چیف جسٹس امین الدین خان :چارج سنبھالتے ہی وفاقی آئینی عدالت میں اہم انتظامی تقرریاں
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی آئینی عدالت میں نئے انتظامی فیصلوں اور تقرریوں کا سلسلہ تیزی سے آگے بڑھ رہا ہے، چیف جسٹس وفاقی آئینی عدالت امین الدین خان نے اپنے منصب سنبھالنے کے بعد پہلا بڑا فیصلہ کرتے ہوئے عدالت کا نیا رجسٹرار مقرر کردیا ہے، چیف جسٹس نے سابق ڈسٹرکٹ اینڈ سیشن جج محمد حفیظ کو رجسٹرار وفاقی آئینی عدالت تعینات کیا ہے، جو آئینی نوعیت کے معاملات، عدالتی نظم و نسق اور بینچز کے انتظامی امور کی نگرانی کریں گے۔
ذرائع کا کہنا ہے کہ چیف جسٹس امین الدین خان نے ایک اور اہم تقرری کرتے ہوئے مظہر بھٹی کو سیکریٹری ٹو چیف جسٹس کے عہدے پر تعینات کیا ہے، یہ عہدہ چیف جسٹس کے دفتری امور، عدالتی ایڈمنسٹریشن اور اہم رابطہ کاری میں کلیدی کردار ادا کرتا ہے، دونوں افسران کا شمار تجربہ کار عدالتی عملے میں ہوتا ہے، اور ان کی تقرری عدالت کے انتظامی ڈھانچے کو مضبوط بنانے کے اقدامات کا حصہ قرار دی جارہی ہے۔
اسی سلسلے میں آئینی عدالت کے نئے جج جسٹس کے کے آغا کی حلف برداری بھی طے پا چکی ہے۔ ذرائع کے مطابق جسٹس کے کے آغا کل وفاقی آئینی عدالت کے جج کی حیثیت سے حلف اٹھائیں گے، جس کی تقریب اسلام آباد ہائی کورٹ میں منعقد ہوگی۔
حلف چیف جسٹس امین الدین خان خود دلائیں گے، جسٹس کے کے آغا کے شامل ہونے سے عدالت کی آئینی سماعتوں اور زیر التوا مقدمات کے فیصلوں کی رفتار میں بہتری آنے کی توقع ظاہر کی جارہی ہے۔
آئینی دائرہ اختیار رکھنے والی اس نئی عدالت میں جاری تقرریوں کو مستقبل کی آئینی تشریحات، آئینی تنازعات کے حل اور اعلیٰ عدالتی نظم و ضبط کے لیے اہم پیش رفت سمجھا جارہا ہے۔
واضح رہے کہ جسٹس امین الدین خان نے وفاقی آئینی عدالت کے پہلےچیف جسٹس کاآج ہی اپنے عہدے کا حلف اٹھایا ہے۔
ذریعہ
ذریعہ: Jasarat News
کلیدی لفظ: جسٹس امین الدین خان وفاقی آئینی عدالت چیف جسٹس عدالت کے جسٹس کے
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار