میں نے مریم نواز سے استعفے کا مطالبہ نہیں کیا،الیکشن میں مقابلے کا چیلنج دیا ہے. شرجیل میمن
اشاعت کی تاریخ: 8th, October 2025 GMT
کراچی(اردوپوائنٹ اخبارتازہ ترین-انٹرنیشنل پریس ایجنسی۔08 اکتوبر ۔2025 ) سندھ کے سینئر وزیر شرجیل میمن نے کہا ہے کہ میں نے وزیر اعلی پنجاب مریم نواز سے استعفے کا مطالبہ نہیں کیا،میرا چیلنج ہے میں اور مریم نواز اپنی نشستیں چھوڑ دیتے ہیں اور دوبارہ الیکشن کراتے ہیں، پتہ چل جائے گا کس نے کام کیا ہے اور کون ٹک ٹاک کی وجہ سے مشہور ہے.
(جاری ہے)
شرجیل میمن نے کہا کہ مریم نواز سے معافی کا کوئی مطالبہ نہیں کیا، پنجاب حکومت اپنا کام کرے اور ہمیں اپنا کام کرنے دیں، میں نے ان سے استعفے کا مطالبہ نہیں کیا انہوں نے کہا کہ میں اور مریم نواز اپنی نشستیں چھوڑ دیتے ہیں اور دوبارہ الیکشن کراتے ہیں، پتہ چل جائے گا کس نے کام کیا ہے اور کون ٹک ٹاک کی وجہ سے مشہور ہے. شرجیل میمن نے کہا کہ پتہ چل جائے گا عارضی شہرت مریم نواز کے ساتھ ہے یا عوام ساتھ ہے، ایک شخص تھا جس نے سندھ کے لئے گری ہوئی باتیں کیں اس کی فوٹیج آئی تھی، عطا تارڑ نے اس شخص کو سرکاری ٹی وی کی نوکری سے نکال دیا پھر اس شخص کو سینیٹ کی قائمہ کمیٹی میں بلایا گیا جہاں اس نے معافی مانگی انہوں نے کہا کہ پنجاب کی کابینہ، نون لیگ نے اس شخص کے حق میں باقاعدہ مہم چلائی، ایک شخص جو قوم کےلئے گندی زبان استعمال کررہا ہے، نون لیگ اس کا ساتھ دے رہی ہے، نون لیگ اس قسم کے شخص کے ساتھ کھڑے ہوکر کیا پیغام دے رہی ہے. شرجیل میمن نے کہا کہ جنوبی پنجاب میں سیلاب کے باعث برے حالات ہیں، لوگ بہت پریشان ہیں، سیلاب متاثرین سے توجہ ہٹانے کےلئے نون لیگ پنجاب کارڈ کھیل رہی ہے، پیپلزپارٹی نے کہیں بھی پنجاب کی بات نہیں کی، ن لیگ نے کارڈ کھیلا انہوں نے کہا کہ پیپلزپارٹی نے وفاقی حکومت سے بات کی تھی پنجاب حکومت سے نہیں ،پی پی رہنما نے کہا کہ مریم نواز کہتی ہیں کوئی عزت دار شخص امداد کی بات نہیں کرے گا، وزیراعظم شہباز شریف نے تو عالمی سطح پر امداد کی بات کی، کیا مریم نواز اپنی پارٹی کے وزیراعظم خود دار نہیں سمجھتیں. سینئر صوبائی وزیر نے کہا کہ پاکستان پیپلز پارٹی چاروں صوبوں کی جماعت ہے، سندھ کے سرکاری ہسپتال روز ہزاروں مریضوں کا مفت علاج کرتے ہیں، ہم ایک ایک منصوبے کی ہر شہر میں تقریب نہیں کرتے، کراچی کی سڑکوں کی مرمت کا کام تیزی سے جاری ہے ان کا کہنا تھا کہ کراچی اتنا ہی برا ہے تو پورا ملک روزگار کرنے یہاں کیوں آتا ہے، جو صحت کی سہولتیں کراچی میں ہیں پورے ملک میں نہیں، کراچی کی سڑکوں کی مرمت کےلئے میئر نے ٹینڈر کر دئیے ہیں.
ذریعہ: UrduPoint
کلیدی لفظ: تلاش کیجئے
پڑھیں:
پنجاب حکومت پیپلزپارٹی کو نشانہ بنا کر دراصل وزیراعظم کو ہدف بنارہی ہے، شرجیل میمن
سندھ کے سینیئر وزیر شرجیل انعام میمن نے الزام لگایا ہے کہ پنجاب حکومت پیپلزپارٹی کو نشانہ بنا کر دراصل وزیراعظم کو ہدف بنارہی ہے۔ انہوں نے کہا کہ ایسا ماحول پیدا کرنے کی کوشش کی جارہی ہے جس سے پیپلزپارٹی وفاقی حکومت کی حمایت سے پیچھے ہٹ جائے، مگر یہ سازش کامیاب نہیں ہوگی۔
کراچی میں پریس کانفرنس کرتے ہوئے شرجیل میمن نے کہا کہ اگر پنجاب حکومت کی وفاق سے کوئی لڑائی ہے تو پیپلزپارٹی کو بیچ میں نہ گھسیٹا جائے، ہم وفاقی حکومت کے خلاف کسی بھی سازش کا حصہ نہیں بنیں گے۔
یہ بھی پڑھیں: شرجیل میمن اور عظمیٰ بخاری آمنے سامنے آگئے
سینیئر وزیر کا کہنا تھا کہ وزیراعظم نے عالمی سیاست میں اہم کامیابیاں حاصل کی ہیں اور جب وہ سندھ یا بلوچستان آتے ہیں تو انہیں بھرپور پروٹوکول دیا جاتا ہے، لیکن پنجاب میں ان کے استقبال کے لیے نہ وزیراعلیٰ جاتے ہیں اور نہ ہی انتظامیہ ایئرپورٹ پر موجود ہوتی ہے۔
انہوں نے یاد دلایا کہ بلاول بھٹو نے پنجاب کے سیلاب متاثرہ علاقوں کا دورہ کیا، سندھ حکومت نے ہمدردی کا اظہار کیا اور وفاق سے درخواست کی کہ بیرونی اداروں سے مدد کی اپیل کی جائے۔ لیکن آج بھی جنوبی پنجاب کے لوگ امداد کے منتظر ہیں، ان کے گھر اور فصلیں تباہ ہوچکی ہیں اور فوری راشن یا امداد نہ ملنے سے مشکلات بڑھ رہی ہیں۔
یہ بھی پڑھیں: قدرتی آفات اور بحرانوں پر سیاست کرنا گری ہوئی حرکت ہے، وزیر اطلاعات شرجیل میمن
شرجیل میمن کا کہنا تھا کہ پیپلزپارٹی مشکل وقت میں سیاست نہیں کرتی، جبکہ پنجاب حکومت ٹک ٹاک اور تشہیر پر زیادہ توجہ دے رہی ہے۔ انہوں نے کہا کہ بکسوں اور آٹے کی تھیلیوں پر تصاویر لگانے والے اصل میں عوام کے مسائل سے نظریں چرا رہے ہیں۔
سینیئر وزیر نے کہا کہ پیپلزپارٹی ہمیشہ عوام کے ساتھ کھڑی ہے اور مخالفین جتنی بھی نفرت انگیز مہم چلائیں، ہم سب ایک تھے، ایک ہیں اور ہمیشہ ایک رہیں گے۔ انہوں نے کہا کہ ہمیں دھمکی دی گئی کہ انگلی توڑ دیں گے، مگر ہم نے آمرانہ ادوار کا مقابلہ کیا، ایسے ہتھکنڈوں سے خوفزدہ نہیں ہوں گے۔
یہ بھی پڑھیں: ن لیگ نے پورا پاکستان صرف لاہور کو سمجھا ہوا ہے، شرجیل میمن
انہوں نے مریم نواز کو تنقید کا نشانہ بناتے ہوئے کہا کہ ان کے اسکرپٹ رائٹر نے پہلے بھی غلط راستہ دکھایا اور اب بھی انہیں گمراہ کررہا ہے۔
شرجیل میمن نے پنجاب میں فوری بلدیاتی انتخابات کرانے کا مطالبہ کرتے ہوئے کہا کہ صوبائی حکومت اس سے بھی گریزاں ہے، حالانکہ عوامی نمائندوں کی ضرورت پہلے سے زیادہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پنجاب پیپلز پارٹی سندھ سیلاب شرجیل میمن مریم نواز مسلم لیگ ن وزیراعظم شہباز شریف وفاقی حکومت
نارتھ کراچی، خوفناک آتشزدگی، 20 سے زاید جھگیاں خاکستر