ایشین کپ فٹبال کوالیفائر: پاکستان اور افغانستان کا دوسرا میچ بھی برابر
اشاعت کی تاریخ: 14th, October 2025 GMT
اے ایف سی ایشین کپ کوالیفائر کے دوسرے میچ میں اعتزاز حسین کے شاندار فیلڈ گول نے پاکستان کو افغانستان کے خلاف میچ 1-1 سے برابر کرنے میں مدد دی۔
کویت کے شہر العارضیۃ کے صباح السالم اسٹیڈیم میں منگل کے روز کھیلے گئے گروپ ای کے اس مقابلے کا آغاز دلچسپ انداز میں ہوا، جب افغانستان نے کھیل کے آغاز کے صرف 5ویں منٹ میں برتری حاصل کرلی۔
یہ بھی پڑھیں:
افغان ڈیفینڈر محبوب حنیفی نے نہایت درستگی سے گیند کو پاکستانی گول کیپر ثاقب حنیف کو چکمہ دیتے ہوئے جال میں پہنچا کر اپنی ٹیم کو ایک گول کی برتری دلائی۔
Full-time: Afghanistan 1-1 Pakistan
A fiercely-contested match ended all square, as Pakistan and Afghanistan their second draw in 5 days in the AFC Asian Cup 2027 Qualifiers.
— On the Mic (@on_themic) October 14, 2025
تاہم افغانستان کی یہ برتری زیادہ دیر قائم نہ رہ سکی، اور پاکستان کے مڈفیلڈر اعتزاز حسین نے 29ویں منٹ میں شاندار گول کرتے ہوئے مقابلہ برابر کردیا۔
دونوں ٹیموں نے برتری حاصل کرنے کے لیے متعدد کوششیں کیں مگر میچ کے اختتام تک اسکور 1-1 پر برقرار رہا، اور یوں دونوں ٹیموں نے ایک ایک پوائنٹ حاصل کیا۔
پوائنٹس بانٹنے کے باوجود افغانستان اور پاکستان، دونوں گروپ ای میں بالترتیب تیسرے اور چوتھے نمبر پر موجود ہیں۔
مزید پڑھیں:
افغانستان کو بہتر گول ڈفرنس کی بنیاد پر معمولی برتری حاصل ہے۔
واضح رہے کہ پاکستان اور افغانستان کے درمیان گزشتہ ہفتے اسلام آباد میں کھیلا گیا پہلا لیگ میچ بھی برابری کی بنیاد پر ختم ہوا تھا۔
گرین شرٹس نے میچ کے آغاز سے ہی جارحانہ انداز اپناتے ہوئے متعدد حملے کیے، لیکن افغانستان کی مضبوط دفاعی لائن نے پاکستان کے تمام مواقع ناکام بنا دیے۔
مزید پڑھیں:
میچ کے 67ویں منٹ میں پاکستان کو برتری حاصل کرنے کا سنہری موقع ملا جب اسے پینلٹی ملی، مگر اوٹس خان اس موقع سے فائدہ نہ اٹھا سکے اور اسکور لائن 1-1 پر ہی رہی۔
مواقع ضائع ہونے کے باوجود، دونوں ٹیموں کی شاندار اور پرجوش کارکردگی پر شائقین نے خوب داد دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد اعتزاز حسین افغانستان ایشین کپ کوالیفائر اے ایف سی پاکستان پینلٹی کویت
ذریعہ
ذریعہ: WE News
کلیدی لفظ: اسلام آباد افغانستان ایشین کپ کوالیفائر اے ایف سی پاکستان پینلٹی کویت
پڑھیں:
فیفا ورلڈکپ: ٹرمپ کی مداخلت پر فیصلہ تبدیل، ناروے کا فیفا کیخلاف بڑا اقدام اٹھانے کا فیصلہ
فیفا کی جانب سے امریکی فارورڈ فولارین بالوگن کی ایک میچ کی خودکار معطلی کا اقدام واپس لیے جانے کے فیصلے پر تنازع مزید شدت اختیار کر گیا ہے۔
بین الاقوامی خبر رساں ادارے کے مطابق ناروے فٹبال فیڈریشن نے اعلان کیا ہے کہ وہ اس معاملے پر فیفا کی ایتھکس کمیٹی میں باضابطہ شکایت دائر کرنے پر غور کر رہی ہے۔
بالوگن کو بوسنیا ہرزیگووینا کے خلاف میچ میں اسٹریٹ ریڈ کارڈ دکھایا گیا تھا جس کے باعث انہیں بیلجیئم کے خلاف پری کوارٹر فائنل سے باہر ہونا تھا۔
تاہم امریکی صدر ڈونلڈ ٹرمپ کی مداخلت کے بعد فیفا نے ان کی ایک میچ کی پابندی 12 ماہ کے لیے معطل کر دی جس کے نتیجے میں وہ بیلجیئم کے خلاف میدان میں اترے مگر امریکا کو 1-4 سے شکست کا سامنا کرنا پڑا۔
ناروے فٹبال فیڈریشن کی صدر لیزے کلاوینیس کے مطابق اس معاملے کو فیفا کی جانب سے ٹرمپ کو دیے گئے ’پیس پرائز‘ سے متعلق پہلے سے دائر شکایت کے ساتھ شامل کرنے پر غور کیا جائے گا۔
دوسری جانب بیلجیئم فٹبال فیڈریشن اور یورپی فٹبال تنظیم یوئیفا نے بھی فیفا کے فیصلے پر شدید تحفظات کا اظہار کیا ہے جبکہ فیفا نے بیلجیئم کی وضاحت طلب کرنے کی درخواست کو ناقابل سماعت قرار دے دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع