اسلام آباد: پاکستان ویتنام بزنس فورم کا ترجیحی تجارتی معاہدے پر مذاکرات کے آغاز کا اعلان
اشاعت کی تاریخ: 14th, October 2025 GMT
اسلام آباد میں پاکستان ویتنام بزنس فورم کا انعقاد ہوا، جس میں وفاقی وزیر تجارت جام کمال خان اور ویتنام کے وزیر صنعت و تجارت ایچ ای نگوین ہونگ ڈین نے شرکت کی اور خطاب کیا۔
وفاقی وزیر تجارت جام کمال خان نے ویتنامی وفد اور بزنس کمیونٹی کو خوش آمدید کہتے ہوئے کہا کہ پاکستان اور ویتنام کے درمیان دیرینہ خوشگوار تعلقات مزید مضبوط ہو رہے ہیں۔ ٹیکسٹائل، لیدر، فارما، زراعت، فوڈ پروسیسنگ اور آئی ٹی کے شعبوں میں تعاون کے وسیع مواقع موجود ہیں۔
یہ بھی پڑھیے: پاکستان کی طرف سے ویتنام کو ’فاسٹنگ بدھا‘ کے تاریخی مجسمہ کا تحفہ
جام کمال خان نے کہا کہ ترجیحی تجارتی معاہدہ (PTA) دونوں ممالک کے درمیان مارکیٹ تک رسائی اور تجارتی تنوع بڑھانے میں مددگار ثابت ہوگا۔ انہوں نے دونوں ممالک کے کاروباری اداروں پر زور دیا کہ وہ طویل المدتی پارٹنرشپ قائم کریں۔
وفاقی وزیر نے کہا کہ پاکستان کے پاس نوجوان افرادی قوت اور پرکشش کاروباری ماحول موجود ہے، جبکہ ویتنام کی صنعتی ترقی اور ویلیو ایڈیڈ مینوفیکچرنگ سے سیکھنے کی ضرورت ہے۔ ان کا کہنا تھا کہ یہ بزنس فورم پاک ویتنام معاشی تعلقات کے نئے باب کا آغاز ہے۔
انہوں نے بتایا کہ فورم کے دوران ملاقاتیں اور بی ٹو بی سیشنز دوطرفہ تجارت کے فروغ میں اہم کردار ادا کریں گے۔ فورم میں ٹریڈ ڈیولپمنٹ اتھارٹی آف پاکستان اور ویتنامی وزارت صنعت و تجارت کی جانب سے پریزنٹیشنز دی گئیں۔
یہ بھی پڑھیے: وزیر اعظم شہباز شریف کی ویتنام کے ہم منصب سے ملاقات، سیاحت و سرمایہ کار ی بڑھانے پر اتفاق
دونوں وزراء نے نجی شعبے کو مشترکہ منصوبوں میں فعال کردار ادا کرنے کی دعوت دی اور ترجیحی تجارتی معاہدے (PTA) پر مذاکرات کے آغاز کا باضابطہ اعلان کیا۔
ویتنامی وزیر نگوین ہونگ ڈین نے کہا کہ یہ معاہدہ دونوں ممالک کے درمیان پائیدار اور باہمی مفید ترقی کے نئے مواقع پیدا کرے گا۔ فورم میں پاکستان اور ویتنام کے درجنوں کاروباری نمائندوں نے شرکت کی، جبکہ دونوں ممالک کے وزراء نے تعلقات کو نئے معاشی دور میں داخل کرنے کے عزم کا اظہار کیا۔
یہ بھی پڑھیے: ویتنام کی مسلم ’سلطنت چمپا‘ کی داستانِ عروج و زوال
فورم کے موقع پر دونوں وزراء نے مذہبی اور ثقافتی سیاحت کے فروغ پر بھی زور دیا۔ ویتنامی وزیر نے بدھ مت ورثے کے مقامات کو روحانی سفر قرار دیا، جبکہ جام کمال خان نے کہا کہ پاکستان گندھارا اور ٹیکسلا تہذیب کے بدھ مت ورثے کے فروغ کے لیے تیار ہے۔
جام کمال خان نے ویتنامی بزنس کمیونٹی کو نومبر میں کراچی میں ہونے والی فوڈ اینڈ ایگریکلچر ایکسپو میں شرکت کی دعوت بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بزنس تجارت معاہدہ ویتنام.
ذریعہ
ذریعہ: WE News
کلیدی لفظ: معاہدہ ویتنام جام کمال خان نے دونوں ممالک کے اور ویتنام ویتنام کے نے کہا کہ
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار