ایکسپینڈ نارتھ اسٹار 2025 میں پاکستان پویلین کا افتتاح، پاکستانی اسٹارٹ اپس کی شاندار نمائش
اشاعت کی تاریخ: 14th, October 2025 GMT
دبئی ( اُردو پوائنٹ اخبارتازہ ترین۔ 14 اکتوبر2025ء ) دبئی ہاربر میں 12 سے 15 اکتوبر تک جاری ایکسپینڈ نارتھ اسٹار 2025 کا آغاز ہو گیا ہے، جو خطے کا سب سے بڑا پلیٹ فارم ہے جو عالمی اسٹارٹ اپس، سرمایہ کاروں اور جدید تخلیق کاروں کو آپس میں جوڑتا ہے۔ تقریبِ افتتاح کے موقع پر پاکستان پویلین کا افتتاح متحدہ عرب امارات میں پاکستان کے سفیر عزت مآب فیصل نیاز ترمذی نے کیا۔
ان کے ہمراہ وزارتِ آئی ٹی و ٹیلی کام کے ایڈیشنل سیکریٹری و سی ای او اگنائٹ رفیق احمد بُریرو، قونصل جنرل دبئی حسین محمد، ٹریڈ کونسلر علی زیب خان، پریس کونسلر محمد صالح، جنرل منیجر اگنائٹ (پراجیکٹس) بلال عباسی اور وزیر خزانہ کے مشیر خرم شہزاد بھی موجود تھے۔ وزارتِ آئی ٹی و ٹیلی کام اور اگنائٹ نیشنل ٹیکنالوجی فنڈ کے وفد نے پاکستان کی نمائندگی پر فخر کا اظہار کرتے ہوئے بتایا کہ 10 پاکستانی اسٹارٹ اپس اس عالمی نمائش میں ڈیجیٹل پروڈکٹس اور جدید ٹیکنالوجیکل سلوشنز پیش کر رہے ہیں، جو مختلف شعبوں میں پاکستان کی جدت اور اختراعی صلاحیت کو اجاگر کر رہے ہیں۔(جاری ہے)
اس موقع پر خطاب کرتے ہوئے سفیر فیصل نیاز ترمذی نے کہا کہ > ’’پاکستان کی آئی ٹی ایکسپورٹس میں نمایاں اضافہ ہوا ہے۔ متحدہ عرب امارات کو برآمدات رواں مالی سال 2024–25 میں 376 ملین امریکی ڈالر تک پہنچ گئی ہیں جبکہ پاکستان کی عالمی آئی ٹی ایکسپورٹس 3.76 بلین امریکی ڈالر سے تجاوز کر چکی ہیں، جو بین الاقوامی منڈیوں میں پاکستان کی بڑھتی ہوئی موجودگی کا ثبوت ہے۔‘‘ ایڈیشنل سیکریٹری رفیق احمد بُریرو نے کہا کہ ’’ایکسپینڈ نارتھ اسٹار 2025 میں پاکستانی اسٹارٹ اپس کی شمولیت حکومت کے اس وژن کی عکاس ہے جس کے تحت نوجوانوں کو ٹیکنالوجی، جدت اور انٹرپرینیورشپ کے ذریعے بااختیار بنایا جا رہا ہے۔ یہ اسٹارٹ اپس پاکستان کے ڈیجیٹل مستقبل کے سفیر ہیں، جو نالج اکانومی کے ذریعے پائیدار معاشی ترقی کے ہدف میں اپنا کردار ادا کر رہے ہیں۔‘‘ انہوں نے مزید کہا کہ سرمایہ کاروں، کاروباری شخصیات اور آئی ٹی ماہرین کو ہال 8، اسٹینڈ نمبر H8-B180 پر قائم پاکستان پویلین کا دورہ کرنا چاہیے تاکہ پاکستان کے تخلیقی اور جدید اسٹارٹ اپس کو قریب سے دیکھ سکیں اور باہمی تعاون و سرمایہ کاری کے مواقع تلاش کر سکیں۔ اس سال 40 سے زائد آزاد پاکستانی اسٹارٹ اپس بھی نمائش میں حصہ لے رہے ہیں، جو پاکستان کی ٹیکنالوجی اور انٹرپرینیورشپ کے بڑھتے ہوئے اثر و رسوخ کو ظاہر کرتا ہے۔ عالمی وینچر کیپیٹلسٹس، ایکسیلیریٹرز اور کارپوریٹ پارٹنرز کی جانب سے پاکستانی پویلین میں غیر معمولی دلچسپی ظاہر کی جا رہی ہے — جو اس بات کا ثبوت ہے کہ پاکستان عالمی سطح پر اسکیل ایبل، بااثر اور سرمایہ کاری کے قابل کاروبار تخلیق کرنے کی بھرپور صلاحیت رکھتا ہے۔
ذریعہ: UrduPoint
کلیدی لفظ: تلاش کیجئے پاکستانی اسٹارٹ اپس میں پاکستان پاکستان کی رہے ہیں آئی ٹی
پڑھیں:
پاکستان میں انتہائی ٹیلنٹڈ باکسرز ہیں: باکسر عامر خان
—فائل فوٹوپاکستانی نژاد برطانوی باکسر عامر خان کا کہنا ہے کہ پاکستان میں انتہائی ٹیلنٹڈ باکسرز ہیں۔
لاہور میں میڈیا سے گفتگو کرتے ہوئے انہوں نے کہا کہ لاہور آکر اچھا لگا، یہاں 15 ممالک کے باکسرز نے اس ایونٹ میں شرکت کی، یہاں کے فینز اور سیکیورٹی سب بہترین تھا۔
عامر خان کا کہنا ہے کہ اس چیمپئن شپ سے پاکستان میں کھیلوں کو فروغ ملے گا، میزبانی شاندار تھی، اس سے پاکستان کے ٹورازم میں مدد ملے گی۔
انہوں نے کہا کہ باکسنگ میں پاکستان کا مستقبل روشن ہے، ایک دن پاکستان کا بھی محمد علی اور مائیک ٹائسن جیسا چیمپئن آئے گا، یہاں ہم نے جو مقابلے دیکھے وہ شاندار تھے۔
ان کا کہنا تھا کہ پاکستان آرمی کا بے حد شکر گزار ہوں کہ اتنا اچھا ایونٹ منعقد کیا، پاکستان آرمی نے تمام غیرملکی باکسرز اور مہمانوں کو بہترین سیکیورٹی فراہم کی۔
حماس کا وفد غزہ جنگ بندی پر مذاکرات کیلئے مصر پہنچ گیا