پاکستان ریلوے کو بین الاقوامی معیار کے مطابق جدید، محفوظ اور مسافر دوست بنایا جائے، وزیراعظم شہباز شریف
اشاعت کی تاریخ: 22nd, November 2025 GMT
وزیراعظم محمد شہباز شریف نے ہدایت کی کہ پاکستان ریلوے کو بین الاقوامی معیار کے مطابق جدید، محفوظ اور مسافر دوست بنایا جائے تاکہ علاقائی روابط اور بین الاقوامی ٹرین لنکس بہتر ہو سکیں۔
وزیراعظم کے زیر صدارت ریلوے نظام کی بحالی اور اپ گریڈیشن کے حوالے سے اہم اجلاس وزیراعظم ہاؤس، اسلام آباد میں منعقد ہوا۔ وفاقی وزیر ریلوے حنیف عباسی، وفاقی وزیر اقتصادی امور احد خان چیمہ اور دیگر اعلیٰ سرکاری افسران نے شرکت کی۔
اجلاس کے دوران وزیراعظم نے کہا کہ ریلوے نظام کسی بھی ملک کی معیشت اور مواصلات کی ریڑھ کی ہڈی کی حیثیت رکھتا ہے اور پاکستان ریلوے کی بہتری کے لیے اٹھائے جانے والے اقدامات قابل تحسین ہیں۔
مزید پڑھیں: موسم سرما: پاکستان ریلوے کا نیا ٹائم ٹیبل جاری، متعدد ٹرینوں کے اوقات میں تبدیلی
انہوں نے وزیر ریلوے اور ان کی ٹیم کی کارکردگی کو سراہا اور ہدایت کی کہ ریلوے کی پراپرٹی اور زمین کے معاملات میں پبلک پرائیویٹ پارٹنرشپ ماڈل اختیار کیا جائے۔
اجلاس میں پاکستان ریلوے کی ڈیجیٹائزیشن کے حوالے سے تفصیلی بریفنگ دی گئی۔ اجلاس کو بتایا گیا کہ ’رابطہ‘ کے 7 ڈیجیٹل پورٹلز فعال ہیں اور 56 ٹرینیں اس پر منتقل ہو چکی ہیں۔ 54 ریلوے اسٹیشن ڈیجیٹائز کیے جا چکے ہیں۔
پاکستان ریلویز کے امور پر اہم اجلاس۔ ریلوے کا نظام کسی بھی ملک کی معیشت اور مواصلات کے حوالے سے ریڑھ کی ہڈی کی حیثیت رکھتا ہے۔ ریلوے نظام کی بحالی کی طرف اٹھائے جانے والے اقدامات لائق تحسین ہیں۔ وزیراعظم شہباز شریف@asifbashirch @KulAalam pic.
— Media Talk (@mediatalk922) November 22, 2025
کراچی، لاہور، راولپنڈی اور فیصل آباد کے اسٹیشنوں پر مفت وائی فائی فراہم کی گئی ہے، جبکہ مزید 48 اسٹیشنوں پر یہ سہولت 31 دسمبر تک دی جائے گی۔ فریٹ آن لائن بکنگ سسٹم اور ڈیجیٹل وہیئنگ برج کا پائلٹ پراجیکٹ کراچی سے شروع کیا گیا، اور اسے دیگر اہم اسٹیشنوں تک بڑھایا جائے گا۔
راولپنڈی اسٹیشن میں مصنوعی ذہانت سے چلنے والے 148 سرویلنس کیمرے نصب کیے گئے۔ اسٹیشنوں پر بینک اے ٹی ایم، صفائی ستھرائی، اعلیٰ معیار کی انتظار گاہیں اور انفارمیشن ڈیسکس قائم کی گئی ہیں۔
مزید پڑھیں: پاکستان ریلوے میں کیش لیس نظام کا آغاز، مسافروں کے لیے ادائیگی کا جدید طریقہ متعارف
اجلاس کو آگاہ کیا گیا کہ ٹرینوں اور ریلوے سہولیات کی آؤٹ سورسنگ کے نتیجے میں 8.5 ارب روپے کا اضافی ریونیو متوقع ہے، جبکہ 40 لگیج وینز اور 2 کارگو ایکسپریس ٹرینوں کی آؤٹ سورسنگ سے بھی اربوں روپے کا ریونیو متوقع ہے۔ علاوہ ازیں ریلوے اسپتال، اسکول، کالجز، ریسٹ ہاؤسز اور ڈرائی پورٹس کی آؤٹ سورسنگ پر کام جاری ہے۔
اجلاس میں مزید بتایا گیا کہ 155 اسٹیشن شمسی توانائی پر منتقل ہو چکے ہیں۔ مین لائن ون (کراچی-کوٹری) اور مین لائن تھری کی اپ گریڈیشن کے لیے لائحہ عمل ترتیب دیا جا رہا ہے۔ تھر ریل کنیکٹیویٹی منصوبے پر سندھ حکومت کے ساتھ تعاون جاری ہے۔
اسلام آباد-تہران-استنبول ٹرین کا جلد آغاز ہوگا، اور قازقستان-ازبکستان-افغانستان-پاکستان ریلوے منصوبے پر ابتدائی کام جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ریلوے مسافر دوست وزیراعظم محمد شہباز شریف
ذریعہ
ذریعہ: WE News
کلیدی لفظ: پاکستان ریلوے مسافر دوست وزیراعظم محمد شہباز شریف پاکستان ریلوے شہباز شریف کے لیے
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا