وفاقی آئینی عدالت کے پہلے چیف جسٹس امین الدین نے حلف اٹھالیا
اشاعت کی تاریخ: 14th, November 2025 GMT
اسلام آباد: جسٹس امین الدین خان نے وفاقی آئینی عدالت کے پہلے چیف جسٹس کی حیثیت سے حلف اٹھا لیا۔
ایوان صدر میں ہونے والی تقریب میں صدر مملکت آصف علی زرداری نے چیف جسٹس امین الدین سے عہدے کا حلف لیا۔ تقریب میں وزیراعظم شہباز شریف، سپریم کورٹ کے چیف جسٹس جسٹس یحییٰ آفریدی، اہم وفاقی وزرا اور اعلیٰ عسکری قیادت نے شرکت کی۔
حلف برداری کے دوران فیلڈ مارشل سید عاصم منیر، پاک بحریہ اور پاک فضائیہ کے سربراہان بھی موجود تھے، جب کہ اسپیکر قومی اسمبلی سردار ایاز صادق، چیئرمین سینیٹ یوسف رضا گیلانی اور اٹارنی جنرل منصور عثمان اعوان بھی تقریب میں شریک رہے۔
جسٹس امین الدین خان پہلے جج ہیں جو اس نئی قائم شدہ عدالت کی سربراہی کریں گے۔ آئینی دائرہ کار سے متعلق تمام مقدمات اب اسی عدالت میں سنے جائیں گے، جس کے بعد ملک میں آئینی تشریح اور آئینی تنازعات کے حل کے لئے ایک باقاعدہ خصوصی فورم وجود میں آگیا ہے۔
دریں اثنا وفاقی آئینی عدالت کے دیگر 6 ججز کی حلف برداری بھی آج ہی شیڈول ہے، جس کے لیے اسلام آباد ہائی کورٹ کے ایڈمن بلاک اور ججز چیمبرز کے درمیان اوپن ایریا میں انتظامات مکمل کرلیے گئے ہیں۔ تمام ججز اپنے منصب کا حلف براہِ راست چیف جسٹس امین الدین سے لیں گے۔
.ذریعہ: Al Qamar Online
کلیدی لفظ: پاکستان کھیل جسٹس امین الدین چیف جسٹس
پڑھیں:
چیف جسٹس وفاقی آئینی عدالت جسٹس امین الدین خان آج ایوان صدر میں حلف اٹھائیں گے
صدر مملکت آصف علی زرداری آج ایوان صدر میں جسٹس امین الدین خان کو وفاقی آئینی عدالت کے پہلے چیف جسٹس کے طور پر حلف دلائیں گے۔
تقریب حلف برداری صبح 11:10 بجے براہ راست پاکستان ٹیلی ویژن (PTV) پر نشر کی جائے گی۔ صدر مملکت نے وزیراعظم پاکستان کی سفارش پر جسٹس امین الدین کی تعیناتی کی منظوری دی اور وزارت قانون و انصاف نے باضابطہ نوٹیفکیشن بھی جاری کر دیا ہے۔
مزید پڑھیں: جسٹس امین الدین خان چیف جسٹس وفاقی آئینی عدالت مقرر، صدر نے منظوری دیدی
جسٹس امین الدین خان اس سے قبل آئینی بینچ کے سربراہ کے طور پر خدمات انجام دے رہے تھے۔ ان کی تعیناتی ایسے وقت میں ہوئی ہے جب سپریم کورٹ کے سینیئر ججز جسٹس منصور علی شاہ اور جسٹس اطہر من اللہ نے 27ویں آئینی ترمیم کے خلاف استعفیٰ دے دیا۔
دونوں ججز نے مؤقف اختیار کیا کہ اس ترمیم کے ذریعے سپریم کورٹ کی آزادی متاثر ہوئی اور عدلیہ کو حکومت کے ماتحت کر دیا گیا ہے۔ لا اینڈ جسٹس کمیشن کے رکن مخدوم علی خان نے بھی مستعفی ہو کر کہا کہ ایسے حالات میں کام کرنا خود کو دھوکا دینے کے مترادف ہے۔
مزید پڑھیں: فوجی عدالتوں میں سویلینز کا ٹرائل: لارجر بینچ پہلے فیصلے کا پابند نہیں ہوتا، جسٹس امین الدین خان کے ریمارکس
27ویں آئینی ترمیم کے بعد عدلیہ اور آئین کے تحفظ کے حوالے سے قومی سطح پر بحث جاری ہے، اور آج کے حلف کے بعد وفاقی آئینی عدالت کے پہلے چیف جسٹس کے طور پر جسٹس امین الدین خان آئینی عدالت کی سربراہی سنبھالیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایوان صدر جسٹس امین الدین خان صدر مملکت آصف علی زرداری
اپوزیشن اتحاد کا 27ویں آئینی ترمیم کے خلاف ملک گیر احتجاجی تحریک شروع کرنے کا اعلان