ترکی کا قصبہ اورتاہسار خوبصورت ترین دیہاتوں کی فہرست میں شامل، کتنے نمبر پر ہے؟
اشاعت کی تاریخ: 8th, October 2025 GMT
دنیا کے خوبصورت ترین دیہات کی 2025 کی فہرست میں ترکی کے تاریخی قصبے ارتاہیسار نے بھی جگہ بنالی ہے۔ بین الاقوامی جریدے فوربز کی جانب سے جاری کردہ سالانہ رینکنگ میں ارتاہیسار کو دنیا کے 50 خوبصورت ترین دیہات میں 40 واں نمبر حاصل ہوا۔
ترکی کے صوبے نیوشیہر میں واقع ارتاہیسار، خطہ کپادوکیہ کے دل میں بسنے والا ایک دلکش گاؤں ہے جو اپنی قدرتی خوبصورتی، منفرد پتھریلے مناظر اور تاریخی ورثے کے باعث دنیا بھر کے سیاحوں کو اپنی جانب کھینچتا ہے۔
یہ بھی پڑھیں: دنیا کے سب سے خوبصورت ممالک کون سے ہیں؟
ارتاہیسار کی پہچان اس کے پتھر سے بنے گھروں، پرکشش پتھریلی گلیوں، قدیم چرچوں اور خانقاہوں سے ہوتی ہے، دیہات میں موجود سرچا، کامبازلی، تاوشانلی اور ہلاج دریسی جیسے تاریخی چرچ سیاحوں کے لیے خاص کشش رکھتے ہیں۔
جریدے نے اپنے تبصرے میں لکھا کہ ارتاہیسار ایک ایسا قصبہ ہے جو کپادوکیہ کی زمین سے ایک بھولی بسری یادگار کی طرح ابھرتا ہے، جہاں قدیم قلعہ، غاروں میں تراشی گئی گزرگاہیں اور کبوتروں کے گھونسلوں جیسے آثار آج بھی اپنی تاریخی عظمت کا پتہ دیتے ہیں۔
ارتاہیسار نہ صرف ترکی کا خوبصورت ترین گاؤں قرار دیا جارہا ہے بلکہ یہ کپادوکیہ کے ثقافتی، قدرتی اور تاریخی ورثے کا جیتا جاگتا میوزیم بھی ہے۔
یہ بھی پڑھیں: بھارتی صحافی نے اسلام آباد کو ایشیا کا خوبصورت ترین شہر قرار دیدیا
یہاں آنے والے سیاح ارتاہیسار قلعہ، ہلاج خانقاہ، پنچرلک چرچ، اور ایتھنوگرافی میوزیم ہے کے علاوہ ریڈ ویلی، پیجن ویلی اور لوو ویلی جیسے دلکش مقامات کا نظارہ کرتے ہیں۔
علاوہ ازیں، سورج نکلنے کے وقت فضا میں تیرتے ہوا کے غبارے، گھڑ سواری اور پہاڑی راستوں پر ہائیکنگ جیسی سرگرمیاں اس علاقے کو دنیا بھر کے سیاحوں کے لیے ایک خوابناک تجربہ بنا دیتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارتاہیسار ترکیہ خوبصورت دیہات قصبہ کپادوکیہ.
ذریعہ
ذریعہ: WE News
کلیدی لفظ: ترکیہ خوبصورت دیہات
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ