جٹیکس گلوبل 2025 میں پاکستان پویلین کا افتتاح
اشاعت کی تاریخ: 14th, October 2025 GMT
دبئی( اُردو پوائنٹ اخبارتازہ ترین۔ 14 اکتوبر2025ء ) دبئی میں جٹیکس گلوبل 2025 کے دوران پاکستان کا ’’ٹیک ڈیسٹی نیشن پویلین‘‘ باقاعدہ طور پر افتتاح کر دیا گیا، جو عالمی سطح پر پاکستان کے ایک ابھرتے ہوئے ٹیکنالوجی مرکز کے طور پر کردار کو مزید مضبوط بناتا ہے۔ افتتاحی تقریب کی قیادت وفاقی وزیر برائے آئی ٹی و ٹیلی کام محترمہ شزا فاطمہ خواجہ نے کی۔
اس موقع پر وزیراعظم کے کوآرڈینیٹر برائے کامرس رانا احسان افضل خان، پاکستان کے سفیر برائے متحدہ عرب امارات عزت مآب فیصل نیاز ترمذی، ایڈیشنل سیکریٹری وزارت آئی ٹی و ٹیلی کام و سی ای او اگنائٹ رفیق احمد بُریرو، قونصل جنرل دبئی حسین محمد، اسپیشل انویسٹمنٹ فسیلیٹیشن کونسل کے بریگیڈیئر سید نادر حسین شاہ، پاکستان سافٹ ویئر ایکسپورٹ بورڈ کے سی ای او ابو بکر، نیشنل انفارمیشن ٹیکنالوجی بورڈ کے سی ای او فیصل ریاتیال، چیئرمین P@SHA سید سجاد اور ٹریڈ اینڈ انویسٹمنٹ کونسلر علی زیب خان سمیت متعدد صنعتکار، بین الاقوامی سرمایہ کار اور میڈیا نمائندگان نے شرکت کی۔(جاری ہے)
پاکستان پویلین کو کاروباری روابط، سرمایہ کاری نیٹ ورکنگ، شراکت داری کے اعلانات، اور اسٹارٹ اپس کی نمائندگی کے مرکزی مقام کے طور پر ترتیب دیا گیا ہے، جہاں وزیٹرز کو جدید ٹیکنالوجی کی لائیو ڈیموز، کاروباری ملاقاتیں، اور عالمی تعاون کے مواقع فراہم کیے جا رہے ہیں۔ اس موقع پر وفاقی وزیر شزا فاطمہ خواجہ نے کہا کہ: ’’جٹیکس گلوبل میں پاکستان کی موجودگی ہمارے اعتماد، صلاحیت اور ڈیجیٹل مستقبل کے عزم کی عکاس ہے، جو وزیراعظم شہباز شریف کی قیادت اور وژن آف ڈیجیٹل نیشن پاکستان کے تحت آگے بڑھ رہا ہے۔ پاکستان کے نوجوان اور ہنرمند افراد، تیزی سے بڑھتی ہوئی آئی ٹی ایکسپورٹس کے ساتھ، عالمی ٹیکنالوجی معیشت میں مرکزی کردار ادا کرنے کے لیے تیار ہیں۔‘‘.ذریعہ: UrduPoint
کلیدی لفظ: تلاش کیجئے پاکستان کے
پڑھیں:
پاکستان ریلوے میں نئی ٹیکنالوجی متعارف کروا دی گئی
data-id="863a0a8" data-element_type="widget" data-widget_type="theme-post-content.default">
لاہور (مانیٹر نگ ڈ یسک) پاکستان ریلوے نے ٹرین آپریشن میں نیا جدید واکی ٹاکی سیٹ متعارف کروا دیا۔ ریلوے ذرائع کے مطابق پاکستان ریلوے کے پرانے واکی ٹاکی سیٹ کے ساتھ مختلف ٹرین عملہ کا رابطہ مشکلات کا شکار رہتا تھا۔ ریلوے کے نئے جدید واکی ٹاکی سیٹ کے ذریعے لاہور، کراچی اور پشاور تک باآسانی رابطہ ممکن ہوگا۔ ریلوے کے جدید سسٹم سے ٹرین ڈرائیور، گارڈ اور کنٹرول آفس کے درمیان کمیونیکیشن پہلے سے زیادہ تیز اور مؤثر ہوگی۔ پاکستان ریلوے کا یہ اہم قدم ٹرین آپریشن کو مزید بہتر بنانے کی طرف ایک اہم پیشرفت ہے۔
ضمنی انتخابات؛ پولنگ کا وقت ختم، سکیورٹی انتظامات مزید سخت