روس سے الجھے بغیر بشارالاسد کا احتساب کریں گے‘ شامی صدر
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
دمشق (انٹرنیشنل ڈیسک) شام کے صدر احمد الشرع نے کہا ہے کہ ان کا ملک سابق صدر بشار الاسد کے احتساب کے لیے قانونی راستے اختیار کرے گا، تاہم اس سلسلے میں ماسکو کے ساتھ کسی تصادم کا خطرہ مول نہیں لیا جائے گا۔ امریکی نشریاتی ادارے سی بی ایس کو دیے گئے انٹرویو میں احمد الشرع نے کہا کہ شامی نسلوں نے شدید ذہنی صدمات برداشت کیے ہیں، اس لیے آزادی کے بعد کی مدت لوگوں کو امید، بحالی اور تعمیر نو کا موقع فراہم کرے گی۔ ہم قانونی طور پر ہر دستیاب طریقہ استعمال کر رہے ہیں تاکہ بشار الاسد کا احتساب ہو،تاہم روس کے ساتھ کسی تنازع میں الجھنا فی الحال شام کے لیے نقصان دہ اور انتہائی مہنگا ثابت ہو گا ۔ گزشتہ ستمبر کے آخر میں دمشق کے تفتیشی جج توفیق العلی نے بشار الاسد کے خلاف عدم موجودگی میں گرفتاری کا وارنٹ جاری کیا تھا، تاکہ معاملے کو بین الاقوامی سطح پر انٹرپول کے ذریعے آگے بڑھایا جا سکے۔ دوسری جانب روس نے بشارالاسد کو زہر دیے جانے کی خبروں کی تردید کردی۔ وزیرخارجہ سرگئی لاروف نے واضح کیا ہے کہ بشار الاسد اور ان کا خاندان ماسکو میں محفوظ ہیں۔ انہوں نے معمر قذافی کے انجام کا حوالہ دیتے ہوئے کہا کہ بشار الاسد کو انسانی بنیادوں پر پناہ دی، معمر قذافی کا قتل براہ راست نشر ہوا اور ہیلری کلنٹن اس پر خوش ہوئی تھی۔ بشارالاسد کو زہر دیے جانے کی خبریں جھوٹ اور من گھڑت ہیں۔ یاد رہے کہ برطانیہ میں قائم سیرین آبزرویٹری فار ہیومن رائٹس نے زہر دیے جانے کا دعویٰ کیا تھا۔ آبزرویٹری کے مطابق بشارالاسد کو مبینہ طور پر ستمبر میں زہر دیا گیا۔ شامی ہیومن رائٹس آبزرویٹری کے مطابق زہر خورانی کے بعد بشارالاسد کو اسپتال منتقل کیا گیا جہاں وہ زیرعلاج ہیں اور حالت اب بہتر ہے۔رپورٹ میں کہا گیا ہے کہ حملے کا مقصد روسی حکومت کی ناکامی کو ثابت کرنا تھا۔ بشارالاسد سے صرف بھائی ماہرالاسد کو اسپتال میں ملاقات کی اجازت ملی۔
ذریعہ: Jasarat News
کلیدی لفظ: بشارالاسد کو بشار الاسد الاسد کو
پڑھیں:
دمشق پر اسرائیلی حملے؛ 10 شامی شہری جاں بحق، متعدد فوجی زخمی
دمشق کے مضافاتی علاقے میں اسرائیلی فوج کی فضائی اور زمینی کارروائی کے نتیجے میں کم از کم 10 شامی شہری جان سے ہاتھ دھو بیٹھے، جبکہ کئی افراد زخمی ہوئے ہیں۔
حملہ دارالحکومت کے قریب واقع قصبے بیت جن میں کیا گیا، جہاں کارروائی کے دوران اسرائیلی فورسز اور مقامی آبادی کے درمیان جھڑپوں کی بھی اطلاعات موصول ہوئیں۔
شامی میڈیا کے مطابق یہ حملہ اس وقت ہوا جب اسرائیلی فوج نے تین افراد کو گرفتار کرنے کے بعد علاقے کا محاصرہ کیا۔ کارروائی کے دوران اسرائیلی ہیلی کاپٹر اور توپ خانے مسلسل گولہ باری کرتے رہے، جس سے گھروں کو نقصان پہنچا اور خوفزدہ شہری قریبی دیہات کی جانب نقل مکانی پر مجبور ہوگئے۔
اسرائیلی فوج کا دعویٰ ہے کہ کارروائی کا ہدف وہ افراد تھے جو مبینہ طور پر اسرائیلی شہریوں پر حملوں کی منصوبہ بندی میں ملوث تھے۔ اسرائیلی فوج کے مطابق فائرنگ کے تبادلے میں ان کے 6 اہلکار زخمی ہوئے، جن میں دو افسران کی حالت تشویش ناک ہے۔
واضح رہے کہ 2025 کے دوران اسرائیل شام میں متعدد حملے کر چکا ہے۔ اسرائیل کا مؤقف ہے کہ یہ کارروائیاں سرحدی خطرات کے تدارک کے لیے کی جاتی ہیں، جبکہ شامی حکومت انہیں اپنی خودمختاری پر براہِ راست حملہ قرار دیتی ہے۔
ضمنی الیکشن پرامن رہا، دنیا بھر میں انتخابات میں خلاف ورزیاں ہوتی ہیں، سکندر سلطان راجہ