راجوری، کپواڑہ میں بھارتی فوجیوں کی محاصرے اور تلاشی کی کارروائیاں
اشاعت کی تاریخ: 10th, October 2025 GMT
انسپکٹر جنرل آف پولیس جموں زون بی ایس ٹوٹی نے دعویٰ کیا کہ علاقے میں فائرنگ کا تبادلہ ہوا ہے۔ بھارتی فورسز نے تمام داخلی اور خارجی راستوں کو سیل کر کے گھر گھر تلاشی شروع کی۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارتی فوجیوں نے ضلع راجوری میں بڑے پیمانے پر محاصرے اور تلاشی کی کارروائی شروع کی جس سے پورے علاقے میں خوف و ہراس پھیل گیا ہے۔ ذرائع کے مطابق بھارتی فوج، پیراملٹری سینٹرل ریزرو پولیس فورس اور پولیس کے سپیشل آپریشنز گروپ نے گذشتہ شام کو بیرنتھوب کے علاقے میں مشترکہ طور پر کارروائی شروع کی تھی جو آج مسلسل دوسرے روز بھی جاری ہے۔ انسپکٹر جنرل آف پولیس جموں زون بی ایس ٹوٹی نے دعویٰ کیا کہ علاقے میں فائرنگ کا تبادلہ ہوا ہے۔ بھارتی فورسز نے تمام داخلی اور خارجی راستوں کو سیل کر کے گھر گھر تلاشی شروع کی۔ پورا علاقہ محاصرے میں ہے، بھاری تعداد میں بھارتی فورسز کو تعینات کیا گیا ہے جبکہ ڈرونز کا بھی استعمال کیا جا رہا ہے۔ دریں اثناء بھارتی فورسز نے ضلع کپواڑہ کے علاقے وارسن میں بھی محاصرے اور تلاشی کی کارروائی شروع کی ہے۔ ایک سینئر پولیس افسر نے دعویٰ کیا کہ تلاشی کے دوران اسلحے اور گولہ بارود کا ایک ذخیرہ برآمد ہوا ہے۔ قابض حکام لوگوں کے گھروں پر چھاپوں کا جواز پیش کرنے کے لئے اکثر اس طرح کے دعوے کرتے ہیں۔ مقامی لوگوں کا کہنا ہے کہ فوجیوں نے کئی گھروں میں گھس کر خواتین اور بچوں سمیت مکینوں کو ہراساں کیا۔ یہ کارروائیاں غیر قانونی سرگرمیوں کی روک تھام کے کالے قانون یو اے پی اے کے تحت کی گئیں۔
.ذریعہ: Islam Times
کلیدی لفظ: بھارتی فورسز علاقے میں شروع کی
پڑھیں:
کراچی، سہراب گوٹھ میں افغان شرپسندوں کا پولیس پر حملہ، گرفتار افراد کو چھڑا لیا گیا
کراچی:شہر قائد کے علاقے سہراب گوٹھ کے جمالی گوٹھ میں پولیس کو اس وقت مزاحمت کا سامنا کرنا پڑا جب شرپسند عناصر نے آپریشن کے دوران پولیس پارٹی پر حملہ کر دیا۔
پولیس کے مطابق ملزمان نے اہلکاروں پر ڈنڈوں سے حملہ کیا اور فائرنگ بھی کی جس کے نتیجے میں پولیس موبائل کو نقصان پہنچا تاہم خوش قسمتی سے تمام اہلکار محفوظ رہے۔
ترجمان پولیس کے مطابق سہراب گوٹھ پولیس علاقے میں مقیم افغانی افراد کے خلاف آپریشن کر رہی تھی اسی دوران متعدد افراد کو حراست میں لیا گیا۔
پولیس کا کہنا ہے کہ زیرِ حراست افغانیوں کو چھڑانے کے لیے ان کے ساتھی بڑی تعداد میں موقع پر پہنچے اور پولیس پر حملہ کر کے انہیں زبردستی چھڑا کر لے گئے۔
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم