گریمی ایوارڈ یافتہ گلوکار انتقال کرگئے
اشاعت کی تاریخ: 15th, October 2025 GMT
معروف امریکی گلوکار اور نیو سول موسیقی کے بانی ڈی اینجیلو (D’Angelo) 51 سال کی عمر میں کینسر سے جدوجہد کے بعد انتقال کر گئے۔
غیر ملکی میڈیا کے مطابق کینسر سے زندگی کی جنگ ہارنے والے ڈی اینجیلو کے خاندان نے گلوکار کی موت کی تصدیق کرتے ہوئے بیان میں کہا کہ ’’ہم انتہائی غمگین ہیں کہ وہ ہمیں چھوڑ گئے، لیکن ان کی لازوال موسیقی اور فن کے ورثے کے لیے ہمیشہ شکر گزار رہیں گے۔‘‘
ڈی اینجیلو، جن کا اصل نام مائیکل یوجین آرچر تھا، نے 1990 کی دہائی میں اپنے موسیقی کے سفر کا آغاز کیا۔ 1995 میں ریلیز ہونے والا ان کا پہلا البم براؤن شوگر ان کے کیرئیر کی زبردست کامیابی ثابت ہوا اور بل بورڈ ہپ ہاپ چارٹ پر چوتھے نمبر پر پہنچا۔
اس البم کے مشہور گانے کروزن اور لیڈی نے موسیقار اور گلوکار کو عالمی شہرت دلائی۔ 2020 میں معروف میگزین رولنگ اسٹون نے براؤن شوگر کو تاریخ کے 500 عظیم ترین البمز میں شامل کرتے ہوئے 183 واں نمبر دیا۔
ڈی اینجیلو کی موت کی خبر پر دنیا بھر میں موجود ان کے مداحوں اور فنکاروں کی جانب سے افسوس کا اظہار کیا جارہا ہے۔
.ذریعہ: Express News
کلیدی لفظ: ڈی اینجیلو
پڑھیں:
پیپلز پارٹی کے سینئر رہنما اور سابق اسپیکر سندھ اسمبلی آغا سراج درانی انتقال کرگئے
data-id="863a0a8" data-element_type="widget" data-widget_type="theme-post-content.default">
پاکستان پیپلز پارٹی کے سینئر رہنما اور سندھ اسمبلی کے طویل مدت تک اسپیکر رہنے والے آغا سراج درانی انتقال کر گئے۔
ذرائع کے مطابق آغا سراج درانی کو تقریباً ایک ماہ قبل برین ہیمبرج ہوا تھا جس کے بعد انہیں اسپتال منتقل کیا گیا، تاہم چند روز قبل ان کی طبیعت ایک بار پھر بگڑ گئی، اور آج ڈاکٹروں نے ان کے انتقال کی تصدیق کر دی۔
ایوان صدر کی جانب سے آغا سراج درانی کے انتقال پر گہرے رنج و غم کا اظہار کیا گیا ہے، اور ان کی سیاسی اور جمہوری خدمات کو خراج عقیدت پیش کیا گیا ہے۔
وزیراعظم شہباز شریف نے بھی آغا سراج درانی کے انتقال پر افسوس کا اظہار کرتے ہوئے مرحوم کی مغفرت اور ان کے اہل خانہ کے لیے صبر جمیل کی دعا کی۔ ان کا کہنا تھا کہ آغا سراج درانی نے اسپیکر سندھ اسمبلی کی حیثیت سے اہم ذمہ داریاں نبھائیں، اور ان کی عوامی اور سیاسی خدمات ہمیشہ یاد رکھی جائیں گی۔
وزیراعلیٰ سندھ سید مراد علی شاہ نے بھی ان کے انتقال پر افسوس کا اظہار کرتے ہوئے کہا کہ آغا سراج درانی پیپلز پارٹی کے مخلص، وفادار اور اصول پسند رہنما تھے۔ انہوں نے سندھ اسمبلی کو مضبوط بنانے اور جمہوریت کے فروغ میں نمایاں کردار ادا کیا، ان کی خدمات کو ہمیشہ قدر کی نگاہ سے دیکھا جائے گا۔
قانون ہاتھ میں لینے کی کسی کو اجازت نہیں دی جائے گی، راولپنڈی پولیس