مٹیاری: جبری مشقت کے خاتمے کیلیے کوششیں تیز کی جائیں، ڈپٹی کمشنر
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
مٹیاری(نمائندہ جسارت)ڈپٹی کمشنر مٹیاری محمد یوسف شیخ نے کہا ہے کہ ضلع مٹیاری میں انسانی حقوق کے تحفظ، مذہبی ہم آہنگی اور جبری مشقت کے خاتمے کے لیے مشترکہ کوششوں کے ذریعے معاشرے میں مثبت تبدیلی لائی جا سکتی ہے۔ انہوں نے کہا کہ ضلع میں بھیک مانگنے، خاص طور پر بچوں سے بھیک منگوانے اور ان سے مزدوری کروانے کے خلاف سخت کارروائی کی جائے گی، کیونکہ بہت سے یتیم اور غریب گھرانوں کے بچے ایسی سرگرمیوں میں ملوث کیے جاتے ہیں جو دراصل حفاظت اور توجہ کے مستحق ہیں۔ڈپٹی کمشنر نے زور دیا کہ ضلعی انتظامیہ غیر سرکاری تنظیموں کے ساتھ مل کر ان بچوں کی نگہداشت، تعلیم اور بہتر مستقبل کے لیے مشترکہ حکمتِ عملی پر عمل کرے گی، تاکہ بچوں کو بھیک مانگنے اور مزدوری کے چکر سے نکالا جا سکے۔ انہوں نے کہا کہ ضلع مٹیاری میں کسی بھی بچے کو مزدوری کرتے یا بھیک مانگتے دیکھنا انتظامیہ کے لیے ناقابلِ قبول ہوگا۔ ڈپٹی کمشنر نے مزید کہا کہ آنے والے دنوں میں بھکاریوں کے خلاف سخت کارروائی کی جائے گی۔یہ باتیں انہوں نے لطیف ہال، ڈپٹی کمشنر سیکریٹریٹ مٹیاری میں انسانی حقوق کمیٹی، مذہبی ہم آہنگی کمیٹی، اینٹی ہیومن ٹریفکنگ اور اینٹی بانڈڈ لیبر مانیٹرنگ کمیٹی کے اجلاسوں کی صدارت کرتے ہوئے کہیں۔اجلاس میں ایڈیشنل ڈپٹی کمشنر-II اقرا جنت، اسسٹنٹ کمشنر مٹیاری عبد الستار شیخ، ایڈیشنل ڈائریکٹر سوشل ویلفیئر رفیق جمال?، مختلف محکموں کے افسران اور غیر سرکاری تنظیموں کے نمائندوں اور سول سوسائٹی کے نمائندگان نے شرکت کی۔ شرکاء نے انسانی حقوق کے تحفظ، سماجی انصاف، اور بچوں کی فلاح و بہبود کے حوالے سے تجاویز پیش کیں۔
ذریعہ
ذریعہ: Jasarat News
کلیدی لفظ: ڈپٹی کمشنر
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار