اسپین کے وزیراعظم کا غزہ میں اسرائیلی نسل کشی فوری طور پر بند کرنے کا مطالبہ
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
بارسلونا: اسپین کے وزیراعظم پیڈرو سانچیز نے غزہ میں جاری اسرائیلی کارروائیوں کو نسل کشی قرار دیتے ہوئے فوری طور پر اسے بند کرنے کا مطالبہ کیا ہے۔
غزہ جنگ کے دو سال مکمل ہونے پر سماجی رابطے کی ویب سائٹ ایکس (سابقہ ٹوئٹر) پر جاری اپنے پیغام میں اسپین کے وزیراعظم پیڈرو سانچیز نے کہا کہ اسرائیل فلسطینیوں پر ظلم و بربریت کا سلسلہ فوری روکے۔
انہوں نے زور دیا کہ دہشت گردی کی ہر شکل قابلِ مذمت ہے، تاہم پائیدار امن کے لیے دو ریاستی حل ہی واحد راستہ ہے۔
وزیراعظم سانچیز ماضی میں بھی اسرائیلی پالیسیوں پر سخت مؤقف اختیار کر چکے ہیں۔ وہ اسرائیل کو غزہ میں شہریوں کے قتلِ عام پر عالمی کھیلوں سے خارج کرنے کا مطالبہ کر چکے ہیں، جب کہ حال ہی میں اسپین نے اسرائیل کو اسلحے کی فراہمی بھی معطل کر دی تھی۔
بین الاقوامی مبصرین کے مطابق اسپین یورپ کے ان چند ممالک میں شامل ہے جو فلسطین میں انسانی حقوق کی خلاف ورزیوں پر اسرائیل کے خلاف عملی اقدامات اٹھا رہے ہیں۔
دوسری جانب قاہرہ میں جنگ بندی مذاکرات آج تیسرے روز بھی جاری رہیں گے۔ بالواسطہ مذاکرات کے دوسرے دور میں حماس نے اسرائیل سے اپنے 6 اہم رہنماؤں کی رہائی، مستقل جنگ بندی، اور آخری یرغمالی کی رہائی سے قبل غزہ سے مکمل اسرائیلی انخلا کی ضمانت کا مطالبہ کیا ہے۔
.
ذریعہ
ذریعہ: Jasarat News
کلیدی لفظ: کا مطالبہ
پڑھیں:
پاکستان کے کروڑوں غریب موبائل صارفین کے لئے خطرے کی گھنٹی بج گئی
اسلام آباد(نیوز ڈیسک) پاکستان کے کروڑوں غریب موبائل صارفین کیلئے خطرے کی گھنٹی، پاکستان ٹیلی کمیونیکیشن اتھارٹی (پی ٹی اے) کے ذمہ دار ذرائع نے بتایا ہے کہ حکومت کی مجوزہ 2G فیچر فونز کی مقامی مینوفیکچرنگ کو مرحلہ وار ختم یا محدود کرنے کی تجویز شامل ہے، جس پر ملک کی موبائل فون صنعت نے شدید تحفظات کا اظہار کرتے ہوئے حکومت کو خبردار کیا ہے کہ ایسا فیصلہ پاکستان کے کروڑوں کم آمدنی والے موبائل صارفین اور مقامی مینوفیکچرنگ سیکٹر کے لیے سنگین نتائج کا باعث بن سکتا ہے۔
نجی چینل کو دستیاب دستاویزات کے مطابق پاکستان موبائل فون مینوفیکچررز ایسوسی ایشن نے وزیراعظم کے معاونِ خصوصی برائے صنعت و پیداوار کو ارسال کیے گئے ایک تفصیلی خط میں مؤقف اختیار کیا ہے کہ مجوزہ پالیسی کے کلاز 7.1 کے تحت 2G فیچر فونز کی تیاری محدود کرنے کی تجویز زمینی حقائق سے مطابقت نہیں رکھتی اور اس پر فوری نظرثانی کی ضرورت ہے۔
مزید پڑھیں۔بجٹ میں عوام کو ریلیف دینے کیلیے اقدامات کر رہے ہیں، وزیراعظم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ