عوامی سپورٹ اس کو کہتے ہیں جو ن لیگ کو ملی، عظمیٰ بخاری
اشاعت کی تاریخ: 25th, November 2025 GMT
وزیر اطلاعات پنجاب عظمیٰ بخاری نے کہا ہے کہ عوامی سپورٹ اس کو کہتے ہیں، جو ہمیں ملی ہے۔
لاہور میں پریس کانفرنس کے دوران عظمیٰ بخاری نے کہا کہ وزیراعلیٰ پنجاب مریم نواز پوری انتخابی مہم کے دوران کہیں نہیں گئیں۔ مریم نواز نے راولپنڈی میں الیکٹرک بس کا افتتاح کیا لیکن وہاں کوئی الیکشن نہیں تھا۔
وزیر اطلاعات پنجاب نے مزید کہا کہ مسلم لیگ ن نے پی ٹی آئی کے دور حکومت میں بھی تمام ضمنی الیکشن لڑے اور جیتے، پبلک سپورٹ اس کو کہتے ہیں جو ن لیگ کو ملی ہے۔
اُن کا کہنا تھا کہ ضمنی انتخابات میں عوام نے خدمت کو ووٹ دیا، جن کا فوکس جلسے، جلوس اور مارکٹائی ہو لوگ انہیں ووٹ نہیں دیں گے۔
عظمیٰ بخاری نے یہ بھی کہا کہ ہری پور الیکشن میں وزیراعلیٰ خیبر پختونخوا سہیل آفریدی کی دھمکیوں کے باوجود لوگوں نے ن لیگ کوووٹ دیا۔
انہوں نے کہا کہ صوبوں کے درمیان خدمت اور کارکردگی کا مقابلہ ہونا چاہیے، پی ٹی آئی نے اپنے بانی کے نام پر ووٹ مانگا، جو ان کو نہیں ملا۔ پی ٹی آئی نے ضمنی انتخابات کا کوئی بائیکاٹ نہیں کیا تھا، پنجاب کے لوگوں نے پی ٹی آئی کو صاف جواب دیا ہے۔
.ذریعہ: Jang News
کلیدی لفظ: پی ٹی ا ئی کہا کہ
پڑھیں:
سہیل آفریدی الیکشن کمشن نوٹس کو کور کرنے کیلئے مریم نواز پر الزام لگا رہے ہیں: عظمیٰ بخاری
لاہور (نوائے وقت رپورٹ) وزیر اطلاعات و ثقافت پنجاب عظمٰی بخاری نے کہا ہے کہ وزیراعلیٰ مریم نواز نے لاہور سمیت کسی بھی ایسے شہر میں ایک بھی ترقیاتی منصوبے کا افتتاح نہیں کیا جہاں ضمنی انتخابات جاری ہیں۔ مریم نواز نے انتخابی ضابطہ اخلاق کی مکمل پاسداری کرتے ہوئے کسی لیگی امیدوار کی انتخابی مہم میں حصہ نہیں لیا۔ سہیل آفریدی الیکشن کمشن سے ملنے والے نوٹس کو چھپانے اور اپنی سیاسی سبکی سے توجہ ہٹانے کے لیے وزیراعلیٰ پنجاب پر الزامات لگا رہے ہیں۔ سہیل آفریدی خود اپنے لیڈر کی روش پر چلتے ہوئے مسلسل جھوٹ بول رہے ہیں۔ ان خیالات کا اظہار انہوں نے سہیل آفریدی کے بیان پر رد عمل میں کیا۔ وزیر اطلاعات نے نشاندہی کی کہ سہیل آفریدی نے خود سرکاری افسروں کو ‘‘کل کا سورج نہ دیکھنے’’ جیسی کھلی دھمکیاں دیں، جس کی ویڈیوز اور بیانات عوام کے سامنے موجود ہیں۔ ایسے بیانات سے یہ ثابت ہوتا ہے کہ دھونس اور دھمکیوں کی سیاست تحریک انصاف کا مستقل وطیرہ ہے۔ سہیل آفریدی خود شہر ناز کی انتخابی مہم چلانے پہنچے، لیکن اس کے باوجود وزیراعلیٰ پر بے تْکی تنقید کر رہے ہیں۔ مریم نواز کی عوامی خدمت کا دائرہ انتخابی سیاست سے بالاتر ہے۔
اسحاق ڈار، چینی وزیراعظم ملاقات: سٹرٹیجک شراکت داری کی توثیق: خطے میں اقتصادی تعاون چاہتے ہیں، پیوٹن