احتجاج کے حوالے سے پارٹی عمران خان کے پیغام کی منتظر ہے، شفیع جان
اشاعت کی تاریخ: 20th, November 2025 GMT
وزیراعلیٰ خیبرپختونخوا سہیل آفریدی کے معاون خصوصی برائے اطلاعات نے کہا ہے کہ احتجاج کے حوالے سے پارٹی عمران خان کے پیغام کی منتظر ہے، عمران خان کا پیغام موصول ہوتے ہی خیبرپختونخوا سے لاکھوں افراد احتجاج میں شریک ہوں گے۔
یہ بھی پڑھیں: امن جرگہ کے حوالے سے فائنل ڈرافٹ تیار، تمام فریقین کو اعتماد میں لے لیا گیا، شفیع جان
شفیع جان نے اڈیالہ جیل روانگی کے موقع پر میڈیا سے گفتگو کرتے ہوئے کہا ہے کہ بانی چیئرمین عمران خان سے وزیراعلیٰ خیبرپختونخوا سہیل آفریدی کی جیل میں ملاقات اُن کا آئینی و قانونی حق ہے، جسے روکا نہیں جانا چاہیے۔
شفیع جان کا کہنا تھا کہ وزیراعلیٰ سہیل آفریدی عوام کے منتخب وزیراعلیٰ ہیں اور عمران خان سے ملاقات کے لیے اسلام آباد ہائیکورٹ کے احکامات بھی موجود ہیں۔ انہوں نے واضح کیا کہ حکومت کسی صورت عمران خان کو ائسولیشن میں رکھنے کی اجازت نہیں دے گی۔
اپنی گفتگو میں معاون خصوصی نے سابق وزیراعظم نواز شریف کا حوالہ دیتے ہوئے کہا کہ اُن کے دورِ اقتدار میں ’پوری کابینہ لندن جایا کرتی تھی‘، لیکن آج ایک منتخب وزیراعلیٰ کو اپنے قائد سے ملنے نہیں دیا جارہا۔
یہ بھی پڑھیں: ضابطہ اخلاق کی خلاف ورزی: الیکشن کمیشن نے وزیراعلیٰ سہیل آفریدی کو کل طلب کرلیا
انہوں نے بتایا کہ احتجاج کے حوالے سے پارٹی عمران خان کے پیغام کی منتظر ہے اور اس سلسلے میں گزشتہ روز بھی پارٹی کا اجلاس منعقد ہوا۔ شفیع جان کے مطابق جیسے ہی اڈیالہ جیل سے عمران خان کا پیغام موصول ہوگا، خیبرپختونخوا سے لاکھوں افراد احتجاج میں شریک ہوں گے۔
شفیع جان نے کہا کہ وزیراعلیٰ خیبرپختونخوا کی قیادت میں پوری پارٹی متحد ہے اور آئینی حقوق کے تحفظ کے لیے ہر فورم پر آواز بلند کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news احتجاج پی ٹی آئی سہیل آفریدی شفیع جان.ذریعہ: WE News
کلیدی لفظ: پی ٹی ا ئی سہیل ا فریدی شفیع جان کے حوالے سے شفیع جان
پڑھیں:
مجھ پر مقدمات اس لئے بنائے جا رہے ہیں کہ میں بانی سے ملنے کے لئے آتا ہوں,سہیل آفریدی
سٹی42: خیبر پختونخوا کی ھکومت سنبھالنے سے پہلے ہی وفاقی حکومت اور سکیورٹی اداروں پر الزامات کے گولے برسانے کا آغاز کر دینے والے سہیل آفریدی کہتے ہیں کہ مجھ پر مقدمات اس لئے بنائے جا رہے ہیں کہ میں بانی سے ملنے کے لئے آتا ہوں۔
سہیل آفریدی وزیراعلیٰ بننے سے پہلے ہی مقدمات میں ملوث تھے، ان کے وزیراعلیٰ بننے کے بعد ان پر ایک سیاسی جلسے میں تقریر کرنے کے دوران سرکاری ملازمین پر سنگین الزامات لگانے کے سبب الیکشن کمیشن نے گزشتہ روز ہی قانونی کارروائی کرنے کا عندیہ دیا تھا۔
نادرا کا سسٹم ڈاؤن ، بیرون ملک جانے کیلئے پولیو سرٹیفکیٹ کا اجرا بند
آج راولپنڈی میں خیبر پختونخوا کے وزیراعلیٰ سہیل آفریدی نے میڈیا سے باتیں کیں اور کہیا، میں جب بانی سے ملنے آتا ہوں اور بات کرتا ہوں تو مجھ پر ایف آئی اے اور دیگر جگہوں پر مقدمات درج ہوجاتے ہیں۔
سہیل آفریدی کئی بار اڈیالہ جیل والی سڑک تک آئے لیکن ان کی کبھی بنای سے ملاقات نہیں ہوئی۔ البتہ ہر مرتبہ جب وہ اڈیالہ جیل کی سڑک پر بنے پولیس ناکے تک آتے ہیں تو میڈیا سے باتین ضرور کرتے ہیں جن میں متنازعہ مواد بھی ہوتا ہے تاہم اب تک سہیل آفریدی پر اڈیالہ جیل کے ناکے پر کی کسی بات پر کوئی مقدمہ بننے کی اطلاع سامنے نہیں آئی۔
پبلک سروس کمیشن کے امتحانات، خیبر پختونخوا میں دفعہ144 نافذ
سہیل آفریدی نے کہا، "مجھ پر بے ہودہ الزمات لگائے جاتے ہیں." "مجھے بتایا جائے اختیار کس کے پاس ہے ."
سہیل آفریدی نے کہا، "میں تو جمہوری بندہ ہوں میں قومی اسمبلی سپریم کورٹ وزیر اعظم سب کے پاس گیا ہوں"
Waseem Azmet
موت کی سزا سے چند منٹ پہلے بچ جانے والا خوش نصیب امریکی