کرکٹ میں بھی مصنوعی ذہانت کا استعمال، گوگل جیمنائی نے پچ رپورٹنگ سنبھال لی
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
وشاکاپٹنم: جدید ٹیکنالوجی نے کرکٹ کی دنیا میں بھی قدم جما لیا ہے اور اب انٹرنیشنل کرکٹ کونسل (آئی سی سی) نے پچ رپورٹنگ کے عمل میں مصنوعی ذہانت کو شامل کرلیا ہے۔
ویمنز کرکٹ ورلڈ کپ 2025 کے دسویں میچ سے قبل وشاکاپٹنم کے اے سی اے وی ڈی سی اے اسٹیڈیم میں بھارتی ویمن ٹیم کی سابق کپتان متھالی راج نے پچ رپورٹ پیش کی۔ اس موقع پر انہوں نے ناظرین کو بتایا کہ آج وہ پچ کے تجزیے کے لیے گوگل کے مصنوعی ذہانت والے ٹول جیمنائی کی مدد لے رہی ہیں۔
متھالی راج نے اپنے موبائل فون کے ذریعے جیمنائی کے لائیو فیچر کا استعمال کرتے ہوئے کیمرے سے پچ کا جائزہ دکھایا اور اسے مخاطب کرتے ہوئے کہا کہ “ہم ایک روزہ میچ کے لیے وشاکاپٹنم میں موجود ہیں، یہاں موسم گرم اور مرطوب ہے، ذرا بتاؤ یہ پچ کس نوعیت کی نظر آتی ہے؟”
جیمنائی نے جواب میں کہا کہ پچ مجموعی طور پر بیٹنگ کے لیے سازگار دکھائی دیتی ہے، سطح ہموار اور سیدھی ہے جبکہ گھاس بھی کم ہے، اس لیے گیند زیادہ سوئنگ نہیں کرے گی۔ مصنوعی ذہانت کے مطابق ان حالات میں ہائی اسکورنگ میچ کا امکان زیادہ ہے۔
بعد ازاں متھالی راج نے اپنے تجزیے میں بھی اس رائے سے اتفاق کیا اور کہا کہ ’’یہ وکٹ یقیناً بیٹرز کے لیے مثالی ثابت ہوسکتی ہے، شائقین کو ایک دل چسپ اور زیادہ رنز والا مقابلہ دیکھنے کو ملے گا۔‘‘
واضح رہے کہ ویمنز ورلڈ کپ کے اس اہم میچ میں آج بھارت اور جنوبی افریقہ کی ٹیمیں آمنے سامنے ہیں۔
ذریعہ: Jasarat News
کلیدی لفظ: مصنوعی ذہانت کے لیے
پڑھیں:
فتنہ الخوارج سے امریکی ہتھیاروں کا بڑا ذخیرہ برآمد
سیکیورٹی فورسز نے کے پی میں کارروائیاں، امریکی ساختہ اسلحہ اور جدید آلات برآمد
دہشت گرد گروہ پاکستان کیخلاف کارروائیوں میں استعمال کر رہے ہیں،سیکیورٹی ذرائع
سیکیورٹی فورسز نے کے پی میں کارروائیاں کرتے ہوئے فتنہ الخوارج سے امریکی ہتھیاروں کا بڑا ذخیرہ برآمد کرلیا۔تفصیلات کے مطابق خیبر پختونخوا میں سیکیورٹی فورسز کی مختلف کارروائیوں کے دوران فتنہ الخوارج سے بڑی تعداد میں امریکی ساختہ اسلحہ اور جدید آلات برآمد ہوئے ہیں۔سیکیورٹی ذرائع نے بتایا کہ ضبط کیے گئے ہتھیاروں پر واضح نشانات موجود ہیں کہ یہ امریکی حکومت کی ملکیت ہیں۔ذرائع کا کہنا ہے کہ یہ اسلحہ اور آلات وہی ہیں جو امریکی فوج اور نیٹو افواج افغانستان سے انخلا کے دوران چھوڑ گئی تھیں، جنہیں بعدازاں دہشت گرد گروہ پاکستان کے خلاف کارروائیوں میں استعمال کر رہے ہیں۔سیکیورٹی ذرائع کے مطابق برآمد کیے گئے اسلحے میں ایم فور، ایم 16 سمیت جدید خودکار اسلحہ اور اسٹیل ہیڈ گولیاں برآمد ہوئیں ، جوبلٹ پروف جیکٹ سے بھی گزرسکتی ہیں۔فتنہ الخوارج سے نائٹ ویژن گاگلزاور دیگر جدید آلات سمیت امریکی فوج اور نیٹو کے زیر استعمال اعلیٰ معیار کا دھماکاخیز مواد اور تاریں بھی برآمد ہوئیں۔ذرائع کا کہنا ہے کہ جدید امریکی اسلحے کے استعمال سے فتنہ الخوارج رات کے وقت بھی حملوں کی صلاحیت رکھتے ہیں، جس سے خطرات میں اضافہ ہوا تھا۔
کراچی، نارتھ ناظم آباد میں فائرنگ، 18 سالہ نوجوان زخمی