سرگودھا میں مخالفین کی اندھا دھند فائرنگ کے نتیجہ میں 2 افراد جاں بحق
اشاعت کی تاریخ: 8th, October 2025 GMT
سرگودھا (اُردو پوائنٹ اخبارتازہ ترین - اے پی پی۔ 08 اکتوبر2025ء) سرگودھا میں دیرینہ دشمنی پر مخالفین کی اندھا دُھند فائرنگ کے نتیجہ میں 2 افراد جاں بحق ہو گئے۔ بھلوال پولیس کے مطابق تھانہ سٹی بھلوال کی حدود میں بدھ کے روز پرانی دُشمنی پر دو افراد کو اُن کے مخالفین نے اندھا دُھند فائرنگ کر کے موت کے گھاٹ اُتار دیا۔ ایس ایچ او تھانہ سٹی بھلوال سب انسپکٹر محمد اقبال کے مطابق محمد حیات جسپال بعمر 51 سال سکنہ ہائے نصیر پور کلاں بھلوال اور مصری خان بعمر 50 سال سکنہ ہائے نصیر پور کلاں بھلوال ایک دکان پر بیٹھے تھے کہ نامعلوم مسلح موٹر سائیکل سواروں نے دکان کے سامنے اندھا دھند فائرنگ شروع کردی جس کے نتیجے میں محمد حیات جسپال موقع پر ہی جاں بحق ہو گیا جبکہ مصری خان شدید زخمی ہوگیا۔
(جاری ہے)
سب ڈویژنل پولیس آفیسر بھلوال سرکل ڈی ایس پی فیصل عباس موقع پر پہنچ گئے۔ تھانہ بھلوال سٹی پولیس اور ریسکیو 1122 کی ٹیموں نے موقع پر پہنچ کر نعش کو قبضہ میں لے کر پوسٹمارٹم کے لیے تحصیل ہیڈ کوارٹر ہسپتال بھلوال اور مصری خان کو طبی امداد کے لیے تحصیل ہیڈ کوارٹر ہسپتال بھلوال منتقل کر دیا ۔ ڈسٹرکٹ پولیس آفیسر سرگودھا محمد صہیب اشرف نے واقعہ کا نوٹس لیتے ہوئے سب ڈویژنل پولیس آفیسر بھلوال سرکل ڈی ایس پی فیصل عباس کو ملزمان کی گرفتاری کے لیے ٹاسک دے دیا ہے ، مزید تفتیش جاری ہے۔.
ذریعہ
ذریعہ: UrduPoint
کلیدی لفظ: تلاش کیجئے
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار