نون، میم اور شین سیسہ پلائی دیوار کی طرح متحد ہیں، چچا شہباز شریف سے لڑائی کی افواہوں پر مریم نواز کا رد عمل
اشاعت کی تاریخ: 8th, October 2025 GMT
پاکپتن(ڈیلی پاکستان آن لائن)وزیراعلیٰ پنجاب مریم نواز نے کہا ہے کہ مخالفین یاد رکھیں، نون، میم اور شین سیسہ پلائی دیوار کی طرح متحد ہیں، پنجاب کے 25 اضلاع میں کرائم ریٹ زیرو ہے۔پاکپتن میں الیکٹرک بسوں کی فراہمی کے افتتاحی منصوبے سے خطاب میں مریم نواز نے کہا کہ مخالفین کوتنقید کیلئےکچھ نہیں ملتا تو نون میں سے شین نکالتے ہیں، شین میں سے نون نکالتے ہیں۔
انہوں نے کہا کہ یاد رکھو، نون، میم، شین سیسہ پلائی دیوار کی طرح متحد ہیں، نون سے شین نکالنے، میم سےنون نکالنا، میم سے شین نکالنا ایسے بڑے آئے، بڑی کوشش کی۔وزیراعلیٰ پنجاب نے مزید کہا کہ 40 سال سے یہ کوشش ہو رہی ہے لیکن ان کو دھول چاٹنا پڑی، آج وہ سب اپنے انجام کو پہنچے، جو اب کر رہے ہیں، وہ بھی انجام کو پہنچیں گے۔اُن کا کہنا تھا کہ پنجاب میں ترقی اور خدمت پر تنقید کے لیے آپ کو شین، نون، میم ملا ہے تو آپ کو انا للہ وانا الیہ راجعون پڑھ لینا چاہیے۔
وزیر اعلیٰ خیبرپختونخوا کے عہدے سے ہٹائے جانے کے فیصلے کی خبروں کے بعد علی امین گنڈا پور کا ردعمل سامنے آگیا
مریم نواز نے یہ بھی کہا کہ 38 اضلاع تک ترقی نہیں پہنچے گی تو پنجاب ترقی یافتہ نہیں، چھوٹے شہروں کو بھی خوبصورت بنا رہے ہیں، پاکپتن مجھے پہلے سے زیادہ صاف ستھرا نظر آیا۔انہوں نے کہا کہ کبھی پنجاب میں ہاتھوں سے جھاڑو دیتے لوگ نظر آتے تھے، ستھرے پنجاب کے تحت پورے پنجاب میں ایک طرح کی مشینری ہے۔وزیراعلیٰ پنجاب نے کہا کہ کسی ضلع کو دوسرےضلع سےصفائی کیلئے مشینری نہیں مانگنا پڑے گی، ستھرا پنجاب توقع سے زیادہ بڑا پروگرام بن چکا ہے۔
اُن کا کہنا تھا کہ کوئی سوچ سکتا تھا کہ میانوالی، وزیرآباد میں الیکٹرک پبلک ٹرانسپورٹ آئے گی، لوگ ٹوٹی پھوٹی بسوں میں سفر کرنے پر مجبور تھے۔مریم نواز نے کہا کہ الیکٹرک بس کا کرایہ 20 روپے ہوگا، اتنا تو چنگ چی کا بھی کرایہ نہیں ہوتا جبکہ طالب علموں، خواتین، اسپیشل افراد کےلیے بس فری ہے۔انہوں نے کہا کہ چھوٹےشہروں کو نظر انداز کردیا جاتا تھا، میں ان شہروں کیلئےسہولت لائی ہوں، بسوں کو سی سی ٹی وی سے مانیٹر کرتے ہیں۔
وزیرِ اعلیٰ خیبر پختونخوا کو ہٹانے سے متعلق خبروں پر بیرسٹر گوہر کا بیان بھی آ گیا
وزیراعلیٰ پنجاب نے کہا کہ لوگوں نے الیکٹرک بسوں پر ایسی خوشی منائی جیسے عید کا سماں ہو، دسمبر تک 11 سو الیکٹرک بسیں آجائیں گی۔اُن کا کہنا تھا کہ اپریل مئی تک 1500 الیکٹرک بسیں آجائیں گی، بڑی خوشی ہے کہ لوگ اس بس کو استعمال کر رہے ہیں، لوگوں کو ایک باعزت سواری کم کرائے پر دستیاب ہے۔
مزید :.ذریعہ: Daily Pakistan
کلیدی لفظ: مریم نواز نے نے کہا کہ تھا کہ
پڑھیں:
بلاول کی جو بات ناگوار گزری مریم نواز نے اس کا جواب دے دیا، رانا ثناء
وزیراعظم شہباز شریف کے معاون خصوصی برائے سیاسی امور سینیٹر رانا ثناء اللّٰہ نے کہا ہے کہ بلاول بھٹو کی جو بات مریم نواز کو ناگوار گزری اس کا انہوں نے جواب دے دیا۔
جیو نیوز کے پروگرام ’آج شاہزیب خانزادہ کے ساتھ‘ میں گفتگو کے دوران رانا ثناء اللّٰہ نے کہا کہ پیپلز پارٹی اور ن لیگ اکثر معاملات میں ایک دوسرے کے ساتھ تعاون کرتے ہیں۔
وفاقی وزیر پارلیمانی امور طارق فضل چوہدری نے کہا ہے کہ سیاسی جماعتوں کے درمیان ہلکی پھلکی موسیقی چلتی رہتی ہے۔
انہوں نے کہا کہ پیپلز پارٹی کے ساتھ ہمارا کئی معاملات پر اختلاف بھی رہا ہے اور دونوں جماعتوں نے اکٹھے جدوجہد بھی کی ہے۔
ن لیگی سینیٹر نے مزید کہا کہ پیپلز پارٹی اور ن لیگ مخالف سیاسی جماعتیں ہیں مگر دشمن سیاسی جماعتیں نہیں، بلاول بھٹو نے جو پریس کانفرنس میں گفتگو کی اس پر ہمیں اعتراض ہے۔
وزیر اطلاعات پنجاب عظمیٰ بخاری نے استفسار کیا ہے کہ شعلے اگلتی زبانوں کے ساتھ ہم سے سیز فائر کی امید کیسے رکھی جاسکتی ہے؟
اُن کا کہنا تھا کہ بلاول جو تجاویز دے رہے ہیں، اس سے لگا وہ کہہ رہے ہیں کہ شاید ہم کام ٹھیک نہیں کررہے، پی پی چیئرمین کی گفتگو مریم نواز کو ناگوار گزری ہے۔
رانا ثناء نے یہ بھی کہا کہ پنجاب حکومت کی کارکردگی پر بات ہوگی تو مریم نواز کی ذمے داری ہے کہ وہ اس کا جواب دیں اور انہوں نے بلاول بھٹو کی جو بات ناگوار گزری اس کا جواب دے دیا۔
پیپلز پارٹی کے مرکزی رہنما قمر زمان کائرہ نے کہا ہے کہ ہمارا مقصد کسی کی ناک رگڑنا نہیں ہے، ہم حکومت کو کسی مہم میں نہیں ڈالنا چاہتے۔
انہوں نے کہا کہ مریم نواز صرف وزیراعلیٰ پنجاب نہیں اپنی جماعت کی لیڈر بھی ہیں، ہر سیاسی جماعت کا کارکن اپنی جماعت کے رہنما کا دفاع کرتا ہے۔
ن لیگی سینیٹر نے کہا کہ اگر بلاول بھٹو کو کوئی بات سمجھائی یا کہی جاسکتی ہے تو وہ صدر آصف زرداری صاحب کہہ سکتے ہیں۔
اُن کا کہنا تھا کہ اگر مریم نواز کے ساتھ کوئی بات ہوسکتی ہے تو شہباز شریف یا نواز شریف کرسکتے ہیں۔
رانا ثناء اللّٰہ نے صاف الفاظ میں کہا کہ آصف زرداری، شہباز شریف یا نواز شریف کی سطح پر جس دن بات ہوگی، تو یہ سب ختم ہوجائے گا۔
اسرائیلی بحریہ کا فلوٹیلا کے 42 کشتیوں پر قبضہ، مشتاق احمد سمیت 450 افراد گرفتار