ٹی ایل پی سے متعلق فیک نیوز پھیلانے والوں کے خلاف بڑے پیمانے پر کارروائی کا آغاز
اشاعت کی تاریخ: 14th, October 2025 GMT
حکومت نے تحریک لبیک پاکستان (ٹی ایل پی) سے متعلق جعلی خبروں کے پھیلاؤ کے خلاف بڑے پیمانے پر کارروائی کا آغاز کردیا ہے۔
میڈیا رپورٹس کے مطابق فیک نیوز پھیلانے والے نیٹ ورکس کی نشاندہی کرلی گئی اور اس عمل میں ملوث مرکزی کرداروں کی فہرست بھی تیار کر لی گئی ہے۔
یہ بھی پڑھیں: تحریک لبیک پاکستان کے احتجاج کے پیچھے کیا مقاصد کار فرما تھے؟
جعلی خبریں پھیلانے والے عناصر کے خلاف نیشنل سائبر کرائم انویسٹی گیشن ایجنسی کے تحت مقدمات درج کیے جائیں گے، جبکہ ایف آئی اے سائبر کرائم و دیگر خصوصی یونٹس کو فوری گرفتاریوں کے احکامات دے دیے گئے ہیں۔
اطلاعات کے مطابق ڈیپ فیک لیب میں جعلی آڈیوز اور ویڈیوز کی فرانزک جانچ جاری ہے۔ متعلقہ سوشل میڈیا پلیٹ فارمز کو نوٹسز جاری کر دیے گئے ہیں اور انہیں ہدایت کی گئی ہے کہ جعلی مواد 24 گھنٹوں کے اندر ہٹا دیا جائے۔
اس کے علاوہ سوشل میڈیا پر بار بار غلط معلومات پھیلانے والوں کے اکاؤنٹس مستقل طور پر معطل کرنے کی سفارش بھی زیر غور ہے۔
حکام کا کہنا ہے کہ عوام کو محتاط رہنے کی ضرورت ہے، کیونکہ غیرمصدقہ ویڈیوز یا کلپس شیئر کرنے والوں کے خلاف بھی کارروائی کی جا سکتی ہے۔ اداروں کے خلاف جھوٹ اور نفرت انگیزی پر زیرو ٹالرنس پالیسی نافذ کر دی گئی ہے۔
فیک نیوز مہم کے پیچھے اوورسیز نیٹ ورکس کی ٹریسنگ بھی شروع کر دی گئی ہے، اور سفارتخانوں کے ذریعے قانونی و سفارتی اقدامات کی تیاری کی جا رہی ہے۔ بیرونِ ملک ملوث افراد کے خلاف ریڈ نوٹس اور بین الاقوامی تعاون کے آپشنز پر بھی غور کیا جا رہا ہے۔
چینلز اور بلاگرز کو ہدایت جاری کی گئی ہے کہ وہ کوئی بھی مواد نشر یا پوسٹ کرنے سے پہلے اس کی دہری تصدیق ضرور کریں۔
مزید بتایا گیا ہے کہ گمراہ کن ہیش ٹیگز اور ٹرولنگ نیٹ ورکس کے خلاف ٹارگٹڈ آپریشن کا آغاز کر دیا گیا ہے۔ فیک نیوز کے مالی سہولت کاروں کی نشاندہی اور مشکوک ٹرانزیکشنز کی اسکریننگ بھی جاری ہے۔
رپورٹس کے مطابق ہنگامی حالات میں افواہیں پھیلانے پر اضافی سزائیں دی جائیں گی، جبکہ یہ بھی انکشاف ہوا ہے کہ کئی جعلی اکاؤنٹس بھارت اور افغانستان سے آپریٹ ہو رہے ہیں۔ اس سلسلے میں صوبائی فوکل پرسنز تعینات کر دیے گئے ہیں اور فوری ردعمل اور کاؤنٹر میسجنگ یونٹس کو فعال کر دیا گیا ہے۔
یہ بھی پڑھیں: چیف جسٹس کو قتل کی دھمکی دینے پر تحریک لبیک پاکستان کے نائب امیر ظہیرالحسن شاہ گرفتار
حکام نے بتایا کہ فیک نیوز رپورٹ کرنے کے لیے سرکاری ہیلپ لائن فعال کر دی گئی ہے، اور ایسی خبروں کی اطلاع دینے والوں کی شناخت مکمل طور پر خفیہ رکھی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تحریک لبیک پاکستان ٹی ایل پی فیک نیوز کریک ڈاؤن وی نیوز.ذریعہ: WE News
کلیدی لفظ: تحریک لبیک پاکستان ٹی ایل پی فیک نیوز کریک ڈاؤن وی نیوز تحریک لبیک پاکستان فیک نیوز کے خلاف گئی ہے
پڑھیں:
ایس ایم ٹی اے نے پنک اسکوٹیز کی تقسیم سے متعلق زیر گردش افواہوں کا نوٹس لے لیا
پنک اسکوٹیز منصوبے سے متعلق سوشل میڈیا پر جعلی پیغامات کو سندھ ماس ٹرانزٹ اتھارٹی نے مسترد کردیا۔
سندھ ماس ٹرانزٹ اتھارٹی (ایس ایم ٹی اے) نے سوشل میڈیا پر پنک اسکوٹیز سے متعلق جعلی پیغامات اور اشتہارات کا نوٹس لے لیا۔
ایس ایم ٹی اے نے پنک اسکوٹیز کے لیے رقم کی ادائیگی سے متعلق خبروں اور پیغامات کے خلاف قانونی کارروائی کا اعلان کیا ہے۔
اعلامیے میں کہا گیا ہے کہ عوام کسی بھی غیر سرکاری ویب سائٹ، لنک یا سوشل میڈیا اکاؤنٹ پر بھروسا نہ کریں، نہ ہی اپنی ذاتی معلومات فراہم کریں اور کسی بھی صورت میں رقم کی ادائیگی نہ کریں۔
ایس ایم ٹی اے کے اعلامیے کے مطابق پنک اسکوٹیز مستحق خواتین کو مکمل طور پر مفت فراہم کی جارہی ہیں۔ جعلی پیغامات پھیلانے اور عوام کو گمراہ کرنے والوں کے خلاف کارروائی ہوگی۔
کشمیر میں معاملات خوش اسلوبی سے حل ہوئے، کشمیری عوام کے تمام تحفظات کو دور کیا جائےگا، وزیرِ اعظم