سونے کی قیمت عالمی سطح پر تاریخ میں پہلی بار 4 ہزار ڈالر فی اونس سے تجاوز کر گئی
اشاعت کی تاریخ: 8th, October 2025 GMT
عالمی سطح پر تاریخ میں پہلی بار سونے کی قیمت 4 ہزار ڈالر فی اونس سے تجاوز کر گئی ہے۔
سونے کی قیمت میں اضافہ عالمی اقتصادی اور جغرافیائی غیریقینی صورتحال کے باعث ہوا ہے۔
خبر ایجنسی کے مطابق سرمایہ کاروں نے محفوظ سرمایہ کاری کے طور پر سونا خریدنا شروع کر دیا ہے۔
امریکی فیڈرل ریزَرو کی جانب سے شرح سود میں کمی کی توقعات بھی سونے کی قیمت میں اضافے کی وجہ قرار دی جا رہی ہے۔
خبر ایجنسی کے مطابق 2025ء میں اب تک سونے کی قیمت عالمی سطح پر 52 فیصد بڑھ چکی ہے جبکہ 2024ء میں سونے کی قیمت میں عالمی سطح پر 27 فیصد اضافہ ہوا تھا۔
.ذریعہ: Daily Mumtaz
کلیدی لفظ: سونے کی قیمت عالمی سطح پر
پڑھیں:
پاکستان کی غیر ملکی فنڈنگ میں اضافہ، 4 ماہ میں 2 ارب 29 کروڑ ڈالر موصول
data-id="863a0a8" data-element_type="widget" data-widget_type="theme-post-content.default">
اسلام آباد: رواں مالی سال 2025-26 کے ابتدائی 4 ماہ کے دوران پاکستان کو بیرونی ذرائع سے مجموعی طور پر 2 ارب 29 کروڑ ڈالر موصول ہوئے ہیں، جن میں 2 ارب 24 کروڑ ڈالر قرض اور 5 کروڑ ڈالر گرانٹ شامل ہے۔
اقتصادی امور ڈویژن کی جاری کردہ تفصیلات کے مطابق یہ رقم پاکستانی کرنسی میں تقریباً 649 ارب 47 کروڑ روپے کے برابر بنتی ہے۔ گزشتہ مالی سال کے اسی عرصے کے مقابلے میں رواں سال بیرونی معاونت میں 33 فیصد واضح اضافہ ہوا ہے، جو مالیاتی شعبے کے لیے ایک اہم پیشرفت تصور کیا جا رہا ہے۔
اعداد و شمار کے مطابق نان پراجیکٹ ایڈ کی مد میں ایک ارب 51 کروڑ ڈالر کی خطیر رقم موصول ہوئی جب کہ مختلف منصوبوں کے لیے 77 کروڑ 32 لاکھ ڈالر فراہم کیے گئے۔ عالمی مالیاتی اداروں نے اس مجموعی معاونت میں اہم کردار ادا کیا ہے اور ایک ارب 10 کروڑ ڈالر فراہم کیے ہیں۔ ان میں عالمی بینک کے 30 کروڑ 40 لاکھ ڈالر اور اسلامی ترقیاتی بینک (آئی ڈی بی) کا 36 کروڑ ڈالر کا شارٹ ٹرم لون شامل ہے۔
حکام کے مطابق یہ فنڈنگ جاری مالی سال کے لیے متعین اہداف اور ترقیاتی منصوبوں کے مالیاتی تسلسل کو برقرار رکھنے میں کلیدی کردار ادا کرے گی۔
دستاویزات کے مطابق نیا پاکستان سرٹیفکیٹ میں 73 کروڑ 47 لاکھ ڈالر کی سرمایہ کاری ریکوری ہوئی، جو بیرونِ ملک پاکستانیوں کے اعتماد اور شرح منافع کی کشش کو ظاہر کرتی ہے۔
اس کے علاوہ مختلف ممالک نے پاکستان کی مدد کے لیے 45 کروڑ ڈالر فراہم کیے۔ ان میں سعودی عرب نے 40 کروڑ ڈالر کی آئل فیسلٹی دی، جس کا مقصد درآمدی ادائیگیوں کے دباؤ کو کم کرنا ہے۔
اسی طرح ایشیائی ترقیاتی بینک نے 16 کروڑ 74 لاکھ ڈالر جاری کیے جب کہ چین نے 97 لاکھ ڈالر کی معاونت فراہم کی۔ امریکا نے بھی ڈھائی لاکھ ڈالر کی گرانٹ دے کر مالی امداد میں حصہ ڈالا۔
غزہ جنگبندی معاہدے کے دوسرے مرحلے پر مذاکرات کو تیار ہیں، حماس