اسلامآباد کچہری خودکش حملہ: منصوبہ بندی افغانستان میں ٹی ٹی پی قیادت نے کی، وفاقی وزیر اطلاعات
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد کچہری کے باہر ہونے والے حالیہ خودکش حملے کی تحقیقات میں اہم انکشافات سامنے آگئے ہیں۔
وفاقی وزیر اطلاعات و نشریات عطا تارڑ نے پریس کانفرنس کرتے ہوئے کہا ہے کہ اس حملے کی مکمل منصوبہ بندی افغانستان میں موجود کالعدم تحریک طالبان پاکستان (ٹی ٹی پی) کے سربراہ نور ولی محسود نے اپنے کمانڈر داد اللہ کے ذریعے کی۔
وفاقی وزیر کے مطابق 11 نومبر کو اسلام آباد میں بڑا سانحہ کرنے کی کوشش کی گئی، جس کے تانے بانے براہِ راست افغانستان سے ملتے ہیں، پاکستان کی سیکیورٹی ایجنسیاں، قانون نافذ کرنے والے ادارے اور پاک فوج ہمہ وقت الرٹ ہیں اور اسی چوکسی کی بدولت حملہ اپنے اصل ہدف تک نہیں پہنچ سکا۔
عطا تارڑ نے بتایا کہ حملے کی تحقیقات میں فیصلہ کن پیشرفت ہوئی ہے اور سیکیورٹی اداروں نے حملے کے 48 گھنٹوں کے اندر چار دہشتگردوں کو گرفتار کرلیا، گرفتار ملزمان میں ساجد اللہ عرف شینا، کامران خان، محمد ذالی اور شاہ منیر شامل ہیں۔ ہینڈلر ساجد اللہ عرف شینا خودکش حملہ آور اور جیکٹ اسلام آباد کے مضافات تک لایا تھا، جہاں پہلی ٹارگٹ لوکیشن بھی برآمد کی گئی۔
وزیر اطلاعات کے مطابق خودکش حملہ آور عثمان شنواری ننگرہار، افغانستان کا رہائشی تھا، ساجد اللہ پاکستان واپسی پر عثمان شنواری سے ملا اور اسے خودکش جیکٹ فراہم کی، جس کے بعد جی الیون میں حملہ کیا گیا، ساجد اللہ نے 2015 میں تحریک طالبان افغانستان میں شمولیت اختیار کی اور مختلف تربیتی کیمپس میں مہارت حاصل کی۔
عطا تارڑ کا کہنا تھا کہ ساجد اللہ اور محمد ذالی گزشتہ برس افغانستان گئے جہاں انہوں نے داد اللہ سمیت دہشتگرد نیٹ ورک کے کئی کارندوں سے ملاقاتیں کیں۔ کابل میں داد اللہ نے انہیں نور ولی محسود کے احکامات پہنچائے، جن کے مطابق راولپنڈی اور اسلام آباد میں خودکش حملوں کی منصوبہ بندی کی گئی۔ ساجد اللہ اور داد اللہ مسلسل ایک انکرپٹڈ ایپ کے ذریعے رابطے میں رہے۔
ذریعہ
ذریعہ: Jasarat News
کلیدی لفظ: اسلام آباد ساجد اللہ داد اللہ
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ