پولیو سے انکار کرنے والے بچوں کی ویکسی نیشن پر خصوصی توجہ
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) حکومت کی جانب سے پولیو کے قطرے پینے سے انکار کرنے والے بچوں کی ویکسی نیشن پر خصوصی توجہ دی جا رہی ہے۔ انکاری بچوں کی ویکسینیشن کو یقینی بنانے کے لیے خصوصی اقدامات کیے گئے ہیں اور ٹیمیں مقرر کی گئی ہیں۔ 13 اکتوبر سے قبل انکار کرنے والے 34 ہزار بچوں میں سے تین روزہ مہم میں چھ ہزار بچوں کی ویکسی نیشن مکمل کر لی گئی۔ انکاری بچوں کی کوریج کے لیے خصوصی ٹیموں میں بلدیاتی اداروں سمیت مختلف محکموں کے افسران شامل ہیں۔ کمشنر کراچی سید حسن نقوی نے کورنگی کے مختلف علاقوں کا دورہ کیا، پولیو ٹیموں کے ارکان سے ملاقات کی اور کارکردگی کا جائزہ لیا۔ انہوں نے کہا کہ افسران اور ڈاکٹرز کا مقصد والدین کو قائل کر کے بچوں کو قطرے پلانا ہے، غفلت برتنے والوں سے وضاحت طلب کی جائے گی۔ ان کے ہمراہ ڈپٹی کمشنر کورنگی مسعود بھٹو، اسسٹنٹ کمشنر حسن کھوسو اور پولیو ٹاسک فورس کے کوآرڈینیٹر سعود کھوسو بھی موجود تھے۔ کمشنر نے یونین کونسل ناصر کالونی اور حسرت موہانی کالونی میں پولیو ورکرز سے بات چیت کی، جنہوں نے بتایا کہ بیشتر والدین تعاون کر رہے ہیں تاہم بعض گھروں میں مزاحمت کا سامنا ہے۔ کمشنر نے ہدایت کی کہ توہین آمیز رویہ اختیار کرنے والے والدین کے خلاف قانونی کارروائی کی جائے۔ انہوں نے کہا کہ انسداد پولیو قومی مقصد ہے، ورکرز قوم کے خدمت گار ہیں اور نمایاں کارکردگی دکھانے والے ورکرز کو ایوارڈز دیے جائیں گے۔
ذریعہ: Jasarat News
پڑھیں:
مریم نواز کا خصوصی بچوں کے اسکول میں دورہ، بچوں کے ساتھ تصاویر اور ویڈیوز وائرل
وزیر اعلیٰ پنجاب مریم نواز نے لاہور میں ایک خصوصی بچوں کے مرکز کا دورہ کیا اور بچوں کے ساتھ گھل مل کر وقت گزارا۔ دورے کے دوران مریم نواز نے بچوں کے ساتھ تصاویر اور ویڈیوز بنوائیں جو سوشل میڈیا پر وائرل ہو گئی ہیں۔ وائرل ویڈیو میں انہیں خصوصی بچوں سے گفتگو کرتے اور ان کے ساتھ خوش دلی سے تصاویر بناتے دیکھا جا سکتا ہے۔
ایک ویڈیو میں ایک خصوصی بچہ مریم نواز اور ثانیہ عاشق کے ساتھ تصاویر بنواتے ہوئے دلچسپ انداز میں دونوں کو بلاتا نظر آیا، جس پر وہاں موجود عملہ اور حکومتی شخصیات مسکراتے رہے۔
اس موقع پر مریم نواز نے بتایا کہ ایک سال سے کم عرصے میں پنجاب کے ہر ضلع میں “سنٹر آف ایکسیلنس فار اسپیشل ایجوکیشن” قائم کیے گئے ہیں، اور آج انہوں نے ایک نئے مرکز کا افتتاح کیا۔ اس کے ساتھ ہی اسکول میل پروگرام کا آغاز بھی کیا گیا، جس کے تحت 303 اسکولوں کے 45 ہزار بچوں کو دودھ اور بسکٹ فراہم کیے جائیں گے۔
مریم نواز نے بچوں کے تھراپی رومز، اسمارٹ کلاس رومز، بریل سیکھنے کی سہولیات اور ان کے فن پاروں کا جائزہ لیتے ہوئے کہا کہ یہ بچے ہمت اور قابلیت کی روشن مثالیں ہیں۔ انہوں نے کہا کہ انہیں ذاتی طور پر ان بچوں کے ساتھ وقت گزار کر بہت خوشی ہوئی اور والدین کی محنت اور صبر کو سراہا۔
تقریب سے خطاب میں مریم نواز نے یہ بھی بتایا کہ ان کی بہن کا بڑا بیٹا اسپیشل چائلڈ ہے اور اس کی موجودگی گھر میں رحمت لاتی ہے، جس کی وجہ سے اسپیشل بچوں کے والدین کی ہمت کو سلام پیش کرتی ہیں۔
آئی ایم ایف نے حکومتی کارکردگی کا بھانڈا پھوڑ دیا ہے، صاحبزادہ ابوالخیر زبیر