پہلا ٹیسٹ میچ: پاکستان کے 378 رنز کے تعاقب میں جنوبی افریقہ کی ٹیم 269 رنز پر آؤٹ
اشاعت کی تاریخ: 14th, October 2025 GMT
قذافی اسٹیڈیم لاہور میں کھیلے جانے والے پہلے ٹیسٹ میچ میں جنوبی افریقہ پاکستان کے 378 رنز کے تعاقب میں 269 رنز بنا کر آؤٹ ہوگیا۔
پہلے ٹیسٹ کے دوسرے روز کے اختتام پر جنوبی افریقہ کے 6 کھلاڑی آؤٹ ہونے کے بعد 216 رنز بنے تھے تاہم تیسرے دن 269 رنز بناکر تمام کھلاڑی آؤٹ ہوگئے اور پاکستان کو برتری حاصل ہوئی۔
یہ بھی پڑھیے: پہلا ٹیسٹ: پاکستان کے 378 رنزکے جواب میں دوسرے روز کے اختتام پر جنوبی افریقہ کا اسکور 6 وکٹوں پر 216 رنز
پاکستان کی طرف سے نعمان علی نے شاندار باؤلنگ کا مظاہرہ کرتے ہوئے 6 وکٹیں حاصل کیں جبکہ ساجد خان نے 3 اور سلمان آغا نے ایک کھلاڑی کو آؤٹ کیا۔
تیسرا دن
جنوبی افریقہ نے تیسرے دن اپنی اننگز 216 کے اسکور سے دوبارہ شروع کی۔ تاہم 228 کے مجموعی اسکور پر اس کی 7ویں اور 256 تک 8ویں وکٹ گر گئی۔
جنوبی افریقہ کی 9یں وکٹ 268 رنز پر گری، جبکہ آخری کھلاڑی بھی 269 کے مجموعی اسکور پر پویلین لوٹ گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹیسٹ میچ جنوبی افریقہ کرکٹ.ذریعہ: WE News
کلیدی لفظ: پاکستان ٹیسٹ میچ جنوبی افریقہ کرکٹ جنوبی افریقہ
پڑھیں:
پہلے ٹیسٹ میچ کا دوسرا روز: جنوبی افریقہ کیخلاف پاکستانی ٹیم 378 رنز بناکر آؤٹ ہوگئی
قذافی اسٹیڈیم لاہور میں جنوبی افریقہ کے خلاف جاری پہلے ٹیسٹ میچ کے دوسرے روز پاکستان کی ٹیم اپنی پہلی اننگز میں 378 رنز بنا کر آؤٹ ہوگئی۔
پاکستان نے کھیل کے دوسرے روز 313 رنز 5 کھلاڑی آؤٹ سے اپنی نامکمل اننگز دوبارہ شروع کی جبکہ محمد رضوان 62 اور سلمان علی آغا 52 رنز کے ساتھ کریز پر موجود تھے۔
یہ بھی پڑھیے: 3 سال میں صرف 3 نصف سینچریز، بابر اعظم ٹیسٹ کرکٹ میں مکمل ناکام ہوگئے
محمد رضوان نے ذمہ دارانہ بیٹنگ کرتے ہوئے 75 رنز کی اننگز کھیلی مگر وہ 362 کے مجموعے پر آؤٹ ہوگئے۔ ان کے آؤٹ ہونے کے فوراً بعد نعمان علی اور ساجد خان بغیر کوئی رن بنائے پویلین لوٹ گئے۔ یہ تینوں وکٹیں اسپنر سینوران متھوسامے کے حصے میں آئیں جنہوں نے شاندار بولنگ کرتے ہوئے مجموعی طور پر 6 کھلاڑیوں کو آؤٹ کیا۔
سلمان علی آغا بدقسمتی سے نروس نائنٹیز کا شکار ہوئے اور 93 رنز پر اپنی وکٹ گنوا بیٹھے، جبکہ شاہین شاہ آفریدی نے 7 رنز بنائے۔
یہ بھی پڑھیے: لاہور ٹیسٹ کے پہلے دن کا کھیل ختم: پاکستان نے جنوبی افریقہ کے خلاف 5 وکٹوں پر 313 رنز بنا لیے
جنوبی افریقا کی جانب سے پرینیلان سبراین نے دو وکٹیں حاصل کیں، جبکہ کگیسو ربادا اور سائمن ہارمر کے حصے میں ایک ایک وکٹ آئی۔
پاکستان کی جانب سے اب ذمہ داری بولرز پر عائد ہوتی ہے کہ وہ جنوبی افریقا کے بلے بازوں کو جلد آؤٹ کر کے میچ پر گرفت مضبوط کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیسٹ میچ جنوبی افریقہ قذافی اسٹیڈیم
متنازع ٹویٹ ،ایمان مزاری کو اگلی سماعت پر فرد جرم کا جواب دینے کی ہدایت