کھیل میں سیاست کا نتیجہ، بھارت کا ورلڈ کپ کی میزبانی سے محروم ہونے کا امکان
اشاعت کی تاریخ: 21st, November 2025 GMT
چیئرمین پاکستان ویٹرنز کرکٹ ایسوسی ایشن فواد اعجاز نے کہا ہے کہ بھارت سے ویٹرنز کرکٹ ورلڈ کپ 2027 نیوزی لینڈ منتقل ہونے کا امکان ہے۔
انہوں نے بتایا کہ 50 سال سے زائد عمر کے کھلاڑیوں کا ورلڈ کپ 2027 میں بھارت میں شیڈول ہے، اور پاکستان اپنی اعزازات کا دفاع کرے گا۔
یہ بھی پڑھیں: چیمپیئنز ٹرافی کا انعقاد خطرے میں، آئی سی سی کا ایک اوراجلاس شروع ہوئے بغیر ختم
فواد اعجاز نے مزید کہا کہ بھارت کو دسمبر تک پاکستان ٹیم کو ویزے کی یقین دہانی کرانی ہے، اور اگر یہ یقین دہانی نہ کرائی گئی تو ورلڈ کپ نیوزی لینڈ منتقل ہو جائے گا۔
چیئرمین ویٹرنز کرکٹ ایسوسی ایشن نے واضح کیا کہ بھارت دسمبر تک پاکستان کو ویزے کی یقین دہانی فراہم کرنے میں ناکام رہے گا۔
یاد رہے کہ پاکستان اور بھارت کے درمیان کرکٹ میچز ہمیشہ کشمکش کا محور رہے ہیں۔ سیاسی تناؤ اور سرحدی کشیدگی کے باعث کئی بار دونوں ممالک کے درمیان شیڈول شدہ میچز یا سیریز ملتوی یا منتقل کر دی گئی ہیں۔
یہ بھی پڑھیں: کرکٹ ورلڈ کپ: قومی ٹیم بھارت جائے گی یا نہیں؟ وزیراعظم نے اہم فیصلہ کرلیا
حال ہی میں بھارتی کرکٹ ٹیم نے پاکستان آکر چیمپیئن ٹرافی کے میچز کھیلنے سے انکار کردیا تھا، انڈیا نے آخری مرتبہ پاکستان میں کھیلے جانے والے سنہ 2008 کے ایشیا کپ میں شرکت کی تھی۔
انڈیا نے پاکستان میں سنہ 2006 میں آخری مرتبہ سیریز کھیلی تھی جس کے بعد سے پاکستان نے سنہ 2008 اور 2013 میں انڈیا کے دورے تو کیے لیکن انڈیا نے پاکستان میں کھیلنے سے انکار ہی کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ورلڈ کپ
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ