وزارتِ اعلیٰ سے ہٹائے جانے کی خبروں پر علی امین گنڈاپور کا ردعمل آگیا
اشاعت کی تاریخ: 8th, October 2025 GMT
پشاور ( اُردو پوائنٹ اخبارتازہ ترین۔ 08 اکتوبر2025ء ) صوبہ خیبرپختونخواہ کی وزارتِ اعلیٰ سے ہٹائے جانے کی خبروں پر پی ٹی آئی رہنماء علی امین گنڈاپور کا ردعمل آگیا۔ تفصیلات کے مطابق پاکستان تحریک انصاف کے پیٹرن انچیف عمران خان کے حکم پر وزیراعلیٰ خیبرپختونخواہ کو تبدیل کیے جانے کی اطلاعات زیر گردش ہیں، اس معاملے پر علی امین گنڈاپور نے کہا ہے کہ پہلے بھی کہہ چکا ہوں کہ وزرات اعلیٰ پارٹی سربراہ کی امانت ہے، عمران خان سے اڈیالہ جیل میں رہنماؤں کی ملاقات جاری ہے، ہٹائے جانے کے حوالے سے ابھی مجھے باضابطہ کوئی بھی اطلاع نہیں دی گئی، جب مجھے کہا جائے گا کہ کام چھوڑ دو تو اس کی تعمیل کروں گا۔
قبل ازیں میڈیا رپورٹس میں ذرائع کے حوالے سے دعویٰ کیا گیا کہ عمران خان نے وزیراعلیٰ خیبرپختونخوا علی امین گنڈا پور کو تبدیل کرنے کا فیصلہ کرلیا ہے، بانی پی ٹی آئی نے علی امین گنڈاپور کو عہدے سے ہٹانے کے احکامات پارٹی کو جاری کر دیئے، عمران خان کی جانب سے سہیل آفریدی کو نیا وزیرِ اعلیٰ خیبرپختونخواہ نامزد کر دیا گیا۔(جاری ہے)
مختلف ٹی وی چینلز پر نشر ہونے ولی خبر میں ذرائع کا حوالہ دیتے ہوئے اس حوالے سے کہا گیا کہ راولپنڈی کی اڈیالہ جیل میں آج عمران خان نے صحافیوں سے گفتگو میں کہا علی امین گنڈا پور کو ہدایات دینے کے باوجود وہ میری ہدایات نظر انداز کرتا رہا، خیبرپختونخواہ میں آپریشن تک نہیں رکوا سکا، اس لیے اس کو فورآ ہٹا کر سہیل آفریدی کو وزیراعلیٰ خیبرپختونخوا بنایا جائے۔
.
ذریعہ
ذریعہ: UrduPoint
کلیدی لفظ: تلاش کیجئے علی امین گنڈاپور
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ