کیا افغان حکومت کو نظر نہیں آرہا کہ بھارتی حکومت اپنے ملک میں مسلمانوں کے ساتھ کیا سلوک کر رہی ہے ؟ تجزیہ کار عثمان شامی
اشاعت کی تاریخ: 12th, October 2025 GMT
لاہور(ڈیلی پاکستان آن لائن) تجزیہ کار عثمان شامی نے کہا ہےکہ افغانستان کو سوچنا ہو گا کہ کیا وہ بھارت کے اعلیٰ کار تو نہیں بن رہے ،کیا افغان حکومت کو نظر نہیں آرہا کہ بھارتی حکومت اپنے ملک میں مسلمانوں کے ساتھ کیا سلوک کر رہی ہے ؟ان کا کہنا تھا کہ بھارت کے نیشنل سیکیورٹی ایڈوائزر اجیت دوول کی ایک پرانی ویڈیو وائرل ہے جس میں وہ کہتے ہیں کہ اگر انہیں زیادہ پیسے دیں گے تو یہ ہمارے ساتھ ہو جائیں گے اور ہم انہیں دیو بند کے ذریعے کنٹرول کریں گے ، اب افغان وزیر خارجہ کا دیوبند کے مرکز میں تاریخی استقبال ہو ا تو انہیں یہ سوچنا چاہیے کہ کیا یہ بھارت کا اعلیٰ کار تو نہیں بن رہے۔افغان حکومت کوکیا یہ نظر نہیں آرہا کہ بھارت میں مسلمانوں کے ساتھ کیا ہورہا ہے
لاہور میں جائیداد کے تنازعے پردو بھائیوں میں فائرنگ ، ایک جاں بحق جبکہ دوسرازخمی ہو گیا
دنیا نیوز کے پروگرام 'تھنک ٹینک ،میں گفتگو کرتے ہوئے عثمان شامی نے کہا کہ افغان وزیر خارجہ کی بھارت میں پریس کانفرنس کے دوران خواتین کو داخل نہیں ہونے دیا گیا تو اس بات کو لے کر بھارت میں بہت ہنگامہ ہوا ، آج انہوں نے دوبارہ پریس کانفرنس کی تو اس میں خواتین کو بھی بلا یا گیا ۔
انہوں نے کہا کہ افغان وزیرخارجہ کے مطابق پاکستان ہم سے لڑائی سے پہلے امریکہ اور سوویت یونین سے پوچھ لیں، ان کی اطلاع کے لیے عرض ہے کہ انہوں نے امریکہ اور سوویت یونین سے لڑائی پاکستان کے ساتھ مل کر لڑی تھی۔ آج بھی بہت سے امریکی ہم سے ناراض ہیں کیونکہ جب ان سے پوچھاجاتا ہے کہ آپ افغانستان میں ناکام کیوں ہوئے تو وہ کہتے ہیں کہ وجہ پاکستان تھی، اتنی احسان فراموشی اچھی نہیں ہے ۔ تجزیہ کار نے کہا کہ یہ کہتے ہیں کہ ہماراملک سپر پاورز کا قبرستا ن ہے تو انہوں نے اس ملک کو قبرستان ہی بنا یا ہے ، نہ انفراسٹرکچر میں ترقی نہ تعلیم اوردیگر میدانوں میں ترقی کی، اگر آپ کو دوسرے ممالک آکر 20,20سال پھینٹی لگاتے رہے ہیں تو کیا یہ قابل فخر بات ہے؟ ان کا کہنا تھا کہ پاکستان افغانستان کے خلاف نہیں ہے بلکہ وہاں پر موجود جو عناصر ہمارے ملک کے خلاف کارروائیاں کرتے ہیں ، ہم ان کے خلاف ہیں۔ عثمان شامی نے بتا یا کہ آج وزیر اعظم شہباز شریف سے مجھ سمیت کچھ صحافیوں نے سوال کیاکہ ان سے مذاکرات کیوں نہیں کیے جارہے تو انہوں نے جواب دیا کہ اتنے عرصے سے بات چیت جاری ہے لیکن پھر وہ ہی صورتحال برقرار ہے تو اب یہ پیغام دینا ضروری ہے کہ آپ کو کھلی چھوٹ حاصل نہیں ہے۔
افغان مہاجرین کو ان کے وطن واپس جانا ہوگا، خواجہ آصف
مزید :.ذریعہ: Daily Pakistan
کلیدی لفظ: کہ بھارت انہوں نے کے ساتھ نے کہا
پڑھیں:
پاک افغان کشیدگی پر بھارت کا فیک پروپیگنڈا بے نقاب
پاکستان اور افغانستان کے درمیان حالیہ کشیدگی کے دوران بھارت کا گودی میڈیا ایک بار پھر جھوٹے پروپیگنڈے میں سرگرم ہوگیا۔
بھارتی میڈیا نے اے آئی (Artificial Intelligence) کے ذریعے جعلی ویڈیوز اور تصاویر بنا کر پاکستان کے خلاف منفی مہم شروع کر دی۔
بھارتی چینلز نے شمالی وزیرستان کے شہری عادل داوڑ کو فوجی افسر ظاہر کرتے ہوئے جھوٹا دعویٰ کیا کہ وہ پاک افغان سرحد پر کارروائی کے دوران شہید ہوگئے۔
تاہم عادل داوڑ نے ویڈیو پیغام جاری کر کے بھارتی پروپیگنڈے کو مکمل طور پر بے نقاب کر دیا۔ ان کا کہنا تھا، “میرا نام عادل داوڑ ہے، میں شمالی وزیرستان سے سیاسی اور سماجی کارکن ہوں۔ بھارتی میڈیا نے میری مصنوعی ذہانت سے تیار کی گئی تصویر چلا کر مجھے فوجی میجر ظاہر کیا ہے، حالانکہ میں عام شہری ہوں۔”
عادل داوڑ نے کہا کہ بھارتی میڈیا نے جعلی تصاویر کے ذریعے میرے خلاف جھوٹا بیانیہ پھیلایا، جو صحافت کے بنیادی اصولوں کی کھلی خلاف ورزی ہے۔
ماہرین کے مطابق بھارت کا گودی میڈیا پہلے بھی پلوامہ اور پہلگام جیسے واقعات میں جھوٹی معلومات اور فالس فلیگ آپریشنز کے ذریعے پروپیگنڈا کرتا رہا ہے تاکہ پاکستان کو عالمی سطح پر بدنام کیا جا سکے۔
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی