مڈغاسکر میں فوجی یونٹ نے اقتدار سنبھال لیا، صدر راجویلینا برطرف
اشاعت کی تاریخ: 14th, October 2025 GMT
مشرقی افریقی ملک مڈغاسکر میں ایلیٹ فوجی یونٹ نے منگل کے روز اقتدار سنبھال لیا ہے۔
یہ اقدام اُس وقت سامنے آیا جب قومی اسمبلی نے صدر اندری راجویلینا کو فرائض کی انجام دہی میں کوتاہی کے الزام میں برطرف کرنے کے حق میں ووٹ دیا۔
یہ بھی پڑھیں: نیپال کی پہلی خاتون وزیراعظم کا حلف، نوجوانوں کی بغاوت کے بعد سیاسی نقشہ بدل گیا
51 سالہ صدراندری راجویلینا نے بڑھتے ہوئے استعفے کے مطالبات کو مسترد کر دیا تھا اور کئی ہفتوں سے جاری حکومت مخالف احتجاجی مظاہروں کے بعد چھپنے پر مجبور ہو گئے تھے۔
????????❗️ — Madagascar’s military has refused orders to suppress protesters and declared support for the demonstrations.
➡️ An elite army unit announced it now commands the armed forces, marking a coup d’état amid mass protests demanding the president’s resignation. pic.twitter.com/8M1seoPkRx
— Geopolitia (@_geopolitic_) October 13, 2025
کمیٹی آف دی سپورٹ ریجمنٹ کے سربراہ کرنل مائیکل رانڈریانیرینا نے دارالحکومت کے ایک سرکاری عمارت میں بیان پڑھنے کے بعدمیڈیا کو بتایا کہ انہوں نے اقتدار سنبھال لیا ہے۔
انہوں نے کہا کہ یہ یونٹ فوج، نیم فوجی پولیس اور قومی پولیس کے افسران پر مشتمل ایک عبوری کمیٹی قائم کرے گا۔
مزید پڑھیں:’میوزک، میمز اور گرافیٹی‘ بنگلہ دیش میں بغاوت سے احتساب تک کے عوامی ہتھیار
کرنل مائیکل رانڈریانیرینا نے کہا کہ ممکن ہے وقت کے ساتھ ساتھ سینیئر سویلین مشیروں کو بھی شامل کیا جائے۔ یہی کمیٹی صدارتی فرائض انجام دے گی۔
’چند دنوں کے بعد ہم ایک سویلین حکومت بھی تشکیل دیں گے۔‘
یہ اعلان اُس وقت سامنے آیا جب پارلیمنٹ کے ایوانِ زیریں نے صدر راجویلینا کی برطرفی کے حق میں ووٹ دیا، پالریمنٹ کے مذکورہ اجلاس کو صدر نے ’کسی بھی قانونی بنیاد سے محرو‘” قرار دیا تھا۔
چند گھنٹے قبل ہی راجویلینا نے اسمبلی کو تحلیل کرنے کا حکم نامہ جاری کیا تاکہ ووٹنگ کو روکا جا سکے۔
مزید پڑھیں: ’جنریشن زی‘ کی بغاوت، نیپال کا سبق جو ہمیں بھی سیکھنا چاہیے
برطرفی کی قرارداد کو 130 ووٹوں کی اکثریت سے منظور کیا گیا جو کہ 163 رکنی ایوان میں آئینی 2 تہائی اکثریت سے کہیں زیادہ تھی۔
اب یہ ووٹ اعلیٰ آئینی عدالت کی توثیق کا منتظر ہے۔
مزید پڑھیں: جنوبی کوریا کے صدر پر بغاوت کے الزام میں فرد جرم عائد
پیر کی رات انتاناناریوو راجویلینا نے میڈیا کو بتایا تھا کہ وہ ’محفوظ مقام‘ پر پناہ لیے ہوئے ہیں کیونکہ ان پر جان لیوا حملے کی کوشش کی گئی تھی، تاہم انہوں نے اپنی موجودہ جگہ ظاہر نہیں کی۔
مڈغاسکر میں احتجاجی مظاہرے 25 ستمبر سے جاری ہیں اور گزشتہ ہفتے اس وقت فیصلہ کن موڑ پر پہنچے جب باغی فوجی اور سیکیورٹی اہلکاروں نے، جن میں کمیٹی آف دی سپورٹ ریجمنٹ بھی شامل تھی، مظاہرین کا ساتھ دیتے ہوئے صدر اور وزرا کے استعفے کا مطالبہ کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس صدر راجویلینا فوج کمیٹی آف دی سپورٹ ریجمنٹ مڈغاسکر مشرقی افریقہ یونٹ
ذریعہ
ذریعہ: WE News
کلیدی لفظ: پولیس صدر راجویلینا فوج کمیٹی آف دی سپورٹ ریجمنٹ مشرقی افریقہ یونٹ
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ