سینوران متھوسامی نے پاکستان کیخلاف ٹیسٹ میچ میں 41 سالہ ریکارڈ برابر کردیا
اشاعت کی تاریخ: 14th, October 2025 GMT
جنوبی افریقہ کے اسپنر سینوران متھوسامی نے لاہور ٹیسٹ میں شاندار بولنگ کا مظاہرہ کرتے ہوئے پہلی اننگز میں 117 رنز کے عوض 6 وکٹیں اور دوسری اننگز میں 57 رنز کے عوض 5 وکٹیں حاصل کرلی ہیں۔
یہ کارنامہ انہیں 1957 کے بعد سے اب تک تیسرے جنوبی افریقی اسپنر کے طور پر ممتاز کرتا ہے جنہوں نے کسی ٹیسٹ میچ میں 10 یا زائد وکٹیں حاصل کی ہیں۔
دوسری جانب سینوران متھوسامی نے پاکستان کے خلاف ٹیسٹ میچ میں 41 سالہ ریکارڈ بھی برابر کر دیا۔
یہ بھی پڑھیں:لاہور ٹیسٹ میں تیسرے روز کھیل مکمل، مہمان ٹیم کو جیت کے لیے مزید 226 رنز درکار
لاہور ٹیسٹ میچ فیصلہ کن مرحلے میں داخل ہو چکا ہے، جہاں جنوبی افریقہ کو جیت کے لیے 226 رنز درکار ہیں جبکہ پاکستان کو کامیابی کے لیے مزید 8 وکٹیں حاصل کرنی ہیں۔
Senuran Muthusamy finishes with 6-117 & 5-57 against Pakistan at Lahore ????
He's just the third South African spinner since 1957 to take a Test ten-wicket haul ????????#PAKvSA pic.
— Wisden (@WisdenCricket) October 14, 2025
تیسرے دن کے اختتام پر، پاکستان کی جانب سے دیے گئے 277 رنز کے ہدف کے تعاقب میں جنوبی افریقہ کی ٹیم نے 2 وکٹوں کے نقصان پر 51 رنز بنا لیے تھے۔
اس وقت رائن رِکلٹن 29 رنز پر ناٹ آؤٹ ہیں جبکہ ٹونی ڈے زورزی 16 رنز کے ساتھ ان کا ساتھ دے رہے ہیں، پاکستان کی جانب سے نعمان علی نے ایڈن مارکرم اور ویان ملڈر کو آؤٹ کیا۔
مزید پڑھیں: پہلا ٹیسٹ: 378 رنز کے تعاقب میں جنوبی افریقہ کی ٹیم 269 رنز پر آؤٹ
تاہم دن کا سب سے نمایاں لمحہ اس وقت آیا جب سینوران متھوسامی نے تاریخ دہرا دی اور پاکستان کے خلاف پاکستان میں کھیلے گئے کسی ٹیسٹ میچ کی دونوں اننگز میں پانچ پانچ وکٹیں لینے والے دوسرے بولر بن گئے۔
متھوسامی نے پہلی اننگز میں 117 رنز دے کر 6 وکٹیں حاصل کیں جبکہ دوسری اننگز میں 57 رنز کے عوض 5 وکٹیں لے کر یہ سنگِ میل عبور کیا۔
Senuran Muthusamy with a match-changing spell! ????
Back-to-back five-wicket hauls that have completely shifted the momentum of the Test. ????
Absolutely phenomenal from our left-arm spinner. ???????? pic.twitter.com/k7fabk41k0
— Proteas Men (@ProteasMenCSA) October 14, 2025
اس سے قبل انگلینڈ کے اسپنر نک کُک نے 1984 کے کراچی ٹیسٹ میں پاکستان کے خلاف یہی کارنامہ انجام دیا تھا، جب انہوں نے 6 وکٹیں 65 رنز اور 5 وکٹیں 18 رنز کے عوض حاصل کی تھیں۔
دلچسپ بات یہ ہے کہ متھوسامی نے مجموعی طور پر 11 وکٹیں 174 رنز کے عوض لے کر 2021ء میں حسن علی کے قائم کردہ ریکارڈ کو بھی پیچھے چھوڑ دیا۔
مزید پڑھیں:ٹیسٹ کرکٹ میں جنوبی افریقہ کے خلاف پاکستان کی پہلی کامیابی کی کہانی
حسن علی نے جنوبی افریقہ کے خلاف پاکستان میں کھیلے گئے ٹیسٹ میں 10 وکٹیں 114 رنز کے عوض حاصل کی تھیں۔
دوسری جانب، رواں ماہ کے آغاز میں پاکستان کے تجربہ کار اسپنر نعمان علی نے بھی اپنا نام ریکارڈ بُک میں درج کرایا۔
انہوں نے جنوبی افریقہ کے خلاف پہلے ٹیسٹ میں شاندار بولنگ کرتے ہوئے عظیم اسپنر اقبال قاسم کو پیچھے چھوڑ دیا۔
مزید پڑھیں:پاکستان بمقابلہ جنوبی افریقہ سیریز کی نشریاتی تفصیلات جاری
لاہور کے قذافی اسٹیڈیم میں منگل کے روز نعمان علی نے 112 رنز کے عوض 6 وکٹیں حاصل کیں اور پاکستان کو 109 رنز کی برتری دلانے میں اہم کردار ادا کیا۔
یہ ان کے کیریئر کا 5 وکٹوں والا 9واں کارنامہ تھا، جس کے ساتھ وہ ٹیسٹ کرکٹ میں سب سے کامیاب پاکستانی لیفٹ آرم اسپنر بن گئے ہیں۔
انہوں نے اقبال قاسم کے 8 مرتبہ 5 وکٹ ہالز کے طویل ریکارڈ کو پیچھے چھوڑ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی افریقہ قذافی اسٹیڈیم کرکٹ لاہور ٹیسٹذریعہ: WE News
کلیدی لفظ: جنوبی افریقہ قذافی اسٹیڈیم کرکٹ لاہور ٹیسٹ سینوران متھوسامی نے جنوبی افریقہ کے پاکستان کے لاہور ٹیسٹ پاکستان کی وکٹیں حاصل رنز کے عوض ٹیسٹ میچ ٹیسٹ میں کے خلاف حاصل کی کے لیے علی نے
پڑھیں:
امریکا نے جنوبی افریقہ کو آئندہ جی 20 سمٹ کی دعوت واپس لے لی
امریکی صدر ڈونلڈ ٹرمپ نے جنوبی افریقہ کو اگلے سال میامی میں ہونے والے جی 20 اجلاس کی دعوت منسوخ کر دی۔ ٹرمپ نے اعلان اپنی سوشل میڈیا پلیٹ فارم پر کیا، جس سے دونوں ممالک کے درمیان جاری سفارتی کشیدگی مزید بڑھ گئی ہے۔
یہ بھی پڑھیں:جنوبی افریقہ کے سابق صدر کی بیٹی کا اپنے ہی خاندان کے مردوں سے انوکھا فراڈ
ٹرمپ نے کہا کہ جنوبی افریقہ کسی بھی فورم کی رکنیت کے قابل نہیں اور امریکا اس ملک کے لیے تمام مالی معاونت فوری طور پر روک دے گا۔
امریکی صدر جنوبی افریقہ میں زمین سے متعلق نئے قانون اور سفید فام کسانوں کے خلاف مبینہ مظالم کے دعووں پر مسلسل تنقید کر رہے ہیں، جنہیں جنوبی افریقی حکومت اور علاقائی رہنماؤں نے ثبوت سے خالی قرار دیا ہے۔
اس سے قبل امریکا نے جوہانسبرگ میں ہونے والے جی 20 اجلاس میں شرکت سے بھی انکار کیا تھا۔ جنوبی افریقہ نے ٹرمپ کے الزامات کو نسلی خوف پھیلانے کی کوشش اور سیاسی مفاد کے لیے غلط بیانی قرار دیا ہے۔
یہ بھی پڑھیں:ڈونلڈ ٹرمپ اور جنوبی افریقہ کے صدر کے درمیان ملاقات میں گرماگرمی
جنوبی افریقی صدر کے دفتر نے کہا کہ امریکا اجلاس میں شریک نہیں تھا، اس کے باوجود جی 20 صدارت کی دستاویزات امریکی سفارتخانے کے نمائندے کو باقاعدگی سے منتقل کر دی گئیں۔
حکومت نے واضح کیا کہ وہ جی 20 کی بانی اور فعال رکن کی حیثیت سے اپنا کردار جاری رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا جنوبی افریقہ جی 20 صدر ٹرمپ
دفتر خارجہ میں مینا بازار کا افتتاح، حکومت خواتین کو بااختیار بنانا چاہتی ہے: اسحاق ڈار