سندھ حکومت کا ٹائر جلانے اور پائرو لائسز پلانٹس پر مکمل پابندی کا فیصلہ
اشاعت کی تاریخ: 8th, October 2025 GMT
سندھ حکومت نے ٹائر جلانے اور پائرو لائسز پلانٹس پر مکمل پابندی عائد کرنے کا فیصلہ کر لیا ہے۔ یہ فیصلہ وزیراعلیٰ سندھ کی زیرِ صدارت صوبائی کابینہ کے اجلاس میں کیا گیا۔
سیکریٹری ماحولیات نے بریفنگ میں بتایا کہ ٹائر جلانے اور ناقص پلانٹس کے باعث فضا، مٹی اور پانی بری طرح آلودہ ہو رہے ہیں، جبکہ اس عمل سے سانس، دل اور اعصابی امراض میں خطرناک حد تک اضافہ دیکھا گیا ہے۔
مزید پڑھیں: اسلام آباد: 6 مظاہرین گرفتار، ریڈ زون میں کسی کو بھی گڑبڑ کی اجازت نہیں، پولیس
انہوں نے کہا کہ پائرو لائسز جیسے خطرناک عمل نے کراچی کی فضائی آلودگی کو تشویشناک سطح تک پہنچا دیا ہے۔
عوامی صحت کے تحفظ کے پیش نظر کابینہ نے ایسے تمام پلانٹس کو فوری طور پر بند کرنے کی منظوری دے دی تاکہ ماحولیاتی آلودگی پر قابو پایا جا سکے۔
اس فیصلے پر عمل درآمد کے لیے حکومتِ سندھ نے نئے ضابطے بھی تیار کر لیے ہیں جنہیں ’سندھ انوائرمنٹل پروٹیکشن ایجنسی رولز 2025‘ کا نام دیا گیا ہے۔
مزید پڑھیں: دہشت گردی اور ہنگامہ آرائی کے 11 مقدمات میں عمران خان کی ضمانت میں توسیع
ان ضوابط کے تحت ناقص ایندھن، ٹائر آئل اور دیگر خطرناک ضمنی مصنوعات کی تیاری، فروخت اور استعمال پر مکمل پابندی ہوگی۔
تمام فیول پراسیسنگ اور ری سائیکلنگ پلانٹس کے لیے لائسنس حاصل کرنا، اخراج کنٹرول سسٹم نصب کرنا اور ماحولیاتی معیار پر پورا اترنا لازمی قرار دیا گیا ہے۔
خلاف ورزی کی صورت میں بھاری جرمانے، آلات کی ضبطی اور یونٹس کی مستقل بندش کی سزائیں دی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پائرو لائسز پلانٹس ٹائر جلانے سندھ حکومت.ذریعہ: WE News
کلیدی لفظ: پائرو لائسز پلانٹس ٹائر جلانے سندھ حکومت پائرو لائسز ٹائر جلانے
پڑھیں:
وفاقی حکومت نے سونےکی درآمد اوربرآمد پر عائد پابندی ختم کردی
وفاقی حکومت نے سونےکی درآمد اوربرآمد پر عائد پابندی ختم کردی۔ذرائع کےمطابق وفاقی کابینہ کی منظوری کے بعد وزارت تجارت نے سونے کی درآمد اور برآمد پر عائد پابندی ختم کرنے کا نوٹیفکیشن جاری کردیا۔نوٹیفکیشن کے مطابق سونے کی عالمی تجارت سے متعلق معطل شدہ ایس آر اوبحال کردیا گیا ہے۔نوٹیفکیشن میں بتایا گیا ہےکہ وفاقی حکومت نے قیمتی دھاتوں و زیورات کی درآمد وبرآمد سے متعلق کچھ ترامیم بھی کی ہیں جب کہ قیمتی دھاتوں اور زیورات کی درآمد اور برآمدکا فریم ورک برقرار رہےگا، فریم ورک شفافیت اورخود کار نظام میں بہتری کے ساتھ جاری رہےگا۔اس سال مئی میں سونےکی ایکسپورٹ اورامپورٹ پر پابندی عائد کی گئی تھی، وزارت تجارت نے 6 مئی2025کو سونےکی تجارت منظم کرنے والا ایس آر او 60 روز کے لیے معطل کیا تھا۔ذرائع کا کہنا ہے کہ سونےکی اسمگلنگ کی شکایت پر ایکسپورٹ اور امپورٹ پر پابندی لگائی گئی تھی۔
گووندا کی طبیعت کیسی ہے؟ اہلیہ سنیتا کا اہم پیغام جاری