فلم انڈسٹری کے معروف ولن مصطفیٰ قریشی کی ٹانگ کی ہڈی ٹوٹ گئی
اشاعت کی تاریخ: 15th, October 2025 GMT
کراچی:پاکستان فلم انڈسٹری کے بین الاقوامی شہرت یافتہ ولن مصطفیٰ قریشی، جنہوں نے 700 سے زائد فلموں میں اپنی شاندار اداکاری کے جوہر دکھائے، ایک تکلیف دہ حادثے کا شکار ہو گئے۔ جمعرات کی صبح فجر کی نماز کے بعد گھر سے باہر واک کے دوران ان کی ٹانگ کی ہڈی ٹوٹ گئی، جس کی وجہ سے انہیں مکمل بیڈ ریسٹ کی ہدایت کی گئی ہے۔
ڈاکٹروں کے مطابق مصطفیٰ قریشی کو کم از کم 6 ہفتوں تک گھر سے باہر نکلنے کی اجازت نہیں ہوگی، جب تک ان کی ٹانگ کی مکمل شفایابی نہ ہو جائے۔ اداکار نے بتایا کہ حادثہ اس وقت پیش آیا جب وہ سڑک پر واک کر رہے تھے، اور کھدی ہوئی سڑک میں بری طرح گر پڑے، میرا سر سڑک سے ٹکرایا اور ٹانگ کی ہڈی ٹوٹ گئی، لیکن خوش قسمتی سے میری آنکھ محفوظ رہی،” قریشی نے کہا۔
اس افسوسناک واقعے پر بات کرتے ہوئے انہوں نے حکمرانوں پر تنقید کی اور کہا، “اللّٰہ تعالیٰ ہمارے حکمرانوں کو عقل دے کہ وہ شہر کی سڑکیں بنا دیں، ورنہ ایسے حادثات روزانہ ہوتے رہیں گے۔” قریشی نے مزید بتایا کہ انہیں آج رضا ربانی کی کتاب کی تقریب میں شرکت کرنا تھی، لیکن اس حادثے کی وجہ سے وہ اس پروگرام میں شامل نہیں ہو سکے۔
مصطفیٰ قریشی کی فلم انڈسٹری میں خدمات کو سراہتے ہوئے ان کے مداحوں اور ساتھی فنکاروں نے ان کی جلد صحتیابی کی دعائیں کی ہیں۔ فلم انڈسٹری کے سینئر اداکار کی طبیعت میں بہتری کے لیے نیک خواہشات کا سلسلہ جاری ہے۔
.
ذریعہ
ذریعہ: Daily Mumtaz
کلیدی لفظ: فلم انڈسٹری ٹانگ کی
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی