر شاہد آفریدی کی ایک ویڈیو سوشل میڈیا پر تیزی سے وائرل ہو گئی جس میں ایک نوجوان مداح نے بیرونِ ملک اْن سے ملاقات کے دوران اپنی پسندیدگی کا اظہار کیا۔شاہد آفریدی 1996ء میں سری لنکا کے خلاف صرف 37 گیندوں پر ریکارڈ ساز سنچری بنا کر کرکٹ کی دنیا میں چھا گئے تھے، اپنی جارحانہ بیٹنگ اور شاندار لیگ اسپن کے باعث آج بھی کروڑوں مداحوں کے ہیرو ہیں۔ 2010ء میں آسٹریلیا کے خلاف ان کی 6 وکٹوں کے عوض 38 رنز کی کارکردگی بھی ان کے کیریئر کا یادگار لمحہ ہے۔شاہد آفریدی ایک خوشگوار ازدواجی زندگی گزار رہے ہیں اور 5 بیٹیوں کے والد ہیں، حال ہی میں وہ نانا بننے کی خوشی بھی منا چکے ہیں۔غیر ملکی دورے کے دوران ایک نوجوان مداح جوڑے نے شاہد آفریدی سے ملاقات کی، اسی دوران لڑکی نے اْن کی تعریف کرتے ہوئے کہا کہ آپ بہت پیارے اور ہینڈسم، بہت خوبصورت اور انتہائی اسمارٹ ہیں۔جس پر شاہد آفریدی نے مسکراتے ہوئے فوراً جواب دیا کہ بیٹا، آپ یہ بات ایک نانا سے کہہ رہی ہیں۔یہ جواب سن کر موقع پر موجود لوگ بھی ہنس پڑے جبکہ ویڈیو سوشل میڈیا پر جنگل کی آگ کی طرح پھیل گئی۔ویڈیو وائرل ہونے کے بعد سوشل میڈیا صارفین نے مختلف آراء کا اظہار کیا، ایک صارف نے لکھا کہ لوگ خود کو شرمندہ کیوں کرتے ہیں؟ باپ کی عمر کے بندے سے ایسی باتیں کرنا پاگل پن ہے۔ ایک اور نے کہا کہ آفریدی نے بالکل ویسا جواب دیا جیسا ایک شوہر اور باپ کو دینا چاہیے، لڑکی کو بھی حدود میں رہنا چاہیے تھا۔کچھ صارفین نے لڑکی کا دفاع کرتے ہوئے کہا کہ یہ صرف ایک فین مومنٹ تھا، وہ صرف اپنے ہیرو کو دیکھ کر ایکسائیٹڈ ہو گئی تھی، بات کو غلط نہیں لیا جائے۔
.
ذریعہ
ذریعہ: Nawaiwaqt
کلیدی لفظ: شاہد ا فریدی سوشل میڈیا
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
تحریکِ تحفظِ آئینِ پاکستان کا پارلیمنٹ ہائوس سے دھرنا ختم