فیفا ورلڈ کپ کے سفر میں فیصلہ کن موڑ، سعودی عرب اور عراق کا ٹاکرا آج رات
اشاعت کی تاریخ: 14th, October 2025 GMT
فٹبال کے شائقین بڑی بے چینی سے ایک سنسنی خیز میچ کا انتظار کر رہے ہیں، جس میں سعودی عرب اور عراق کی ٹیمیں آمنے سامنے ہوں گی۔
یہ میچ فیصلہ کن ہے کیونکہ جیتنے والی ٹیم براہِ راست فیفا ورلڈ کپ 2026 میں پہنچے گی جو امریکا، کینیڈا اور میکسیکو میں ہوگا۔
یہ بھی پڑھیں:
یہ مقابلہ آج رات پاکستانی ٹائم کے مطابق 11:45 کو جدہ کے کنگ عبداللہ اسپورٹس سٹی اسٹیڈیم میں کھیلا جائے گا۔
گروپ بی کے پلے آف میں، جس کی میزبانی سعودی عرب کر رہا ہے، اب ورلڈ کپ کے لیے مقابلہ صرف سعودی عرب اور عراق کے درمیان رہ گیا ہے۔
مزید پڑھیں:
عراق نے ہفتے کے روز انڈونیشیا کو ایک سخت میچ میں 1-0 سے شکست دے کر اپنی امیدیں برقرار رکھی ہیں۔
گروپ کی 3 ٹیموں میں سے پہلی ٹیم براہِ راست ورلڈ کپ کے لیے کوالیفائی کرے گی، جبکہ دوسری ٹیم کو 13 اور 18 نومبر کو گروپ اے کی رنر اپ ٹیم کے خلاف ایک اور پلے آف کھیلنا ہوگا، جس کا فاتح عالمی پلے آف میں جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس سٹی اسٹیڈیم امریکا انڈونیشیا جدہ سعودی عرب عراق فٹبال فیفا ورلڈ کپ کنگ عبداللہ.ذریعہ: WE News
کلیدی لفظ: اسپورٹس سٹی اسٹیڈیم امریکا انڈونیشیا فٹبال فیفا ورلڈ کپ کنگ عبداللہ ورلڈ کپ
پڑھیں:
ریاض میٹرو نے اہم سنگ میل عبور کرلیا، گنیز ورلڈ ریکارڈ میں نام درج
ریاض میٹرو نے عالمی سطح پر اہم سنگِ میل عبور کرتے ہوئے گنیز ورلڈ ریکارڈ میں جگہ بنا لی ہے۔ اسے دنیا کا طویل ترین مکمل طور پر ڈرائیور لیس ٹرین نیٹ ورک تسلیم کیا گیا ہے، جو مجموعی طور پر 176 کلومیٹر پر محیط ہے۔ یہ کامیابی سعودی عرب کے جدید اور پائیدار ٹرانسپورٹ سسٹم کی تیز رفتار ترقی کا مظہر قرار دی جا رہی ہے۔
یہ بھی پڑھیں: ساڑھے 22 ارب ڈالر کا ریاض میٹرو منصوبہ جدید ترقی کا مظہر
ریاض میٹرو دارالحکومت کے پبلک ٹرانسپورٹ منصوبے کا اہم حصہ ہے، جو 6 مربوط لائنوں پر مشتمل ہے اور ان میں 85 اسٹیشن شامل ہیں۔ یہ نظام جدید ترین ٹیکنالوجی کے تحت مکمل طور پر خودکار انداز میں چلایا جاتا ہے، جس کی نگرانی سینٹرل کنٹرول رومز کے ذریعے کی جاتی ہے۔ یہ کنٹرول رومز اعلیٰ ترین معیار کے مطابق ٹرین آپریشنز، سیکیورٹی اور سروس کو مسلسل مانیٹر کرتے ہیں۔
ریاض کی پبلک ٹرانسپورٹ میں میٹرو اور بسیں شامل ہیں، ٹریفک کے بوجھ میں کمی، معاشی سرگرمیوں میں اضافہ، شہری ترقی، سماجی سہولت اور ماحول کے تحفظ میں اہم کردار ادا کر رہی ہے۔ یہ سسٹم شہریوں اور رہائشیوں کو مزید بہتر رسائی فراہم کرتا ہے۔
یہ بھی پڑھیں: ریاض میٹرو منصوبے کا افتتاح، سعودی عرب کے ٹرانسپورٹ نظام میں انقلابی قدم
یہ اہم سنگِ میل ریاض سٹی کی رائل کمیشن کی ان کوششوں کو بھی اجاگر کرتا ہے جو اس نے اسمارٹ اور پائیدار شہری ٹرانسپورٹ کے فروغ کے لیے کی ہیں۔
جدید انفراسٹرکچر کی فراہمی اور جدت پر مبنی منصوبہ بندی نہ صرف دارالحکومت میں معیارِ زندگی بہتر کر رہی ہے بلکہ سعودی وژن 2030 کے اہداف کی تکمیل میں بھی کلیدی حیثیت رکھتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انفراسٹرکچر ریاض میٹرو سعودی عرب گنیز ورلڈ ریکارڈ وژن 2030
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال