ملک میں تمباکو کے استعمال سے سالانہ 700 ارب روپے کے معاشی نقصانات کا انکشاف
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: ملک میں تمباکو کے استعمال سے سالانہ تقریباً 700 ارب روپے کا معاشی نقصان سامنے آیا ہے، جس پر پاکستان انسٹیٹیوٹ آف ڈیویلپمنٹ اکنامکس (PIDE) نے فوری اصلاحات اور سخت اقدامات کی ضرورت پر زور دیا ہے۔
PIDE کی رپورٹ میں بتایا گیا ہے کہ قوانین کے کمزور نفاذ اور پرانے قواعد کی وجہ سے تمباکو وبا کی شکل اختیار کر چکا ہے۔ ہر سال تمباکو کے استعمال سے ایک لاکھ چونسٹھ ہزار پاکستانی اپنی جان سے ہاتھ دھو بیٹھتے ہیں، جبکہ تمباکو کے شعبے میں ہونے والا مالی نقصان ملکی جی ڈی پی کے ایک فیصد کے برابر ہے۔ رپورٹ میں یہ بھی انکشاف کیا گیا کہ گزشتہ دس برس کے دوران تمباکو سے ہونے والے معاشی نقصان میں 31 فیصد اضافہ ہوا ہے۔
رپورٹ میں کہا گیا کہ سستا سگریٹ اور محدود نگرانی کی وجہ سے نوجوان خاص طور پر بری طرح متاثر ہو رہے ہیں، اور سموک لیس تمباکو اور نئی مصنوعات کے بڑھتے استعمال پر مؤثر کنٹرول موجود نہیں۔ PIDE نے سفارش کی ہے کہ سموک لیس تمباکو اور نئی مصنوعات کو ٹیکس کے دائرہ کار میں لایا جائے، جبکہ سگریٹ کی غیر قانونی تجارت ملکی مارکیٹ کے تقریباً ایک تہائی حصے پر محیط ہے۔
مزید براں، تمباکو سے نجات کے لیے سہولتیں فراہم کرنا، ہیلپ لائنز قائم کرنا اور مفت تھراپی کی فراہمی کی بھی تجویز دی گئی ہے۔ رپورٹ میں انتباہ کیا گیا ہے کہ اگر پالیسیوں کے نفاذ میں مزید دیر کی گئی تو جانی اور مالی نقصانات میں اضافہ ہونا یقینی ہے۔
ذریعہ: Jasarat News
کلیدی لفظ: رپورٹ میں تمباکو کے
پڑھیں:
بھارتی فضائیہ کا پی سی 7 طیارہ گر کر تباہ
data-id="863a0a8" data-element_type="widget" data-widget_type="theme-post-content.default">
بھارتی فضائیہ کا ایک تربیتی طیارہ ‘پلیٹس پی سی-7’ چینئی کے چنگل پٹو ضلع میں گر کر تباہ ہو گیا۔
چینئی کے چنگل پٹّو ضلع میں بھارتی فضائیہ کا تربیتی طیارہ ‘پلیٹس پی سی-7’ گر کر تباہ ہوگیا، تاہم پائلٹ بروقت ایجیکٹ ہونے میں کامیاب رہا اور کسی جانی نقصان کی اطلاع نہیں ملی۔
بھارتی میڈیا اور خبر رساں ایجنسی پی ٹی آئی کی جاری کردہ ویڈیوز میں تباہ شدہ طیارے کا ملبہ زمین پر بکھرا ہوا دیکھا جا سکتا ہے۔ حادثہ معمول کی تربیتی پرواز کے دوران پیش آیا، اور بھارتی فضائیہ نے بعد ازاں اس کی تصدیق کی۔
فضائیہ کے بیان کے مطابق پی سی-7 مارک II تربیتی طیارہ آج دوپہر کے وقت چینئی کے قریب تمبرم علاقے میں حادثے کا شکار ہوا۔ بیان میں مزید کہا گیا کہ پائلٹ نے محفوظ طریقے سے ایجیکٹ کیا اور کسی شہری املاک کو نقصان نہیں پہنچا۔
حادثے کی وجوہات جاننے کے لیے بھارتی فضائیہ نے کورٹ آف انکوائری قائم کر دی ہے تاکہ تکنیکی اور دیگر پہلوؤں کی تفصیلی تحقیقات کی جا سکیں۔ یہ واقعہ بھارتی فضائیہ کے تربیتی پروگرام میں ایک انتباہی صورت اختیار کر گیا ہے، مگر خوش آئند بات یہ ہے کہ کسی جانی نقصان یا مالی نقصان کی اطلاع نہیں ملی۔
امریکی سپریم کورٹ نے ٹرمپ کو امدادی فنڈز روکنے کی اجازت دیدی