پاکستان کی بیوٹی انڈسٹری نے عالمی مارکیٹ میں جگہ بنا لی
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی سے تعلق رکھنے والی پاکستان کی بیوٹی اور ویلنَس(Wellness) مصنوعات بنانے والی کمپنیاں اس سال دبئی میں ہونے والی خطے کی سب سے بڑی نمائش بیوٹی ورلڈ مڈل ایسٹ 2025 میں بھرپور انداز میں شرکت کرنے جا رہی ہیں۔ یہ عالمی سطح کی نمائش 27 سے 29 اکتوبر تک دبئی ورلڈ ٹریڈ سینٹر میں منعقد ہوگی۔
یہ نمائش، جو اب اپنے 29ویں ایڈیشن میں داخل ہو رہی ہے، دنیا بھر کے بیوٹی پروفیشنلز کے لیے ایک اہم پلیٹ فارم بن چکی ہے، جہاں تقریباً 75 ہزار سے زائد وزیٹرز اور 2 ہزار 400 سے زیادہ نمائش کنندگان شریک ہوں گے۔ اس ایونٹ کو پاکستانی برآمد کنندگان، مینوفیکچررز اور ڈسٹری بیوٹرز کے لیے ایک سنہری موقع قرار دیا جا رہا ہے، کیونکہ یہاں انہیں نہ صرف بین الاقوامی خریداروں سے براہِ راست ملاقات کا موقع ملے گا بلکہ نئی مارکیٹس میں داخلے اور کاروباری تعلقات بڑھانے کے امکانات بھی پیدا ہوں گے۔
رواں سال پاکستان کی 40 کمپنیاں اپنی مصنوعات کے ساتھ بیوٹی ورلڈ مڈل ایسٹ میں حصہ لے رہی ہیں، جو ملک کی بیوٹی انڈسٹری کی تاریخ کی سب سے نمایاں شرکتوں میں سے ایک ہے۔ ان میں سے 16 کمپنیاں ٹریڈ ڈویلپمنٹ اتھارٹی آف پاکستان (TDAP) کی معاونت سے پاکستان پویلین میں نمائندگی کریں گی۔
تجزیہ کاروں کے مطابق پاکستان کی بیوٹی اور ویلنَس مصنوعات عالمی سطح پر تیزی سے اپنی جگہ بنا رہی ہیں، اور دبئی جیسے بین الاقوامی تجارتی مرکز میں ان کی موجودگی ملکی برآمدات میں اضافے اور صنعت کی ترقی کے لیے ایک مثبت پیشرفت ہے۔
.ذریعہ: Jasarat News
کلیدی لفظ: پاکستان کی کی بیوٹی
پڑھیں:
افغان سرحد پر کشیدگی؛پاکستان اسٹاک ایکسچینج میں گزشتہ روز 5 کھرب کا نقصان
data-id="863a0a8" data-element_type="widget" data-widget_type="theme-post-content.default">
کراچی: افغان سرحد پر کشیدگی کے بعد پاکستان اسٹاک ایکسچینج میں کاروباری ہفتے کے پہلے ہی روز 5 کھرب کا نقصان ہوگیا۔
نجی ٹی وی کی رپورٹ کے مطابق پیر کے روز مارکیٹ میں شدید مندی کا رجحان دیکھا گیا، جس میں صرف ایک دن میں 5 کھرب 33 ارب روپے سے زائد سرمایہ ڈوب گیا ۔
بازارِ حصص میں گزشتہ روز کاروبار کے دوران KSE-100 انڈیکس 2.85 فیصد کمی کے ساتھ 158,443 پوائنٹس پر بند ہوا۔ کاروباری دورانیے میں انڈیکس نے ایک موقع پر 5,400 پوائنٹس سے زائد کی مندی بھی دیکھی، جب کہ مجموعی طور پر 78 فیصد کمپنیوں کے حصص کی قیمتیں گر گئیں۔
واضح رہے کہ مارکیٹ میں یہ مندی اس صورت حال کا نتیجہ ہے، جس کے مطابق افغان سرحد پر دونوں ملکوں کے درمیان جھڑپ ہوئی اور صورت حال انتہائی کشیدہ رہی۔ اس واقعے نے ملکی معاشی صورت حال پر منفی اثر ڈالا ہے۔
مارکیٹ ماہرین کے مطابق آئی ایم ایف کے ساتھ اسٹاف لیول معاہدہ نہ ہونے اور قرض پروگرام کی اگلی قسط کے حوالے سے بات چیت تاحال غیر یقینی ہونے سے بھی سرمایہ کاروں کا اعتماد متاثر ہوا ہے۔ ماہرین کا کہنا ہے کہ محض 6 روز میں مارکیٹ 9,500 پوائنٹس کھو چکی ہے۔
اقتصادی تجزیہ کاروں کا کہنا ہے کہ گزشتہ روز بینکنگ، آئل، گیس اور سیمنٹ کے بڑے حصص میں نمایاں کمی دیکھی گئی، جن میں بینک الحبیب 5.19 فیصد ، اینگرو 3.32 فی صد اور لکی سیمنٹ کے شیئرز شامل ہیں۔ اگرچہ 1.36 ارب حصص کا کاروبار ہوا، مگر منفی رجحان چھایا رہا۔
شمالی کوریائی ہیکر اربوں ڈالرز مالیت کے کرپٹو اثاثے لے اُڑے