آرام باغ ٹریڈرز الائنس کراچی کا پہلا باضابطہ اجلاس
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) آرام باغ ٹریڈرز الائنس کراچی کا پہلا باضابطہ اجلاس گزشتہ روز منعقد ہوا،جس کی صدارت صدر آرام باغ ٹریڈرز الائنس شیخ سہیل احمدنے کی۔اجلاس میں تنظیم کے تمام عہدیداران اور تاجر برادری کے ارکان نے بھرپور شرکت کی ۔ اجلاس میں شریک عہدیداران میں سینئر وائس پریزیڈنٹ خرم دلاور، جنرل سیکریٹری وقار احمد خان،فنانس سیکریٹری کاشف مرزا ،انفارمیشن سیکریٹری عمران عبدالوہاب،آفس سیکریٹری کاشف قریشی،لا اینڈ آرڈر سیکریٹری احسان نظیراورجوائنٹ سیکریٹری وقار احمد وقار شامل تھے۔تمام ارکان نے تنظیمی معاملات، تاجر برادری کے مفادات اور مارکیٹ کے ترقیاتی اقدامات سے متعلق اپنی قیمتی تجاویز پیش کیں۔اجلاس میں خصوصی طور پر عبدالرحمن خان (کنوینر، اسمال ٹریڈرز، فیڈریشن آف پاکستان چیمبرز آف کامرس اینڈ انڈسٹری) نے شیخ سہیل احمد کی خصوصی دعوت پر شرکت کی۔انہوں نے اپنے خطاب میں کہا کہ فیڈریشن آف پاکستان چیمبرز آف کامرس اینڈ انڈسٹری چھوٹے تاجروں کے مسائل کے حل کے لیے ہر وقت سرگرم ہے اور کسی بھی سطح پر خواہ سرکاری یا غیر سرکاری ادارہ، ایجنسی ہو یا قانون نافذ کرنے والے ادارے سب تاجروں کے ساتھ شانہ بشانہ کھڑے ہیں۔انہوں نے یقین دلایا کہ آئندہ بھی فیڈریشن اپنا ہر ممکن تعاون جاری رکھے گا۔اجلاس تقریباً دو گھنٹے تک جاری رہا جس میں تنظیمی اصلاحات، تاجر برادری کے اتحاد اور مارکیٹ کی ترقی کے حوالے سے اہم فیصلے کیے گئے۔اختتامی کلمات میں شیخ سہیل احمد نے تمام شرکائے اجلاس کا شکریہ ادا کرتے ہوئے کہا کہ ان شااللہ ہماری باہمی یکجہتی، محنت اور لگن آرام باغ جیسی تاریخی مارکیٹ کو ایک عظیم تجارتی مرکز میں تبدیل کرے گی ۔ انہوں نے تمام عہدیداران کو تلقین کی کہ وہ اپنی ذمے داریاں جذبہ خدمت کے ساتھ ادا کریں اورہر ممکن طریقے سے تاجر برادری کے مسائل کے حل میں اپنا کردار نبھائیں۔انہوں نے یقین دلایا کہ آرام باغ ٹریڈرز الائنس اپنے تمام ارکان کے ساتھ ہر سطح پر مکمل تعاون جاری رکھے گا۔یہ امر قابل ذکر ہے کہ آرام باغ الیکٹرک مارکیٹ پاکستان کی سب سے قدیم اور معتبر الیکٹریکل مارکیٹ کے طور پر جانی جاتی ہے،جہاں سے ملک بھر کے تاجر اور صنعتکار طویل عرصے سے وابستہ ہیں۔
ذریعہ
ذریعہ: Jasarat News
کلیدی لفظ: ا رام باغ ٹریڈرز الائنس تاجر برادری کے انہوں نے
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار