‘شہر کی ترقی کے لیے ایک ہیں،’ باہمی تناؤ کے باوجود ٹرمپ اور زہران ممدانی کی خوشگوار ملاقات
اشاعت کی تاریخ: 22nd, November 2025 GMT
امریکی صدر ڈونلڈ ٹرمپ اور نیویارک کے نومنتخب میئر زہران ممدانی کے درمیان وائٹ ہاؤس میں اہم ملاقات ہوئی، جس میں دونوں رہنماؤں نے باہمی تناؤ کے ماضی کے باوجود خوشگوار اور تعمیری تعلقات کی امید ظاہر کی۔
جمعے کے روز ہونے والی اس ملاقات کے بعد میڈیا سے گفتگو کرتے ہوئے صدر ٹرمپ نے زہران ممدانی کی تعریف کرتے ہوئے کہا کہ انہوں نے قیمتوں کے بڑھتے مسائل پر کامیاب انتخابی مہم چلائی۔ ٹرمپ، جو ماضی میں ممدانی کو ’جہادی‘ قرار دے چکے ہیں اور ان کی شہریت ختم کرنے کی دھمکی بھی دے چکے تھے، اب ان کی کامیابی کو ’ناقابلِ یقین‘ قرار دیتے ہوئے کہا کہ ہماری بہت اچھی اور نتیجہ خیز ملاقات ہوئی۔ ہم دونوں ایک بات پر متفق ہیں کہ اپنے شہر کو ترقی کرتے دیکھنا چاہتے ہیں۔
یہ بھی پڑھیے: صدر ٹرمپ نے نیویارک کے ممکنہ میئر زہران ممدانی کو دھمکی کیوں دی؟
ممدانی نے بھی ملاقات کو مثبت قرار دیتے ہوئے کہا کہ بات چیت کا مرکز نیویارک شہر کے عوام کی بہتری تھا۔ انہوں نے بتایا کہ کرایوں، بلوں اور گروسری کی قیمتوں سمیت متعدد مسائل پر گفتگو ہوئی۔
زہران ممدانی، جو ایک ڈیموکریٹک سوشلسٹ ہیں اور فلسطینیوں کے حقوق کے مضبوط حامی بھی، اپنی سیاسی سوچ میں صدر ٹرمپ سے مکمل طور پر مختلف ہیں۔ ٹرمپ کی سابقہ پالیسیوں میں امریکا میں مسلمانوں کے داخلے پر پابندی اور تارکینِ وطن کو خطرہ قرار دینا شامل رہا ہے، لیکن اس کے باوجود دونوں رہنماؤں نے مشترکہ ایجنڈے پر مل کر کام کرنے کی خواہش کا اظہار کیا۔
یہ بھی پڑھیے: میئر کا الیکشن مسلمان امیدوار کے جیتنے پر صدر ٹرمپ نیویارک کا کنٹرول سنبھال لیں گے
ممدانی نے کہا کہ وہ اختلافات کے باوجود امریکا کی ’ہمیشہ کی جنگوں‘ کے خاتمے اور بڑھتی مہنگائی کے مسئلے پر مشترکہ راہ تلاش کرنے کے خواہاں ہیں۔ ان کے مطابق، ہم دونوں اپنی پوزیشنز پر واضح ہیں، لیکن ہماری ملاقات کا محور ایسے نکات تھے جو 85 لاکھ نیویارکرز کی زندگیاں بدل سکتے ہیں۔
اقتصادی مشکلات کے بڑھتے خدشات کے ماحول میں ٹرمپ نے بھی حالیہ بیانات میں ممدانی کی توجہ مہنگائی کے خاتمے پر مرکوز ہونے کو سراہا ہے۔ صدر نے کہا کہ انہوں نے بتایا کہ ان کے بہت سے ووٹرز نے مجھے بھی ووٹ دیا، اور مجھے اس سے کوئی مسئلہ نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
پاکستان نے ورلڈ کپ 2028 کیلیے براہ راست کوالیفائی کر لیا