فوج اور حشد الشعبی داعش کے خاتمے کے لئے تیار ہیں، عراق
اشاعت کی تاریخ: 14th, October 2025 GMT
حسین ہاشم نے کہا کہ سکیورٹی چیلنجز باقی ہیں، خاص طور پر داعش کے غیر فعال سیلز جو کچھ سرحدی علاقوں میں سرگرم ہیں، لیکن حشد الشعبی اور فوج کسی بھی ہنگامی اور غیر متوقع پیش رفت سے نمٹنے کے لیے پوری طرح تیار ہیں۔ اسلام ٹائمز۔ عراقی پارلیمنٹ کے رکن نے کہا ہے کہ فوج اور حشد الشعبی نے داعش کے دہشت گردوں کے ساتھ سابقہ لڑائیوں کی وجہ سے دہشت گرد گروہوں کا مقابلہ کرنے میں کافی تجربہ حاصل کیا ہے۔ عراقی رکن پارلیمنٹ حسین ہاشم نے کہا کہ فوج اور حشد الشعبی نے دہشت گردی سے نمٹنے کے میدان میں بہت اعلیٰ اور جدید صلاحیتیں حاصل کی ہیں اور آج خطے کو داعش کے قبضے سے آزاد کرانے کی لڑائیوں کے نتیجے میں ان کے پاس وسیع میدانی تجربہ ہے۔ عراقی پارلیمنٹ کے رکن نے کہا کہ عراق سیکورٹی فورسز کی اعلیٰ تیاری اور انٹیلی جنس اور فیلڈ سرگرمیوں کی ہم آہنگی کی بدولت پڑوسی ممالک، خاص طور پر شام سے، اپنی مغربی سرحدوں سے دہشت گردی کے کسی بھی خطرے کو پسپا کرنے اور اس کو روکنے کی صلاحیت رکھتا ہے۔ حسین ہاشم نے کہا کہ سکیورٹی چیلنجز باقی ہیں، خاص طور پر داعش کے غیر فعال سیلز جو کچھ سرحدی علاقوں میں سرگرم ہیں، لیکن حشد الشعبی اور فوج کسی بھی ہنگامی اور غیر متوقع پیش رفت سے نمٹنے کے لیے پوری طرح تیار ہیں۔
.
ذریعہ
ذریعہ: Islam Times
کلیدی لفظ: حشد الشعبی نے کہا کہ داعش کے
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ