گلگت، سپیکر اور اپوزیشن لیڈر کا سروس ٹریبونل کا دورہ، ممبران سے ملاقات
اشاعت کی تاریخ: 22nd, November 2025 GMT
اسپیکر جی بی اسمبلی اور اپوزیشن لیڈر نے چیئرمین سروس ٹربیونل اور ممبران کی خدمات کو خراجِ تحسین پیش کرتے ہوئے کہا کہ انتہائی قلیل مدت میں گلگت بلتستان کے سرکاری ملازمین کو اُن کی دہلیز پر انصاف فراہم کرنا قابلِ ستائش قدم ہے۔ اسلام ٹائمز۔ اسپیکر گلگت بلتستان اسمبلی نذیر احمد اور قائدِ حزبِ اختلاف و پارلیمانی لیڈر مجلس وحدت مسلمین گلگت بلتستان کاظم میثم نے گلگت بلتستان سروس ٹربیونل کا دورہ کیا۔ اس موقع پر دونوں اراکین نے چیئرمین سروس ٹربیونل اور ممبران سے تفصیلی ملاقات کی اور ٹربیونل کی کارکردگی، زیرِ التواء اپیلوں اور انتظامی معاملات پر مفصل گفتگو کی۔ اسپیکر جی بی اسمبلی اور اپوزیشن لیڈر نے چیئرمین سروس ٹربیونل اور ممبران کی خدمات کو خراجِ تحسین پیش کرتے ہوئے کہا کہ انتہائی قلیل مدت میں گلگت بلتستان کے سرکاری ملازمین کو اُن کی دہلیز پر انصاف فراہم کرنا قابلِ ستائش قدم ہے۔ انہوں نے اس بات کو بھی سراہا کہ ٹربیونل نے نہ صرف عوامی نوعیت کے دیرینہ مسائل حل کیے بلکہ محکمہ جاتی ملازمین کے معاملات پر بھی خصوصی توجہ دیتے ہوئے مؤثر اور بروقت فیصلے کیے۔
انہوں نے اس اُمید کا اظہار کیا کہ سروس ٹربیونل آئندہ بھی اسی جذبے اور محنت کے ساتھ اپنا کردار ادا کرتا رہے گا اور گلگت بلتستان کے وہ تمام ملازمین جن کی اپیلیں زیرِ سماعت ہیں، اُنہیں انصاف کی فراہمی کے لیے دن رات جدوجہد جاری رکھے گا۔ مزید براں، دورے کے اختتام پر چیئرمین سروس ٹربیونل ممتاز احمد اور ممبران کی جانب سے اسپیکر گلگت بلتستان اسمبلی نذیر احمد اور قائدِ حزبِ اختلاف کاظم میثم کو یادگاری سووینئر بھی پیش کیا گیا۔ اس موقع پر دونوں رہنماؤں نے نیک خواہشات کا اظہار کرتے ہوئے چیئرمین اور ممبران کا شکریہ ادا کیا اور ٹربیونل کی پیشہ ورانہ خدمات کو قابلِ فخر قرار دیا۔ آخر میں اسپیکر اور اپوزیشن لیڈر نے چیئرمین اور ممبران کو یقین دلایا کہ قانون کی پاسداری اور انصاف کی تیز رفتار فراہمی کے لیے ہر ممکن تعاون جاری رکھا جائے گا۔
ذریعہ
ذریعہ: Islam Times
کلیدی لفظ: چیئرمین سروس ٹربیونل اور اپوزیشن لیڈر گلگت بلتستان نے چیئرمین اور ممبران
پڑھیں:
وفاقی جماعتوں کے تمام مرکزی قائدین گلگت بلتستان انتخابات میں متحرک
استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔ اسلام ٹائمز۔ گلگت بلتستان الیکشن کی تاریخ کے آخری ہفتے میں انتخابی مہم زروں پر پہنچ گئی ہے، وفاقی جماعتوں کے تقریباً تمام مرکزی قائدین گلگت بلتستان پہنچ گئے ہیں اور اپنے اپنے امیدواروں کی انتخابی مہم میں حصہ لے رہے ہیں۔ پیپلزپارٹی کے چیئرمین بلاول بھٹو اور آصفہ بھٹو زرداری نے سکردو میں جلسہ سے خطاب کیا۔ پیپلزپارٹی کے دیگر قائدین قمر زمان کائرہ، ندیم افضل چن، چوہدری منظور پہلے ہی گلگت بلتستان میں ڈیرے ڈالے ہوئے ہیں۔ ادھر وفاقی وزیر امور کشمیر انجینئر امیر مقام، خواجہ سعد رفیق بھی جی بی میں موجود ہیں۔ استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ