ایم کیو ایم پاکستان کے اراکینِ سندھ اسمبلی کا کراچی میں سڑکوں کی ابتر صورتحال پر اظہارِ تشویش
اشاعت کی تاریخ: 9th, October 2025 GMT
اپنے بیان میں ایم کیو ایم ارکانِ صوبائی اسمبلی نے کہا کہ چند مقامات پر استرکاری کرکے ایسے ڈھنڈورا پیٹا جاتا ہے جیسے مریخ پر پانی ڈھونڈ لیا ہو، ان عوامل نے عوام کی زندگی کو اجیرن اور سیاسی عمل میں شمولیت سے بیزار کردیا ہے۔ اسلام ٹائمز۔ متحدہ قومی موومنٹ پاکستان کے اراکینِ سندھ اسمبلی نے کراچی میں سڑکوں کی ابتر صورتحال پر اظہارِ تشویش کرتے ہوئے مرکز بہادرآباد سے جاری کردہ اپنے بیان میں کہا ہے کہ خستہ حال ٹوٹی سڑکیں شہر کی حالت اور قبضہ میئر کی نیت پر نوحہ پڑھ رہی ہیں، شہر قائد کھنڈرات کا نظارہ پیش کررہا ہے جس کے باعث لمحوں کا سفر گھنٹوں میں اور آئے روز کے حادثات شہریوں کا مقدر بن چکے ہیں، شہر کی حالتِ زار سے غافل قبضہ مئیر عوام کی مشکلات کو دور کرنے کے لیے فوری اور مؤثر اقدامات کیوں نہیں کرتے؟ حق پرست اراکینِ سندھ اسمبلی نے کہا کہ چند مقامات پر استرکاری کرکے ایسے ڈھنڈورا پیٹا جاتا ہے جیسے مریخ پر پانی ڈھونڈ لیا ہو، ان عوامل نے عوام کی زندگی کو اجیرن اور سیاسی عمل میں شمولیت سے بیزار کردیا ہے۔ ایم کیو ایم ارکانِ صوبائی اسمبلی نے مزید کہا کہ ایک سو چھ سڑکوں پر اختیار کا رونا ڈالنے والے قبضہ مئیر اپنی بیچارگی دکھانے کے بجائے عوام کے پیسوں کا درست مصرف ثابت کریں۔
.ذریعہ: Islam Times
کلیدی لفظ: اسمبلی نے
پڑھیں:
تاریخی غزہ مارچ سے ثابت ہوگیا پاکستانیوں کے دل اہل فلسطین کیساتھ دھڑکتے ہیں، محمد یوسف
اپنے بیان میں صوبائی جنرل سیکریٹری نے کہا کہ مرکزی امیر حافظ نعیم الرحمان کی اپیل پر 7 اکتوبر کو اسرائیلی جارحیت کے خلاف مزاحمت کا ایک اور سال مکمل ہونے پر قومی اظہار یکجہتی کیلئے کراچی تا کشمور سندھ بھر میں غزہ مارچ کا انعقاد کیا جائیگا۔ اسلام ٹائمز۔ جماعت اسلامی سندھ کے جنرل سیکرٹری محمد یوسف نے لاہور کے بعد کراچی میں شاہراہ فیصل پر تاریخی غزہ مارچ میں عوام کی بھرپور شرکت پر جماعت اسلامی کراچی کی قیادت و کارکنان کو دلی مبارکباد دیتے ہوئے کہا ہے کہ غزہ مارچ میں مرد و خواتین، بچوں و بزرگوں سمیت ہر طبقہ سے وابستہ افراد کی بھرپور شرکت سے ثابت ہوگیا کہ بھلے حکمران غیروں کے غلام بنے رہیں مگر پاکستانی غیرتمند عوام کے دل اپنے مظلوم بھائیوں اہل غزہ کے ساتھ دھڑکتے ہیں۔ اپنے ایک بیان میں محمد یوسف نے کہا کہ مرکزی امیر حافظ نعیم الرحمان کی اپیل پر 7 اکتوبر کو اسرائیلی جارحیت کے خلاف مزاحمت کا ایک اور سال مکمل ہونے پر قومی اظہار یکجہتی کیلئے کراچی تا کشمور سندھ بھر میں غزہ مارچ کا انعقاد کیا جائے گا، جس میں جماعت اسلامی کے مرکزی، صوبائی اور مقامی رہنما خطاب کریں گے۔
صوبائی جنرل سیکریٹری محمد یوسف نے عوام سے اپیل کی وہ اپنے اپنے کاروباری، تعلیمی اداروں اور گھروں سے تاجر، طلبہ، مزدور، کسان سمیت سب افراد دن کے کسی بھی حصے میں قریبی چوکوں، چوراہوں اور سڑکوں پر نکلیں فلسطینی پرچموں کے ساتھ اظہار یکجہتی کریں، مرکزی نائب امیر لیاقت بلوچ حیدرآباد اور صوبائی امیر کاشف سعید شیخ لاڑکانہ میں مارچ کی قیادت و خطاب کریں گے۔
بالاج قتل کیس کے مرکزی ملزم طیفی بٹ کی ڈرامائی انداز میں گرفتاری کی اندرونی کہانی سامنے آگئی