اسرائیل پر عدم اعتماد، حماس نے مذاکرات کیلئے ٹرمپ سے ضمانت طلب کرلی
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
قاہرہ/شرم الشیخ: فلسطینی مزاحمتی تحریک حماس اور اسرائیل کے درمیان مصر کے شہر شرم الشیخ میں جاری بالواسطہ مذاکرات آج بھی جاری رہے، جہاں قیدیوں اور یرغمالیوں کے تبادلے سمیت جنگ بندی کے مستقل حل پر پیش رفت کی کوششیں کی جا رہی ہیں۔
حماس کی مذاکراتی کمیٹی کے سربراہ خلیل الحیہ نے تصدیق کی کہ ان کی جماعت نے اسرائیل کے ساتھ طے شدہ فہرست کے مطابق قیدیوں اور یرغمالیوں کی فہرست کا تبادلہ مکمل کر لیا ہے۔
ان کا کہنا تھا کہ حماس امن معاہدے کے لیے سنجیدہ اور مثبت رویہ اختیار کیے ہوئے ہے، تاہم ڈیل اسی وقت ممکن ہے جب امریکہ اور ثالث ممالک اس بات کی ضمانت دیں کہ غزہ پر جنگ ہمیشہ کے لیے ختم کر دی جائے گی۔
ادھر ترک صدر رجب طیب اردوان نے کہا ہے کہ ترکی حماس کے ساتھ مسلسل رابطے میں ہے اور صدر ٹرمپ کی قیادت میں جاری امن کوششوں کی حمایت کرتا ہے، تاہم انہوں نے واضح کیا کہ غزہ ہر حال میں فلسطین کا حصہ رہے گا۔
ذرائع کے مطابق آج کے مذاکرات میں قطر کے وزیراعظم، امریکی مندوبین اسٹیو وٹکوف اور جیرڈ کشنر سمیت ترکی کے انٹیلی جنس سربراہ ابراہیم قالن کی قیادت میں ترک وفد بھی شریک ہوگا۔ ان مذاکرات کو خطے میں ممکنہ جنگ بندی اور انسانی بحران کے خاتمے کی سمت اہم پیش رفت قرار دیا جا رہا ہے۔
ذریعہ
ذریعہ: Jasarat News
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار