دنیا مسجد اقصیٰ کی بے حرمتی کرنیوالے آبادکاروں کا محاسبہ کرے، شہباز شریف
اشاعت کی تاریخ: 9th, October 2025 GMT
مذاکراتی عمل میں امریکی صدر کی قیادت اور قطر، مصر اور ترکی کی کوششوں کو سراہتے ہوئے شہباز شریف نے خطے میں شراکت داروں اور سربراہان مملکت کے ساتھ تعاون کی اہمیت پر زور دیا۔ اسلام ٹائمز۔ پاکستانی وزیر اعظم میاں محمد شہباز شریف نے کہا ہے کہ مسجد اقصیٰ میں حالیہ اشتعال انگیز کارروائیوں سے خطے کے امن و استحکام کو خطرہ ہے اور انہوں نے قابض اور غیر قانونی آباد کاروں کا احتساب کرنے کی ضرورت پر زور دیا۔ پاکستانی وزیر اعظم شہباز شریف نے ایکس سوشل نیٹ ورک پر غزہ میں نسل کشی کے خاتمے کے لیے نئے معاہدے کا حوالہ دیتے ہوئے اسے مشرق وسطیٰ میں دیرپا امن کے حصول کا ایک تاریخی موقع قرار دیا۔ انہوں نے فلسطینی عوام کے حقوق کے احترام پر زور دیتے ہوئے لکھا کہ فلسطینی عوام نے بے مثال مصائب کا سامنا کیا ہے اور اس طرح کے مصائب کا اعادہ نہیں ہونا چاہیے۔
اس پیغام میں شہباز شریف نے مذاکراتی عمل میں امریکی صدر ڈونلڈ ٹرمپ کی قیادت اور قطر، مصر اور ترکی کی کوششوں کو سراہتے ہوئے فلسطینی عوام کے امن، سلامتی اور وقار کو یقینی بنانے کے لیے خطے میں شراکت داروں اور سربراہان مملکت کے ساتھ تعاون کی اہمیت پر زور دیا۔ وزیراعظم پاکستان نے مزید کہا کہ فلسطینی عوام کی مرضی اور اقوام متحدہ کی قراردادوں کے مطابق امن کے قیام کے لیے برادر ممالک کے ساتھ تعاون جاری رہے گا۔ شہباز شریف نے اس سے قبل کہا تھا کہ غزہ کے عوام جس نسل کشی کی جنگ کا سامنا کر رہے ہیں وہ اب بھی جاری ہے، وہاں جو کچھ ہو رہا ہے تاریخ ہمیں کبھی معاف نہیں کرے گی۔
ذریعہ: Islam Times
کلیدی لفظ: شہباز شریف نے فلسطینی عوام
پڑھیں:
لاہور حلقہ این اے 122 کے ضمنی الیکشن میں ن لیگی امیدوار نے واضح برتری سے میدان مار لیا
لاہور: قومی اسمبلی کے حلقہ این اے 129 کے ضمنی انتخاب میں مسلم لیگ ن کے امیدوار نے 34 ہزار سے زائد ووٹوں سے میدان مار لیا۔
انتخابی نتائج کے مطابق پاکستان مسلم لیگ ن کے امیدوار حافظ نعمان نے 63441 ووٹ حاصل کیے جبکہ پی ٹی آئی کے حمایت یافتہ آزاد امیدوار 29099 ووٹ حاصل کر سکے،
مسلم لیگ ن کے امیدوار حافظ نعمان نے 34342 ووٹوں کی برتری حاصل کی جبکہ تمام 334 پولنگ اسٹیشنز میں ٹرن آؤٹ 18.67 فیصد رہا۔
اس اہم حلقے میں پورا دن گہما گہمی کے باوجود ووٹرز کا مجموعی ٹرن آؤٹ کم رہا۔
فتح کے بعد ن لیگی امیدوار حافظ محمد نعمان نے اللہ کا شکر ادا کرتے ہوئے عوام کی خدمت کا عزم دہرایا اور جشن کیلیے جمع ہونے والے کارکنان و عوام سے خطاب کرتے ہوئے کہا کہ نواز شریف کے اعتماد پر پورا اتروں گا جبکہ علاقے کے دیرینہ مسائل جلد حل ہوں گے۔
میڈیا سے گفتگو کرتے ہوئے حافظ نعمان نے کہا کہ حلقہ این اے 129 کے عوام کی رائے میں مثبت تبدیلی دیکھی گئی، لوگوں نے کارکردگی کی بنیاد پر ووٹ کاسٹ کیا ہے اور عوام نے میاں نواز شریف اور شریف پر اعتبار کیا یے۔
انہوں نے کہا کہ وزیراعلیٰ مریم نواز نے ترقی کے رہکارڈ قائم کر دیے، لاہور کو ڈویلمپمنٹ پیکج ملا ہے جس کا بڑا حصہ این اے 129 کو ملا ہے۔
حافظ نعمان نے کہا کہ میاں نواز شریف پاکستان کو ترقی کی راہ پر لے کر آرہے ہیں، وزیر اعظم پاکستان کی زیر قیادت پاکستان اقوام عالم کے اندر قابل عزت ہو گیا ہے، مخالفین کے کئی لوگ الیکشن میں کھڑے تھے انکا تو پتا ہی نہیں تھا انکا نمائندہ کون ہے۔
انہوں نے کہا کہ مخالفین کے دور حکومت میں پنجاب کے لوگوں کے فنڈز کھائے گئے، میڈیا کا بہت مشکور ہوں سب لائو دکھاتا رہا ہے کسی قسم کا ناخوش گوار واقع پیش نہیں آیا۔
موسمیاتی خطرات میں پاکستان سب سے زیادہ متاثرہ ممالک میں شامل ہے‘ مصدق ملک