الجولانی کل صدر پیوٹن سے ماسکو میں ملاقات کرینگے
اشاعت کی تاریخ: 14th, October 2025 GMT
خبر رساں ایجنسی کے مطابق الشعرع روسی صدر ولادیمیر پوٹن سے ملاقات میں خطے کی تازہ ترین صورتحال اور باہمی تعلقات کو فروغ دینے کے طریقوں پر تبادلہ خیال کریں گے۔ اسلام ٹائمز۔ شام کی سرکاری خبر رساں ایجنسی نے بتایا ہے کہ احمد الشرع (الجولانی) بدھ کو روس جائیں گے اور روسی صدر پیوٹن سے ملاقات کرینگے۔شام کی سرکاری خبر رساں ایجنسی (SANA) کے مطابق الجولانی سرکاری دورے پر روس جائیں گے، یہ دورہ دوطرفہ تعلقات اور سیاسی و اقتصادی تعاون کو مضبوط بنانے کے مقصد سے کیا جائے گا۔ خبر رساں ایجنسی نے مزید کہا کہ الشعرع روسی صدر ولادیمیر پوٹن سے ملاقات کریں گے اور خطے کی تازہ ترین صورتحال اور باہمی تعلقات کو فروغ دینے کے طریقوں پر تبادلہ خیال کریں گے۔ واضح رہے کہ اس سے قبل شامی وزیردفاع بھی ماسکو کا دورہ کر چکے ہیں۔ اس دورے میں ماسکو میں موجود شامی شہری بھی الجولانی سے ملیں گے۔
.ذریعہ: Islam Times
کلیدی لفظ: خبر رساں ایجنسی
پڑھیں:
مولانا فضل الرحمٰن 21 دسمبر کو ککری گراؤنڈ لیاری میں عوامی اجتماع سے خطاب کرینگے
مولانا نور الحق نے کہا کہ مولانا فضل الرحمٰن صحیح بخاری کی آخری حدیث کا درس اور اہم خطاب کرینگے۔ اسلام ٹائمز۔ جمعیت علماء اسلام پاکستان کے امیر مولانا فضل الرحمٰن 21 دسمبر کو کراچی کے ککری گراؤنڈ لیاری میں عوامی اجتماع اور اجتماعی ختمِ بخاری کی تقریب سے خطاب کرینگے، اس کا اعلان جے یو آئی ضلع جنوبی کراچی کے امیر مولانا نورالحق اور جنرل سیکریٹری عبدالحق مخلص نے جامعہ اسلامیہ نورانی مسجد صرافہ بازار میں جے یو آئی ضلع جنوبی کے مشترکہ اجلاس میں کیا۔ مولانا نور الحق نے کہا کہ مولانا فضل الرحمٰن صحیح بخاری کی آخری حدیث کا درس اور اہم خطاب کرینگے۔ انہوں نے بتایا کہ اجتماع کے وسیع انتظامات کے سلسلے میں تیاریاں جاری ہیں اور اس عوامی اجتماع کے انتظامات کیلئے مختلف کمیٹیاں تشکیل دی گئی ہیں، جو انتظامی، سیکیورٹی، استقبالیہ، نظم و ضبط اور سہولیات سے متعلق تمام امور کی نگرانی کر رہی ہیں۔
آئی ایم ایف نے حکومتی کارکردگی کا بھانڈا پھوڑ دیا ہے، صاحبزادہ ابوالخیر زبیر